1 Corintios 7:7 - Sinia' Jlamtis 1994

⁷ Eminta ka kiak iwoyi napo i'nio', ka wo'ate awoyi. 'Yina siuti Sinia' je ijwienkitk'i siu'nie iwints'e'm; po' napo ti Sinia' iyo ka injwa'yits'iji'n, po' 'neje siunapo je iyo jwa'yisa'.

1 Corintios 7:7 ပူးပေါင်းရင်းမြစ်များ

Hechos 26:29

'Yina Pablo iyo'ne 'ate: —Kawo ya'am pa Sinia' ka jla'm iwoni'ni 'ate, ni'ne ka 'wesie paka ajok'i'ni kawo Sinia' jlasa', jla'yi ka je amkataja, siu'neje napo sipe'ya ka wo'ate awoyi, 'yina ka je awo'ate siuniwa iyo 'niwa silie'nitieje.

Romanos 12:6

'Yina ijwienjli je k'iejliyik'i siuniwa Sinia' iwints'e'm ti iyo si'wajietisa', kajeyepa ti kasjwankitamk'i'ni siunie iyonts'eje ti kasp'elisi'n. Jak je iyoyiji siuti a'm ti injwejlanik jiwo'wa'm, woyi ni siunie jikijmaye iyo ni injwejlanik jiwo. Woyi jika'niyejayi napo i'nio' siunie iyo ni ijwijla'm jana Sinia' jikimet, 'yina siunie atankiujnieye iwi'na'm je t'an pijia'm.

1 Corintios 12:11

'Yina wikie'eyi niwaka, ti je ijwienjli paka k'iejliyeyi paka jikijmaye kanwone, jlam'ne ijwienjli jla'am siojona Sinia' jikimet ti tajle, ti iwijna'm pi iyo ka iwejna'm.

1 Corintios 12:4

'Yina ijwienjli je k'iejliyi siuniwa jikijmaye iyo jana Sinia' jikimet, jlam'ne ijwienjliyeta jla'am siojona tajle ti iwints'e'm.

1 Corintios 7:8

Jlampet siunapo asejnia ti ijwienjlik'iji'n, siu'neje napo ask'ilieki, naka ti ajloye pet, ti je 'esiji ka ilek'i siunie Sinia' iwijna'm, iyo'ate awoyi.

1 Corintios 9:15

Ijiate ti 'yuyetak'ime ka kiak iniwone, ka iyo ka isime naka. Siuti ayiji naka, je ajwel ka ijialaskinayi ka poye pa ka k'iejliyeyi ka wenak'i'm. Je nak ka int'emina ti kia'awo, jeyi kat'aja. ¡Ijiate ti je awo ka poye pa ka ijnalk'i, ti je sakajla pet ti je ajlak'alinitie, 'yina ti si'wasanjlikiu'!

1 Corintios 9:5

jla'yi ti 'esiji ka poye japaka its'iemjlaye ka iwoyi kiwa Sinia' jlamtis ka ya'yikiye'ni ti askiunietaja'n, iyo napo ijia injlojwajnas, iyo ja Pedro, iyo japo Saka'niona jik'ijnis.