1 Corintios 8:1 - Sinia' Jlamtis 1994

¹ Jayiyi'ni ti jajwi'il siuniwa tilianajan'ni ti titiejietajape ti tiwunitieje siuniwa tiwoki diosisa'. Ijiatk'i siunie as'lej ti jiwoye'ate, “Kaswikie'eyi ti kasts'ajan jwajla'aja.” 'Yina siuti ajwela ka kasts'aja'n jwajla'aja, yiyits'iji ti ts'ot apajakieyi ti anitonitieje; jlam'ne pet ti semijnaye po', naka pet ti iniuyeje ni sosik it'iminayi ti 'es.

1 Corintios 8:1 ပူးပေါင်းရင်းမြစ်များ

Hechos 15:10

'Yina ¿yot'iyi'ni ti jlejlita pa Sinia' ti jitilkinayi napo jilis siunie je akajlaja ka yoki, jla'yi papo sitiselt'ipi kiak iyoyisi je ikajlisi?

Hechos 15:29

Siunie t'isie'n, siuniwa k'iejliyi, ti pajk'i ti wakal ti t'otata k'iye siuniwa je ijiat ka diosisa', ká atowa. Kia'iyojliyi ni ji'woyis ni k'iejliyi ti 'yal ta'a pakaja. Ká akima siunie wuj ti je 'es, siunie iyo na ayinie jla'yi jana asejnia, ti 'yaka'm ape'e siunie iyoyi. Siuti ja ke akinieyi niwaka, ijiate ja 'nesieyiji'n. “'Nak nojwaja'm 'niwa samtis. 'Esiji ka Sinia' ine'yasap.”

Hechos 21:25

“Siunapo je Judíojos ti pajk'i ti ininekiajlisi pa Jesús, pajk'i ti sip'esinik atatajaja, ti ajwelaja'm siu'nie awonaja. Ti je 'esiji ka intowis siunie 'nisie'n ti wakal ti t'otata ti tekiajlaja niwa diosis jiniliaja. Siu'neje ni 'woyis, ni'ne ka nakaye siuniwa ti pajk'i ti 'yajle'n pakaja. Je 'esiji ka woyisi siunie iyo ni i'nio' jla'yi jana i'nioki ti 'yakama ape'e siunie 'esk'i ka tiwoki.”

Romanos 11:25

I'lijwas, po' siunie Sinia' 'yakajanitk'i'm ti awotajank'iye pet ka ijwi'lase'm, 'nakayi ti ja lajak'i pet pa ka ijwel ka ijiatayiji ka 'naja'n ti asa'am. 'Naka 'ni siu'nie: ti Israel jika kia'lis jwajla'a ti int'onit kawoyi ni siunie iyo ni Sinia', 'nakayi ti siunapo je Judíojos ja pajlataja'm pet siunie injwajieti.

Romanos 12:16

Jnojlieta wita'm niwa askiojwa'l. Ká anijnonitiejyi'n; wo 'ajajnajwasa' siunapo i'nio' jiniliaja ti laj pet lajaye. Ká ajwela' ka ijiatayiji ka 'najanajyi'n.

Romanos 14:10

'Yina siuti am ti je tiujw niwa wask'i'nelaja, ¿yot'iyi'ni ti jiliaki ni akiecha? Siupet ti a'am ti jitiujw niwak wask'i'nelaja, ¿yot'iyi'ni 'neje pet ti jiliaki ni akiecha? Jlam'ne ni jayoki ti ja kaswikie'eyi ti janiojoki jitieyi'i pa Sinia', ti jla'am ti ja kas'ye'en siupa sitis iyo.

Romanos 14:14

Siuti ya'am Pablok'i'm ti ajiap ni Saka'niona Jesús, naka ni i'nio' siunie ti lajk'ipa ka t'ojliye ka inejyi ni jlosik. Jlampet ti po' siunie ti ijwi'il pa k'iejliyi ti iyo'ate, “T'ojli naka”, 'yina jlam jla'am jiwek ti 'nachiye.

Romanos 14:19

Siuti kia'iyo jayokijyin'ni pet niwaka wask'i'nelaja tejeyi ni inkamankiye, 'yina janoyits'e'm pet ka inikelaja siunie awoki ka jlam kia'iwo kanek pet.

