1 Corintios 7:25 - Sinia' Jlamtis 1994

²⁵ Jlampet siunapo ijwienjlik'iji'n, nak Saka'niona je ijwilk'i'm siupa ka ijiatayi ka 'esie ka iniwonisi. 'Yina ajwejla'm siunie ti ya'am ti itienkiujnieye, lapakawo ti jitiej iyomk'i'm napo i'nio' siunie iyo ti wuj ti ap'elisi'n, it'imina ti anoyeje, 'yina ti kia'awo pet ts'esi ni jikap'ijliuskiye ti iwink'i'm ni Sinia'.

1 Corintios 7:25 ပူးပေါင်းရင်းမြစ်များ

1 Corintios 15:10

'Yina lapakawo ti Sinia' ijiate ti sip'elisi'n it'imina ti awo injlojwanik'i'm; 'yina je ka sip'elisine wek, kajeyepa ti ya'm ijiate ti akijme'n. Aka'm ape'e siunapo ijia injlojwajnas, kia'awo akijme'n, 'wanjliyi je yamata ka yama siu'nie awoyi, Sinia' jikap'ijliuskiye naka jla'am ti iyoyi siu'nie awoyi ti akijme'n.

1 Corintios 4:2

Siuti po' ni i'nio' ti k'iejliyi pa jika anechiyas ijliuye kawoyi, je 'esiji ka je 'nakaj, siunie iyo ti isima, ti jlam ti ilisaniji pi jika anechiyas jla'yi ti ilisaniji pi jikijmaye.

1 Corintios 7:10

Jlam pet siunapo ti jijwa'yis po', jayikiajle siuniwa Saka'niona jlamtis, siunie ti je ya'am ka yamtisa', ti iyo'ate, “Siuti a'am asejnia'a'm, je 'esiji ka leyi ni ak'iemjla”.

1 Corintios 7:12

Jlampet siunapo 'wenayi, siunie jayo'naseje nak i'lij pet ti jawi'nase'm, je ka Saka'niona jlamtisa'. Ajwel siunapo iyoyi ki inamtik ti jijwa'yis siunapo ti je iyoyi pet siukia inamtik, 'yina ti itiliaja ka ineyi siupa yijap, 'yina nak i'nio' je 'esiji ka ileyi japa asejnia.

1 Corintios 7:28

Siuti jijwa'yi je ajoski'la ni jiwoyi. Siojona asejnia ti tijwa'yi, je jloski'la ni iyoyi, jlampet siunapo jijwa'yis po' je jlase' siunie jawoyi ni jijliak'aliye. Naka'ne ni siunie ti ajoskijietaja'ase'm.

1 Corintios 7:34

Jak je iyoyiji siunie jitienkiujnieye je ijwienjlik'i. 'Yina kia'iyo siojona asejnia ti laj jik'iemjlaye, siu'neje jana jlosie ti je iyojyi'n pa ayinieja', najata jla'am ti jitiejli'yi pet siuniwa wask'i'nelaja yiyi ni Saka'niona, ti isis jitieyi'i pa Sinia', it'imina'ne ti ilisaniji siuniwa t'ajwes siu'neje ni jlosik. Jlampet siojona asejnia ti jik'iemjla po', jitiejli'yi pet siuniwa wask'i'nelaja yi'i 'ni ajnat, ti iyo ka jik'iemjla inkaja'a.

1 Corintios 7:40

Ya'am ajwelta ka 'esieyiji ka je inwojyi'n pi jikiechaye pi ayinieja. I'lijwas kiak iyo siu'nie isiowe peyit ti ya'am, ajwel'ni kia'awo peyit yik'i siojona Sinia' jikimet.

1 Corintios 7:6

Siunie awoyi ti ajwe'lase'm, 'yiniye ka jla'm ip'ilisijnajyi'n jiwek, 'yina je ka ijiatayiji ka wo'ate siunie ti tijliukie'a'm ka woyi, ka je akama'yi ape'e.

2 Corintios 11:17

Siunie aniwone ti aniwunit, je tajle pa Saka'niona, 'wenajliyi jla'am siunie aniwone jiwoyeyi ti sijwela' ti itiej je 'es.

2 Corintios 2:17

'Yina je pini' napo iyo ka wikiniet'aj in'yakane, siuti yameje'n niwa Sinia' jlamtis, kajeyepa ti ijwi'il niwaka ti iyo jikijmayeja'. Jlampet ti sa'am je kiak awoki iyo jlamis, sa'am ti Sinia' ijliuyits'e'm siu'nie awoki, jla'yi ti Sijwajieti jikawosts'e'm, jak je iyoyiji ti awokieta samtikie' ti ajwela niwa Sinia' jlamtis, 'yina je k'iejliyi paka inejyi 'niwa sosikis ka je ijiatak'i jitieyi'i pi Sinia'.