1 Corintios 8:9 - Sinia' Jlamtis 1994

⁹ 'Yina joskiyeyi, 'yena siunie jiwoyeyi. Je 'es ka asama ka at'eminayi napo as'lejwas ti k'iejli jijweye t'ontiek'i ti iyoyi ki Sinia' jlamtis, ti janwoyi ni jike'.

1 Corintios 8:9 ပူးပေါင်းရင်းမြစ်များ

Mateo 18:10

“Ke ine'wajayi ka ne'yi pa siunapo je 'esijiyi kia'lis ti 'yiyasajnas. Ajwela'yase'm ti siunapo jijliujwajnas poli jlele pet je paj ka int'ekiyisiap ni Inia' ti yi' poliyi ti i'ye'n ape'e.

Romanos 15:1

Siuti sa'am ti jwamjla'a ni awoki, ti sijweye t'onik'i siunie sitienkiujnieye ti 'es, 'esiji ka initojmataja sa'am siuniwa 'najwes t'a'ti, ka yina sa'am sitipe'e, napoka ti kasjwanjliyik'i ti awoki siunie ti atankiunieje pa Sijwajieti. 'Yina je 'esiji ka ijwienkitak'iyi siunie ti sa'am ti kasteliaja ka iyoki.

1 Corintios 10:24

Ká awojyi'n siunie ti a'm ti ja 'nesi, 'yina wojyi'n siunie ti ja 'esieyi napo a'lejwas.

1 Corintios 10:28

Jlampet ti po' ni iyo 'ate, “Siu'nie wakia t'isie'n pajk'i ti timaja ti tiwunitieje puwa diosis”, 'yina jla'm ijiate wek jla'am naka, ká atowa, 'lojwinie'e ka woye jijliak'aliye pak i'nio', jla'yi ti jakajyina' pi jitienkiujnieye iyo.

1 Corintios 10:29

Siuti ayiji naka, je asa'am ka ijwila siunie astankiujnieye iyo. Ajwel siunie jitienkiujnieye iyo napo 'wenayi. 'Yina je iyojliyi ti po' ni iyo'ate, “¿Yot'iyi'ni ka ikajyijne'n ni jitienkiujnieye napo i'nio' siunie iyo ni awoyi?

1 Corintios 10:32

Ka a'wenkinayi napo Judíojos, 'lojwinie'e ka akajyina' ni jlosik iyo, siu'neje napo ti je Judíojos, napoka 'neje siunapo ti iyoyi ki inamtik ti Sinia' jilis.

1 Corintios 8:10

Siuti a'am ti jijwel ka 'najane paka awone niwaka, ti jloyetaja siunie ininene'e'ni napo ti iyoyis jiliakijnieyeja' ape'e niwaka diosis, sekyi'i akiecha ti k'iejli jijweye t'ontiejek'i ti iyoyi niwa Sinia' jlamtis, in'yen'ni, sekyi'i ti kiak iyonayi pit pi jitienkiujnieye, “'Esp'aniji, kiak jayo, jatiujw pet.”

1 Corintios 8:12

It'imina ti kiak awoyi ti ajwela, ti ijiate ti jitieye'yi ilia'm ni Sijwajieti, kajeyepa ti je 'es siunie aske' ti jiwoyeyi, 'yina jikajyina' napoka as'lejwas ti k'iejli jijweye potie ti iyoyi niwa Sinia' jlamtis.

1 Corintios 9:22

Kia'iyojliyi ti ajyi siunapo ti k'iejli t'oni ti iyoyi kiwa Sinia' jlamtis, 'yina kia'awoye'ijyi pet ti ajwel ka je sit'iuni kiwa Sinia' jlamtis ti awoyi, kajeyepa ti awo ka 'yakajli ka iwoyi kiwa Sinia' jlamtis. It'imina ti awo'ate, 'wanjliyi ka i'nio 'wenayeyi papo ka initewitanik'i, lapakawo ti ajalasta ka i'yaka'n ka ijwiejiet jiwek paka ine'yi napo i'nio', je awet'iantaja ka nak inojwaja'm jiwek papo ka isiaka'n.

