1 Corintios 6:6 - Sinia' Jlamtis 1994

⁶ ¡Ijiate wat ti je 'es ti kia'iyo! Kajeyepa ti je najata wek ti po' pa iyoyi jitisa' pi jikiecha, jlam'ne pajk'i ta'a ti ijioyi napoka ti je Sinia' jilis kan'ye'en.

1 Corintios 6:6 ပူးပေါင်းရင်းမြစ်များ

Hechos 7:26

“Yit'i'yipe pa jloma, Moisés i'winaja papo Israel jika kia'lis ti inilajne'n ti 'najlik'i wita'm. Yamat'itiejepi ti ilientak'i'ni wita'm, ti iyo'ate, “¡Ká anilanajyi'n! ¿Yot'iyi'ni ti jinilanajyi'n ti je 'wena'ase'm?”

1 Corintios 6:1

Siuti po' ni iyojonk'iye kan'ye'en pi k'iejliyi ti itiajlata ni jikiecha, ¿yot'iyi'ni ti je ijwile napo ijia Sinia' jilis kan'ye'en, 'yina ijioyeyi'ijyi siunapo ijia 'neje ti 'wenayi ti Sinia' je lis?

1 Corintios 6:7

Siuti kiak jiwoyeyi ti jinilanajyin'ni, nak 'yakajanit ti wuj ti je 'es siunie jiwoyeyi ti yi' aska kiowe'e. Awo'ate, 'esiji ka wujwa ka anilayitieyi siunie iyo'nase napo as'lejwas ti takajla'n askiajwe.

2 Corintios 6:14

Ká aninajayi siunapo ti je itienkiunisi pa Sijwajieti siunie iyoyisi pit. 'Yina ¿'est'iyiji jiat'eje siunie 'es ka inijlene ni siunie je 'es? Ent'a siunie jloma, ¿'est'iyiji ka inijlene siunie ajnatiok?

2 Corintios 6:15

Ja ke inets'e ka ti'wena pa Sijwajieti ka inteliak'i siunie iyo pit ni imosik. Siunie imosik kia'iyojliyi pit je yimi'n siunie iyo pit ni Sijwajieti. Siunie iyoyi ki inamtik je ti'wena pet ka inteliaja siunie iyoyi pit ni kakiujnieta, je itiliaja siunie iyo pit naka ti iyoyi ki inamtik.

1 Timoteo 5:8

Siunie i'nio' ti je i'yena napo ijia, ni'ne ka napokaye napo ji'wet jlele, jlam'ne kia'iyo ni si'niayi, wuj ti iyo sintiye ti ijwil ka intankiuni pi Saka'niona. Wuj ti je 'es ni iyoyi 'yaka'm ape'e ni jike' iyo napoka napo kakiujnietas.