1 Corintios 7:9 - Sinia' Jlamtis 1994

⁹ Jlampet ti ja ke intomits'i ilia'm siunie t'isie'n iyo kanwoyi, 'esiji kanjwa'yi, 'nakayi ti jitienkiujnieye ja ke inilankini jiwek.

1 Corintios 7:9 ပူးပေါင်းရင်းမြစ်များ

Hechos 19:36

Lajk'ipa ka ne'yi paka inkakiuni naka. Kamaja. Ká awoye jiwet'iaye, ti je ikajli'ijyi.

1 Corintios 7:2

'Yina ti po' siunie iyo napo i'nio' ti 'yuyi'ni napo ijiajwa'yis ti yi' ape'e 'ni ajnat, naka'ne ti it'imina ti awo'ate, 'esiji ka injwa'yi ni i'nio', jla'yi ka injwankit jana asejnia siojona janeyi. Siojona asejnia kiak jawo, janjwankit siunie ayinie.

1 Corintios 7:28

Siuti jijwa'yi je ajoski'la ni jiwoyi. Siojona asejnia ti tijwa'yi, je jloski'la ni iyoyi, jlampet siunapo jijwa'yis po' je jlase' siunie jawoyi ni jijliak'aliye. Naka'ne ni siunie ti ajoskijietaja'ase'm.

1 Corintios 7:36

Siunie jwemik ti po' siojona initemini'ni, ti initeme ti janeyi, siuti jitiej yajma'm ti ja ke into'm ilia'm siunie iyo ni t'isie'n, siu'neje ti inikiwit ka je 'esie paka iwoyi ts'ijiye, ya'am awo'ate, 'esiji ka jla'm iwone'ni 'ate ka neyi siojopa initeme ti janeyi, 'yina je jloski'la siunie jawoyi.

1 Corintios 7:39

Siojona asejnia ti jik'iemjla po', janak 'yiniye ka inila'niti wita'm ni jik'iemjla siuti 'wanjle'e. Jlampet ti 'ya'al siupa jik'iemjlata, ijiate siojopa i'nioki lajak'iyi pa ka intomik'i'ni ti jla'am siuti iyo ka ink'iuyet'e pi jik'iemjla masa, 'esiji 'yina ja 'yenijyi'n siunie i'nio' iyo niwa Sinia' jlamtis.

1 Tesalonicenses 4:4

'Yina jla'm ijiate ti 'esiji ka akajlajyi siu'nie, paj ka inojwayeta'a ka woyeyi. Siunie ti awo'ate, 'esiji ka anijnoskijietayi niwa asjwes siunie ijiateje ti je 'esk'i, ajwel napo asjwa'yisk'i wita'm. 'Esiji ka alesanayiji siunie jiniwonayi, woye lajaye naka.

1 Timoteo 5:11

Jlampet siunapo jlosie 'wanjlijyits'i ti kia'iyo ask'ilieki napok ja ke ajwane, kajeyepa ti yiyetaja ni t'ajka ni iyo ti ijiuski'lan'ni, janak je paja wat ti iyoye'ijyi kanjwa'yi, 'yina iliyek'i siunie iyo ti ijia'an pi Sijwajieti.

1 Timoteo 5:14

Tempi it'imina ti awo'ate: siojona ask'ilieki ti jlosie 'wanjliji, 'esiji ka injwa'yi. Jilis japoye, ja wujwa ka ilesa'n ni ji'wet, ja'nakayeyijna'a ti ja ke tiliakik ka lajayipe 'weta ni inkajejlasaye tajle ni sitiejiejwa.