1 Corintios 7:32 - Sinia' Jlamtis 1994

³² Ya'am je awotajank'iye ka awoye astankiujnieyeja' paka k'iejliyeyi. Siunie i'nio' ijwienjleje'n, jitiejli'yi pet siuniwa wask'i'nelaja yiyi ni Saka'niona, 'yina ti iyo ka inkanit'ni.

1 Corintios 7:32 ပူးပေါင်းရင်းမြစ်များ

Mateo 13:22

Siuniwa inseliaki ti ijniuj'li ni ajnat ti k'itienis yi'i, napoka pet siunapo ti its'iuye niwa jlamtis, 'yina ti iyoyi jijliak'ali niwak wask'i'nelaja yi' ape'e 'ni ajnat, jlamayis jla'am ti inikajyinis, ti iyoyisink'iye kan'wenis jana wikiniet'aj. Niwaka'ne ti ip'io'n ape'e niwa Sinia' jlamtis, niwaka'ne ti it'imina ti je ya'am ka neyi ts'ijiye, ka poye puwa jla' niwa Sinia' jlamtis.

Marcos 4:19

jitiejli'yi niwa wask'i'nelaja i'wi'in ape'e 'ni ajnat, 'yina niwaka'ne niwa 'yakajmank'iji'n, ijliak'alisijijyink'iye jana wikiniet'aj ti iyo kan'wenis, siu'neje niwa ijia wask'i'nelaja. 'Yina niwaka'ne ti ijiojwa'm, sekyi'i ti ip'io'n ape'e siuniwa Sinia' jlamtis ti isis, jla'yi ti niwaka ti je iyo jlaye.

Juan 10:13

kajeyepa ti najata jla'am ti i'ye'en jana jikaja, 'yina je niwaka'ne kan'ye'en niwa sontas.

1 Corintios 7:33

Jlampet ni i'nio' ti jik'iemjla po', jitiejli'yi pet siuniwa wask'i'nelaja yi'i 'ni ajnat, ti iyo ka jik'iemjla inkaja'a.

Filipenses 4:6

Ká awoye asjlak'aliye paka k'iejliyeyi ti potie, 'wenajliyi ka awoye astankiujnieyeja'. Jwelayi pi Sinia' pi nitia ti jisitiana', 'yina jajwanayi'ipe ni asnikanitieyi ti jawenayi.

1 Timoteo 5:5

Siojona ti ijiateje ti ask'iliekiyi, janaka siojona ti lajk'i papo ka jilisa', ni'ne ka jikichasa' papo ka noyeje, jinijijwiye yi'ne ni Sinia'. Je paj ka leyi ti inip'elisini'ni pi Sinia', t'ajle pi Sinia' jlomas, niwa ajnajas.