1 Corintios 7:31 - Sinia' Jlamtis 1994

³¹ Jlampet siunapo ti yamjliyi pet ti ijiut wita'm siuniwa wask'i'nelaja yi' ape'e 'ni ajnat, janwonayisi pet 'ate ti lajk'iyipa ka in'yakanisi siuniwa wask'i'nelaja ijiut wita'm, kajeyepa ti siu'nie ajnat 'ni awak'i jano'we.

1 Corintios 7:31 ပူးပေါင်းရင်းမြစ်များ

Lucas 21:34

“Ni'notatayiji, ká aninenayi 'ate siunie ajosik iyo ka woyi, ká a'yaye ni'ne ka wujwa ka woye asjlak'aliye niwak wask'i'nelaja jlalasajyink'iye ka'wena', 'nakayeyijna'a ka je inesi'lieta janak jloma ti ajwe'el,

1 Corintios 7:29

I'lijwas, siunie 'esiji ka wujwa ka i'yena, naka ti je pi itioyeyi sik'ioye, siojona jloma ti Saka'niona ja'nesi. Jak je iyoyiji ti kiak awo'nase ti asa'am ti asjwa'yis po', 'esiji ka je nakaye siunapo asjwa'yis ka int'onitie'yi.

1 Corintios 7:30

Jlampet siunapo ti jika ameyik po', ni'ne ka k'iejliyeyi pa ka jiwet'iaye ti iyo jijliak'aliye, 'esiji ka aniwonayi 'ate iyo ti inkasatieje'n. Jlampet siunapo ti inkase'n jiwek jlamis, 'esiji ka aniwonayi 'ate ti potie pa jiwet'ia ti yiyi ti a'tiek'i. Jlampet siunapo ti tik'iajwajyi'n, siuniwa yamisi, janwonisi pet 'ate ti je jikimet niwa yamisi.

1 Corintios 9:18

'yina, ¿tent'i siojopa 'yakaja? Naka ni inkanitiejeye, ti je awo 'yakajaye ti akiji napo i'nio' niwa inamtis ti isis. Ka iyot'e 'ate, ti 'yiniye ka 'yakawoye, siunie iyo ni i'nio' kiak jikijmaye iyo ti po' siojona 'esi ti tejeye ni jikijmaye, 'wanjliyi ka kiak iwo ka je tijwelak'i'm japa ka yak lajaye pet, ti akietaja niwa Sinia' jlamtis ti isis.

Hebreos 12:27

Siunie ti iyo'ate pi Sinia', “Jajwanjliyik'i kiu'ujwe ti kiak jayone”, siunie ijio'we ti naka ti Sinia' jan'wesijnits'i siuniwa jilisajna', sek jane'yi ti jantatek'i isia'm. 'Yina jlampet siuniwa ti je yits'e japaka jlomaye ka ti'wesinajats'i, 'yina ti t'o'nik'i niwaka ti ja ke titiajlana.

Santiago 4:14

¡Jlam'ne tiwet'ianaja ka 'najane paka wone, ka i'wanjle'e ni'ne ka jeye siojona jloma atayeje! Kajeyepa ti asa'am jiwoye'ate ni siniaka' ti poyeta, sekyi'i je paja ti netianaja.

1 Pedro 1:24

Iyo niwa inamtis t'ipi: “Siunie i'nio' iyo'ate ni jop, jlampet ki iyo ti jwajla'a i'wi'in naka pet ni jlokie ni jop. Siuti 'ya'al ni jop, iniuyeje'n pet ni jlokie,

1 Pedro 4:7

Je pa tojwa'a ni jlaj jane'yi wikie'eyi siuniwa wask'i'nelaja. It'imina ti kiak awo'nase, nilesanayiji. 'Esiji ka asa'am ijiatayi ka woyeyi ni asts'ajlaye.

1 Jn 2:17

Siunie ajnat ki iyo yamjliyi'iji ti jano'we, siuniwa tajla'm kiak janwo. 'Yina jlampet siunie i'nio' iyo niwa Sinia' iyo kanwo, nak ja ijnok'i'ni ti ja'wasana.