1 Corintios 9:10 - Sinia' Jlamtis 1994

¹⁰ 'wenajliyi ti iyo sa'am ka kasts'isisi, jla'yi ti it'imina ti po' kiwak Sinia' jlamtis. Siunie i'nio' ti iwiets'ilat pijia'm 'ni ajnat, siu'neje ni t'ejes ilie'ne ni ipiata tiok, 'yijene pi iyone ti japoye siojona jansaka'n ts'iji siojona jantajlaja'm ni jikijmaye iyo.

1 Corintios 9:10 ပူးပေါင်းရင်းမြစ်များ

Mateo 24:22

Jlamt'itie ka Sinia' ine'nate ka intoyiti puwa ka jlomasa' ka inejni, jlam je tijwata'ne paka i'nioye. Lapakawo ti 'nakayi jla'am ti wuj ti yimi'n siunapo ti pajk'i ti isi'mik'i, it'imina ti kiak iyone ti je itioyiti'i niwa jlomas.

Romanos 15:4

Wikie'eyi siuniwa Sinia' jlamtis yi'i ni ji'wet jla'am je tilisanaja jiwek, 'yina ti sa'am ti kastajietajapeje, 'nakayi ti jani'neyasanaja, siu'neje ti naka ti ja kasts'et pijia'm, sijweye jantajle ti jla'am, siu'neje ti 'yakajanit ti sinijijwiye po'.

1 Corintios 3:9

Siuti ya'am siu'neje napo iniuyijk'im'ni, sikijmaye je 'wena ti anokieje ni Sinia'. Jlampet ti asa'am, asa'am siunie Sinia' jlak ji'wet siunie isi'meje'n, siu'neje ti asa'am siojona 'wuk ti je iliyi ti ilisane.

2 Corintios 4:15

'Yina ti jlam kiak iyoyi, 'nakayeyi ti ja insisieyi ni iyo ni iwit'ia. Jak je iyoyi siuti kia'iyo ti je jlase' siunie iyo ni Sinia' jikap'ijliuskiye, ja ke piniye napo i'nio' ti jinikanitieyi janwene pi Sinia', siu'neje ti janwunitis.

2 Timoteo 2:6

Jlampet siunie inkijmayewo, kia'iyojliyi lajk'ipa ka intomik'i'ni ti iyo ka intojw siupuwa jla' puwa jiwomki, kajeyepa ti nak it'imina ti ini'net ti isijme'n.