Romanos 14:22

'Esiji ka lesajne'n siunie atankiujnieye jitieyi'i pa Sinia'. ¡'Es ni i'nio' ti lajk'ipa ka jitiej ineni'ni 'ate ka je 'esie!

Romanos 14:3

Siunie ti inijwe'el 'esiji ti itiujw pi k'iejliyi niwa wask'i'nelaja, je 'esiji ka ilaki siunie jikiecha siunie itiujw pet. Kia'iyojliyi siunie ti je itiujw siuniwa k'iejliyi ni itiujw pet ni jikiecha, Sinia' je 'yakawona jla'am.

Romanos 15:14

I'lijwas, awo'ate: 'yakaja'ase'm ti lajk'ipa ka k'iejliyeyi ka je 'esie ka ne'yase, lajayi'ni ni ji'weta' ni siunie ti 'najanajyi'n, jla'yi ti 'najanayi ti jinijloyeyik'ijin'ni ka woyeyi siunie ijnosik ti 'es.

1 Corintios 1:5

Siuti jini'nopijietayiji ni Sijwajieti, 'yina sektaj'le ti Sinia' wuj ti imp'elisina' ti iwi'nase'm ni 'es ti yijits'i niwa askiojwa'l. It'imina ki jiwoyeyi ti 'najanajyi'n, jak je iyoyiji'ni ti jiwoyeyeta asamtikieyi niwa Sinia' jlamtis, 'yina je int'ayeyiji'n.

1 Corintios 10:15

Kiak awo'nase, kajeyepa ti asa'am ti jwajla'aja'ni jiwek pi jiwoyeyi ti 'najanajyi'n. 'Yina 'esiji ka 'yena siunie ti ajwe'lase'm.

1 Corintios 10:28

Jlampet ti po' ni iyo 'ate, “Siu'nie wakia t'isie'n pajk'i ti timaja ti tiwunitieje puwa diosis”, 'yina jla'm ijiate wek jla'am naka, ká atowa, 'lojwinie'e ka woye jijliak'aliye pak i'nio', jla'yi ti jakajyina' pi jitienkiujnieye iyo.

1 Corintios 14:20

I'lijwas, jlampet siunie jawoyeyi ape'e niwaka, ká awoye 'ate iyo napo kia'lis ni iyo ni jlosik. Jlampet siunie je 'es, jla'm ijiate jla'am ka kiak aniwonayiji ni jlosik iyo napo kia'lis. 'Yina siunie asosik wonayi'ate napo isijlijyi'n.

1 Corintios 15:34

Apilieyi siunie jiwonayi ni asosik ti 'es, 'yina leyets'i siunie asoski'la, kajeyepa ti pot'e siupa ti asa'am ti je itiant'iejeje pa Sinia'. I'lij kiak ke iyone pa ti awojonk'iye ka 'yajwejlanatak'iji wita'm.

1 Corintios 4:10

Tiwoki 'ne'liasats'e'm ape'e pi Sijwajieti, jlam'ne pet ti asa'am jijwelaye ka ijiatayiji ka 'najanajyi'n ti asa'am ti jikiniets'i pi Sijwajieti. Laj sit'iuniye, jlampet ti asa'am jijwela' ka asjweye poye. Siuti je tiwok sajaye, jlampet ti asa'am tiwok anechiyasa'ase'm.

1 Corintios 4:18

'Ye'en 'nakayi tijwela'ni, po' siunapo ti sijwelis ti ja ke yikiajle'eje ka nak ijiojwi, yamjliyi siunie ti initonitis ti ijwil ka je sijweyi.

1 Corintios 4:6

I'lijwas, ejnapeje jiwek ask'ioye pa Apolos siu'neje ti ya'am, 'yina nak ja 'nesieyi, ja'nakayeyijna'a ka je akama'yi ape'e siuniwa inamtis. Pajk'i ta'a ti yi'i ni ji'wet, jla'yi ti ja lajak'ipa ka ijnonit pi jikiecha siupa ti taka'neyasan'ni, ti kia'iyo yapijne'n pi jikiecha.

1 Corintios 5:2

¡Jikiniejliyi siunie jiniwonayi ti jinitonitiejyi'n, jlam'ne ka woyeyi asjwejliye siunie jiwoyeyi ti wuj ti je 'es! ¡Siunie i'nio' ni kiak iyo ni jike', 'esiji ka jotie kisie'e!

