1 Corintios 8:6 - Sinia' Jlamtis 1994

⁶ 'yina ijwienjli jla'am ni Ina'a ti Sinia', jla'yi ti jitis wikie'eyi niwa wask'i'nelaja, jlampet ti sa'am jikawosts'e'm jiwek pet. Jla'yi ti ijwienjli ni Saka'niona, naka ni Sijwajieti Jesús, 'yina nak jitis wikie'eyi niwa wask'i'nelaja, jla'yi ti sa'am kia'iyo naka ti sitis.

1 Corintios 8:6 ပူးပေါင်းရင်းမြစ်များ

Mateo 11:27

Yiyik'i ti kia'iyo, sekyi'i iyo'ne 'ate: —Inia' yikialk'i wikie'eyi niwak wask'i'nelaja. Lajk'ipa ka nets'e ka ijiatayiji ka intant'ieje ni Jlas, ijwienjli jla'am ni Jinia' ti 'yijene pi iyone. Jla'yi ti lajk'ipa ka intant'ieje ni Jinia', najataja jla'am ni Jlas ti itiant'ieje, siu'neje napo iyo ni Jlas ka intant'iejeniti.

Mateo 28:18

Sekyi'i Jesús ijliasayi, iyo'ne 'ate: —Inia' yikialk'i ka iyo anechiyasa' ape'e wikie'eyi siuniwa yi' poliyi, siu'neje niwa yi' ajnat'e.

Juan 1:10

Siunie i'nio' ti inamtik pajk'i ti yikiajlin'ni ape'e 'ni ajnat, jla'am ti it'imina ti Sinia' ilisane 'ni ajnat, 'yina kiakayetak'i lapakawo siunapo yi'i 'ni ajnat je itiant'iejesi.

Juan 1:3

'Yina ka lajak'i ti jla'am ti Sinia' ilisanayi wikie'eyi niwa wask'i'nelaja yi' ape'e 'ni ajnat, jla'am ti it'imina ti Sinia' ilisane.

Juan 10:30

Siunie Inia' jla'yi ti ya'am kasjwanjli.

Juan 13:13

Siuti asa'am as'lej je lienayijk'i'm ti jiwoye'ate “Ika'neyasajnawo”, siu'neje ti jiwoye 'ate “Ika'niona”. Ijiate jlam je woyeyi, kajeyepa ijiatk'i siunie jiwoyeyi.

Juan 14:20

Janak siojona jloma ti ja'najanayi pa jawonayi ti ya'am ajyi ni Inia', jlam pet ti asa'am jleye iwia'm, 'yina ya'am aye pet aswa'm.

Juan 17:3

Ijiatjliyi, siojona in'wasankiye ti laj jlaja, naka siunie kantiant'ie'a, ti a'm ti injwanjli ti ijiateje ti Sinia'a'm, siu'neje kantant'iejesi ni siunie jijliu' naka Injwajieti Jesús.

Juan 20:17

Jesús iyo'ne 'ate: —Akio' lank'i'm, mawat je ajojliyi'ijyi ni Inia'. Maj kiu' wekie'e ka ajwele japo i'lijwas, jwejla'm ti jajioyi kiu' ni Inia', siunie Asna' pet.

Hechos 17:28

Jlam ti si'wasankiye atajlajaja, jlam ti it'imina ti kaspo', jla'yi ti askiuniek'ijin'ni. Iyot'iyipi siupapo asp'esinawos, ti iyo'ate: Sam ti jilists'e'm pa Sinia' ti atomaja pijia'm.

Hechos 2:36

“It'imina ti asa'am Israel jlele'ase'm, 'esiji ka 'najanayi, siunie Jesús ti jik'iejwata'yijpe jana cruz, Sinia' iyojwa'n anechiyasa', jla'yi ti jijliujwanik ti Injwajieti.”

