1 Corintios 7:34 - Sinia' Jlamtis 1994

³⁴ Jak je iyoyiji siunie jitienkiujnieye je ijwienjlik'i. 'Yina kia'iyo siojona asejnia ti laj jik'iemjlaye, siu'neje jana jlosie ti je iyojyi'n pa ayinieja', najata jla'am ti jitiejli'yi pet siuniwa wask'i'nelaja yiyi ni Saka'niona, ti isis jitieyi'i pa Sinia', it'imina'ne ti ilisaniji siuniwa t'ajwes siu'neje ni jlosik. Jlampet siojona asejnia ti jik'iemjla po', jitiejli'yi pet siuniwa wask'i'nelaja yi'i 'ni ajnat, ti iyo ka jik'iemjla inkaja'a.

1 Corintios 7:34 ပူးပေါင်းရင်းမြစ်များ

Juan 10:13

kajeyepa ti najata jla'am ti i'ye'en jana jikaja, 'yina je niwaka'ne kan'ye'en niwa sontas.

Romanos 6:13

Ke ekiajlayi niwa 'asjwes ni siunie inke' ka 'nakayeyi ka inkiene ni siunie je 'es ka woyeyi. 'Yina jla'm ijiate jla'am siunie jawoyeyi ti janinekiajlayi ni Sinia' ti asa'am siunapo ti pajk'i ti iyo masesie' jitieyi'i ni siunie inke', 'nakayi siuti jlekiajlayi'ijyi ti in'wasanajyi'n. Ekiajlayi ni Sinia' niwa 'assienis, 'nakayi ti jantajieta pet siupa 'es ti jankijmajne'n.

1 Corintios 6:20

Ijiate Sinia' pajk'i ti takat'i'n astepe'e, kajeyepa ti jla'am ti ya'mase. It'imina ti kiak awo, ti awo'ate, wunitieyi ni Sinia' niwa 'assienis ti jla'am ti jikimet.

1 Corintios 7:33

Jlampet ni i'nio' ti jik'iemjla po', jitiejli'yi pet siuniwa wask'i'nelaja yi'i 'ni ajnat, ti iyo ka jik'iemjla inkaja'a.

1 Corintios 7:35

Siuti i'lij kiak awone, je ka itiumayi'ni asek'i siunie jiwoyeyi, 'wenajlitieje ti anotieje'ase'm jiwek pet ka woyeyi siunie 'es ni janiwonayiji, jla'yi ti ja lajak'ipa ka int'onitie'yi ti jinijijwiyejyink'iye pi Saka'niona.

2 Corintios 11:28

'Yina je niwakata niwaka, siu'neje niwa ijia 'neje ti po' siojona jloma ti itienkiujnieye silia'an ti awoyi ijliak'aliye napoka Sinia' jilis pet.

2 Corintios 8:16

Inikanitieyi ekiajle pa Sinia', ti yijni ni Tito jlosik ti wuj ti in'yenajyi'n, iyo'ate awo siu'nie yik'i.

Filipenses 1:20

Iyoye'ate siunie yik'i ti po' siu'nie ak'iukink'iye, naka ti ja lajak'ipa ka ts'ajwel ape'e ka k'iejliyeyi paka je 'esie ka iyoyi ka ini'najwelanit'ni. 'Yina awotajank'iye ka ijiatayiji ka ini'net'i ka iyoyi niwa Sinia' jlamtis, 'nakayi ka 'yakajanit pa Sijwajieti ki iyo ti jijweye po', siu'niwa jlomas siu'neje niwa jlomas atayeje, 'wanjliyi ti kiak jayo ja sinitia'n, ni'ne ka si'wasa'n.

1 Tesalonicenses 5:23

'Esiji ka Sinia' siunie tajle ni jikamankiye, ka wujwa ka inlesana', ka insisie, kan'yena ni asosik jla'yi ki iyo niwa 'asjwes, jla'yi ki iyo ni astankiujnieye, ja 'nakayeyijna'a ka lajak'ipa paka astes iwo ka i'nesta pi Saka'niona Jesús ti Sijwajieti ti janapimet.

1 Timoteo 3:5

Kajeyepa ti siuti janakaye siunie je 'yijene ka 'yena ni ji'wet, ¿tepa jawo ka 'najane paka wone ka 'yena napo Sinia' jilis?

1 Timoteo 5:5

Siojona ti ijiateje ti ask'iliekiyi, janaka siojona ti lajk'i papo ka jilisa', ni'ne ka jikichasa' papo ka noyeje, jinijijwiye yi'ne ni Sinia'. Je paj ka leyi ti inip'elisini'ni pi Sinia', t'ajle pi Sinia' jlomas, niwa ajnajas.

Tito 3:8

Awo'ate ijiatk'i kiaka. Tempi it'imina ti kia awo'naja ka ajalaskine napo i'nio', siunapo iyoyi ki inamtik, ka inkatate ka woyi siunie 'es ka inkimk'iji'n. 'Niwaka ti iniuyeje napo i'nio' 'yina ti isis.