1 Corintios 7:15 - Sinia' Jlamtis 1994

¹⁵ Jlampet siunie ti je iyoyi kiwa Saka'niona jlamtis, siu'neje jana i'nioki ti je iyoyi ki inamtik, ti iyo ka inleyi japa jik'iemjla, pi jik'iemjla janaka pet jana asejnia, siunapo jijwa'yis ti iyoyi ki inamtik, enayi wek'iate ka leyi. Jak je iyoyiji siunie ti iyoyi ki inamtik, siojona asejnia ti iyoyi ki inamtik, ka sek jlaja'ana'a ti iyoyi jijliak'aliye naka, sekjane'yi ka inkamajana'a, 'yina nak it'imina ti Sinia' ta'nase ka akamaja.

1 Corintios 7:15 ပူးပေါင်းရင်းမြစ်များ

Mateo 12:50

Kajeyepa siunapo iyoyi siunie iyo ni Inia' ti yi' poliyi, nak 'yini, janak 'yijnia, janak tete.

Lucas 9:39

siunie iyone siupa yiji. Yejlat'ni sekyi'i ti jiyel initiajnata'aja, paj ti je 'esieyi'iji ni jlats'ilis jikiwiti. Ijiate wata'a ti iliaki, jla'yi ki iyo ti jikio' je k'as.

Romanos 12:18

Siunie jlaj yi'i ti jikajlajyi, ti jikamaja jikiowe'e napo i'nio', nak 'esiji ka woyeyi.

Romanos 14:19

Siuti kia'iyo jayokijyin'ni pet niwaka wask'i'nelaja tejeyi ni inkamankiye, 'yina janoyits'e'm pet ka inikelaja siunie awoki ka jlam kia'iwo kanek pet.

1 Corintios 14:33

kajeyepa ti Sinia' naka ni siunie inkamankiye, naka ni siunie ti je iyojonk'iye ka siunapo jilis jlam pak iwots'i'ni, ka je inka siunie iniwonisi. Siunie iniwone napo Sinia' jilis ti initotietak'i wita'm, nak janekisi pet,

2 Corintios 13:11

Siunie jikiecha nak jayin jlaja, japo i'lijwas. Awojonk'iye pet ka akamaja. Jalasa pit ka ijiatayiji ka insisie, ni'netie pet. 'Esiji ka ijnol wita'm siunie jiwoyeyi ki iyo niwa asosikis, jla'yi ka ena'yasap ni askamankiye. 'Yina Sinia' ti jla'am ti tajle nak inkamankiye jla'am ti jane'yasap.

Gálatas 5:22

Jlampet siuniwa tajle janak Sinia' jikimet naka ni inemijnaye ti ijiatk'i, inikanitiejeye, inkamankiye, siu'neje ti je inip'elisin'ni pa ti k'iejlitieje pa ti jiwet'ia iyo; siu'neje ti jlosik po' ni i'nio'; wuj ti takap'ijliuski; jla'yi ti intaj tiwomaja.

Hebreos 12:14

Jalasajyi'n pet k'iye ka akamaja jikiowe'e napo i'nio', 'yina janiukk'i siunie ji'niayi iyo pit siunie ti ini'notatiji, kajeyepa ti siunie ja ke inilesaniji ja ke i'we'en ni Saka'niona.

Santiago 2:15

Ataj kiam kiu' enayi 'ate ti akiecha pa, ni'ne ti janaka asejnia ti lajk'ipa ka ji'wuye, ni'ne ti lajk'ipa ka intojw.