Hechos 5:31

'Yina ti jla'am pa Sinia' ti isi'me, ti iyojwa'n anechiyasa' ti wuj, yijne'n jijweyeje, jla'yi ti iyojwa'n Injwajietiwoye, Israel jlele ja 'esieye siuti janwoyis jlosikis ink'iejyisa', sekjane'yi ka Sinia' inetiajnatana'a k'iye niwa jikeyis iyo.

Romanos 11:36

Ke iwo pa ti jla'am ti tajle wikie'eyi niwa wask'i'nelaja, siu'neje ti ka lajak'i je kia'iyotaja ka poye, jla'yi ti jikijmatis jla'am. ¡Siunie jiwunitieyi jajnok'i! Amén.

1 Corintios 12:3

Nak it'imina 'nakayi ti awotaja ka 'najanayi, ti po' siunie ti japaka Sinia' jikimet ti 'es ti yamtijie'n kajeyepa ti yiji, ajwel'ni je 'yu'we ka wo'ate, ka injwe'el pa Jesús, “Je 'es pa Jesús”, jlam'ne je 'wena paka intajle. Kia'iyojliyi siunie ti iyo'ate, “Saka'niona Jesús”, jlam'ne siojopa Sinia' jikimet ti 'es jijweye yiji.

1 Corintios 6:13

Siunie jikiecha iyo'ate, “Siunie sak ijiojwa'm pet jla'a sits'i', jlampet jana sits'i' tejeye pet siunie sak.” Nak je takakiunieje ti kia'iyo, 'yina jane'yi jana jloma ti Sinia' janetiajnat niwaka. 'Yina 'wenayiji pet siunie, ti siunie i'nio' ni iyo ti je ilisaniji ti tijwa'yi; kajeyepa ti je naka ka Sinia' kia'iwone ka intaye siunie ts'isie'n, 'yina tejeye pet siunie Sinia' iyo ka tiwoki ti 'es.

1 Corintios 8:4

Jlampet niwaka inkas ti titiejietajape niwaka diosis ti tiwunitieje, nak je kast'ayiji'n pet ti ijiate ti jiniliaja ape'e 'ni ajnat, kajeyepa ti ijwienjli jla'am pa Sinia' ti po'.

Efesios 1:3

Jayunitie ni Jinia' na Sijwajieti Jesús ti Saka'niona. Siuti ani'nopijietayi wita'm ni Sijwajieti, naka'ne ti Sinia' wuj ti kasp'elisijne'n, 'yina iwints'e'm wikie'eyi siuniwa isis tal poliyi.

Efesios 3:14

'Nak it'imina ti 'yakosjlete'l ateyijin kiajwe pi Sinia' ti awo 'yejlayeja',

Colosenses 1:6

Naka ni siunie Sinia' jika'niye ti yi'ase. 'Nakayi ti'wena ti jlam yamjlijyi'n pet, ti iyo jlaye jayo, wikie'eyi ape'e 'ni ajnat, iyoye pet 'ate jiwoyeyi 'nakayi, tajlape ti k'iejli 'najanayi pi jiwonayi pi Sinia' ti takap'ijliuski, siu'neje ti ijiate ti imp'elisina'.

1 Pedro 1:21

'Yina ka lajak'i pa Sijwajieti, ti Sinia' iniujwa'n kisie'e ti tajli pi a'no' siu'neje ti iyunit, sekyi'i jiwekie'eja ti je jikakiuye pa Sinia'. Jak je iyoyiji'ni ka je atankiunieyi pa Sinia' siu'neje ti asnejejwiye poye siuti kia'iyo.

Apocalipsis 1:18

siu'neje ni 'wasa'n. Ijiate ti ts'alpe, 'yina 'nakayi si'wasa'n, jajiok'i'ni ti ja ke sinitia'n. Yam'neje ti yik'i siuniwa jikie'el ti t'ajlinitijaja'm janak 'najlati jika anechijiayas.