2 Corintios 11:21

¡Ts'ajwejle ka pichi'nase, ijiatepe ti awet'ianaja ka kiak iyo'nase naka! 'Yina ti po' siunapo kiak iniwone ti iniwunitisi, 'nakayi 'yiniye kayo 'ate ni siunie jitiej je 'es, ti amti'ni ti awo'ate, “kiak jayo'ni pet janiwunit'ne pet.”

2 Corintios 11:29

Jak je iyoyiji siuti po 'ni laj jit'iuniye kia'awoye'ijyi pet 'yiniye ka ijiatayi ka yama ka laja it'iuniye. Siuti po' pa ti jlam it'imina pi jikiecha ti yija'm pi jike', naka ti wujwa'aja ti sijwesie pet.

2 Corintios 6:3

'Yina lajk'ipa ka je 'esie ka iyoki ka inianaja ask'ioye, ka neyi ts'ijiye ka 'yakajyina ka ne'yi paka sitienkiujnieyeja. 'Nakayi ti ja lajak'ipa ka iwonts'e 'ate, “Wuj ti je 'es ni iniwonisi.”

Gálatas 5:13

I'lijwas, asa'am ti Sinia' ta'nase ti iyo ka wo'ate siunapo i'nio' je inkipijnas. 'Yina ká awoye 'ate, “'Esiji, 'nakayi jayoyi siunie awo ka yoyi.” 'Esiji ka emina' napo as'lejwas jla'yi ti janip'elisina' ja kiajatak'i'ni, siuti akiecha insetia'n noyeje kiak jawo'ojyi pet ti a'am janoye'a'm.

Colosenses 2:8

Joskiyeyi, ká ak'iuyeyi siunapo ti ijwi'il ka 'najajne'n 'lojwinie'e ka inkajmanats'iji'n, kajeyepa siuniwa jitienkiujnieyejes laj lajaye, siu'neje ti jawo jikipijnasa'ase'm. 'Yina siuniwa iyo ti 'yijejne'n, je paka ka intajle pi Sijwajieti, 'wenajliyi jla'am siuniwa jiket'i iyopi papo i'nio' ti 'yotatis, siu'neje ti tajle niwaka injweyejes ti je ti'wena, ti iyo jikimita 'ni ajnat.

1 Pedro 2:16

Ijiatataja wek ti je inkipijna'ase'm 'nakayi. 'Yina ká awo'ate, “Lajk'ipa ka intomi'ni ijyik'i siu'nie awoyi”, 'yina ijiate ti 'esiape'n naka ka woyeyi siunie je 'es. Siunie iniwone ni Sinia' jikawo, kiak niwonayi.

2 Pedro 2:19

Ijwijla'm napo ijia ti iyo'ate, “Mawat jikio' je ilie'nase'm ni je 'es je jwaye, 'yina sa'm ijiate wek ti kasts'ajane pi awonaja ti ajwajieta pa ti kiak iyoyi.” ¡Ijiate ti jla'm iyoyiyi siunie ijwil ka woyisi, jlam'ne jla'am ti inijwelis ti je t'ekiyisiyi siunie iyoyi ti wuj ti je 'es, ijiate jla'am ti inkipijna', je tijwayisi! Kajeyepa ti siunie inke' ti 'yakajli ni i'nio', 'nakaye'eje pet ti 'yiniye ti ilie'nit.

Apocalipsis 2:14

“'Yina po'neje ni siuniwa ti atajlata'm, naka ni siunie ti jle'najap siunapo ti yame pet siunie Balaam jika'neyasajnaye iyo, ti ijliut'iyipe pet pa Balac ka intajnap'ni ni siunie je 'es, ti ijwijla'm siunapo Israel jika kia'lis ti ijwil ka 'esieyiji ka titiuwa siuniwa ti pajk'i ti titimaja ti tiwok inlakijnieye ape'e puwaka siu'niwa ti tiwoki diosisa', ja 'nakayeyi pet ti janejia'm ni siunie inke', siu'neje na ti 'yakama ape'e siunie jota iwo napo siunie ayinie, siu'neje jana asejnia ti jlosik ijyiwiteje.