1 Corintios 5:6

Je 'es ka aniwunitie ape'e niwak kia'iyo. Je iyo'ate ka je 'najanayi siunie ti iyo'ate, “Siunie inwakiwa mak ti tilisanaje, 'wanjliyi ka jwamjla'aja ni siunie jijlinkit ka titietajaja, je iyojliyi ti ijliasat pijia'm.”

1 Corintios 8:2

Siuti po' ni ijwil ka 'naja'an, 'yina ya'am awo'ate, mawat je ijiate ka ijiatayiji ka 'najane.

1 Corintios 8:4

Jlampet niwaka inkas ti titiejietajape niwaka diosis ti tiwunitieje, nak je kast'ayiji'n pet ti ijiate ti jiniliaja ape'e 'ni ajnat, kajeyepa ti ijwienjli jla'am pa Sinia' ti po'.

1 Corintios 8:7

'Yina je wikie'eyi napo ka 'najane paka iwone niwaka. Jlajmiliet ti po' siunapo si'lijwas ti 'yakayank'i kiaka, ti jitiej iyoma niwaka ti iyoyisipe jika diosisa'. Ijiate, yi'i jakia jloma ti iyoyi ki inamtik, 'yina je t'oni ka jiatayiji ka intankiuni pi Sinia', jak je iyoyiji ti itiuwisieta niwaka ajwel'ni ti titiejietajape, sekyi'i isipits'i'ni. Iyoyisie'eje 'ate, “Siukia atowa titiejietajape siuniwa tiwoki diosisa', 'yina ti itimisi napo i'nio' ti ijioyisi ti iyoyis t'ajlayeja'. Ent'a ja sakajyi'n.”

Efesios 4:16

'Yina Sijwajieti jla'am ti t'oni pijia'm siunie t'isie'n jla'yi ti 'esi. Sekyi'i siunie t'isie'n 'esieyi'iji pet siuniwa jijwal 'neje, ti t'opiyiji ti ini'nopijietk'i wita'm. Jak je iyoyiji ti ijwienjli pa yi'i pa ti 'es pa jikijmaye iyoyi, ijiate siunie t'isie'n wikie'eyi siuniwa jijwa'al kiak iyoye'ijyi pit ti 'es siupi iyo ti yajme'n, jlam yamjli pet siunie jlemijnaye iyo.

Colosenses 2:18

Ká ak'iuyeyeje siuti injwela ti ijwi'il astes po', napoka siunapo ti ijwi'il ka inijlasatisk'i isia'm, napoka siunapo ti ijiunitis napo injlojwajnas poli jlele, ti ijwi'il ka poye siuniwa ti'wenkinajam'ni, napoka siunapo ti initonitisi siuniwa ti jitienkiujnieyejes jlamis.

Apocalipsis 2:14

“'Yina po'neje ni siuniwa ti atajlata'm, naka ni siunie ti jle'najap siunapo ti yame pet siunie Balaam jika'neyasajnaye iyo, ti ijliut'iyipe pet pa Balac ka intajnap'ni ni siunie je 'es, ti ijwijla'm siunapo Israel jika kia'lis ti ijwil ka 'esieyiji ka titiuwa siuniwa ti pajk'i ti titimaja ti tiwok inlakijnieye ape'e puwaka siu'niwa ti tiwoki diosisa', ja 'nakayeyi pet ti janejia'm ni siunie inke', siu'neje na ti 'yakama ape'e siunie jota iwo napo siunie ayinie, siu'neje jana asejnia ti jlosik ijyiwiteje.

Apocalipsis 2:20

“'Yina ijwienjliyeta siunie atajlata'm ti awoyi atesa': naka ti jlena 'ate ti iyoyi na je 'es janaka asejnia Jezabel, ti ijwil ka intal Siniayi siunie iniwone, 'yina ik'emijiet napo ikawos siu'neje ti 'yakajmaneje'n siunie iyo niwa jika'neyasajnayejes. Sekyi'i ni siunie ti ijiat ti je 'es ti iliaki siunie jijwa'ajiye, siu'neje ti itiujw siunie titiejietajape pet siuniwa tiwoki diosisa' ti tonitiejata.