1 Corintios 6:11 - Sinia' Jlamtis 1994

¹¹ Ti pajk'i, siuniwa ajwel'ni je awo'ate je woyeyipi, siuti asa'am po' siunapo yit'ijyipi. 'Yina 'nakayi insisie kajeyepa ti Sinia' pajk'i ti inlejajyi'n, jla'yi ti initiajnat ask'ioye ki astes iyo, ka lajak'i pet ni jle' iyo ni Saka'niona Jesús ti Sijwajieti, siu'neje japa Sinia' jikimet.

1 Corintios 6:11 ပူးပေါင်းရင်းမြစ်များ

Mateo 20:4

Iyone'ne 'ate papoka, Asam'neje, maye'ni, kimats'iji'n yi'i ja iwiesok. Jayo askajaye siuti jakimajyi'n ijiap.

Lucas 18:14

Jesús sekyi'i iyo'ne 'ate: —Jajwi'lase'm ti siupa i'nio' ti yapiliet'ipi ijiate Sinia' ip'ilisi'n, jlampet pa Fariseo je ilik'i ti jitis po'. Siunie i'nio' initonit ja tijliasata isia'm, jlampet siunie inijlasat isia'm ja tijliasata pet pijia'm.

Juan 13:10

Jesús isiujlie'ne pet ti iyo'ate: —Siuti itime ni i'nio' ti inie'yi i'niati, ijiatjliyi je yikiajle'e ka ina'yi i'niati kajeyepa ti itime, najataja ti jisietis ilijk'iji'n. Siuti asa'am kiak jiwoyeyi, ijiate je inwikie'eyetaja ka insisie.

Juan 13:8

Pedro isiujlie'ne pet ti iyo'ate: —Ja ke iwi'na'm ka paja 'niwa isietis ka lejk'iji'n. Jesús ti isiujlieyi'iji, iyo'ne 'ate: —Siuti je wo ka ilijk'iji'n niwa asatis, ja ke ayejenie'e siu'napo isimet pet.

Hechos 13:39

Jla'am ti it'imina ti netia'n siunie jitis napoka, siunie Moisés jika'neyasajnaye je 'yijene paka wone ka netiajnat, ajwe'el siunapo je 'yakakiu.

Hechos 22:16

Nisiamaja'ni, ká anijwatanitna'a; ninajie'n nineyine pa Saka'niona, kanlej niwa ajoski'la iyo.

Hechos 26:18

'Nakayeyijna'a ka 'yiniyijna'a ka 'ajlinitiamk'i niwa jitiete siunie iyo ti yiji na ajnatiok, sekjane'yi ka neyeyisinie'e pet na jloma; jla'yi ti janleyisi ka ineyis kiajwe ni imosik jijweye iyo, 'wenajlitieje jla'am ka neyis kiajwe pa Sinia'; 'nakayijna'a ka initiajnat niwa jikeyis, siu'neje ka ji'niayi poye ka ijnojwa'm siunapo isis Sinia' jilis, ka tiwoktana'a ji'wajietiye, lapakawo ti nakaye jla'am ti jant'emina ti ja ke sakakiuyis”.

Romanos 3:24

'Yina Sinia' je lajk'i ki iyo ni jikap'ijliuskiye, it'iminayi ti isisk'i, siu'neje ti je t'aj'l ape'e japa ka lajaye, ka lajak'i ki iyo pi Sijwajieti Jesús ti jla'am ti initojmat.

Romanos 4:5

Jlampet ni siunie ti je 'yakakiu ni Sinia' siunie ti ilisajne'n siunapo jloski'la iyo jikipijnaye, je kia'iyo. Kajeyepa ti Sinia' ilisajne'n siunie ti kia'iyo ti je 'yakakiu ti jla'am, 'yina je'ne ka nakaye siuti jikijmaye ti 'es kant'emina.

Romanos 5:1

Ijiate ti wuj ti kasts'isisi siunie ti je akakiunie, jak je iyoyiji'ni Sinia' kaslesajne'n. Sekyi'i Saka'niona Jesús ti Sijwajieti nak it'imina pet ti akajmakie.

Romanos 5:9

'Nakayi siuti kiak iyoyi ti Sinia' kaslesajne'n, ijiate ti jajwieyeje pet siunie Sinia' jiwak ts'ijiye ka netie jlaja niwa jlomas.

Romanos 8:30

Siuti kia'iyo ti iwiakajlanit ta'a ti 'nelanjie'e siunie jawonts'eje, sekyi'i ti tanats'iji. Jak je iyoyiji siuti sa'am ti tants'e kia'iyo kaslesanaja 'neje. Siuti kaslesajne'n, sekyi'i ti iwinats'e'm siunie jiwunitieye ti 'es.

Romanos 8:33

'Yina ¿tempa jankajli ka iwo'ate, “Siunapo Sinia' isi'mik'i je isis”? ¡Lajk'ipa! Kajeyepa ti Sinia' jla'am ti kaslesajne'n.

1 Corintios 1:30

Ijiate pa Sinia' ti jla'am ti ijnotieyi wita'm pa Sijwajieti Jesús. 'Yina ti jla'am ti saka 'najankijnieye, jla'yi ti jla'am pi Sijwajieti ti it'imina ti Sinia' kasp'elisijne'n. Sekyi'i isiwaliyi'i ki sitis iyoyi, siu'neje ti it'imina ti kasts'isis jitieyi'i ni Sinia'. Jla'yi ti jla'am ti initojmat sitipe'e, it'iminayi ti ajwaye.

1 Corintios 12:2

Je ajwel ka je 'najanayi naka, ti ijiate ti wuj ti ink'emijietayi niwaka siuniwa diosis ti i'nio' jikio' jilisanik, ti jitienkiuniejliyi'iji pi Saka'niona.

Gálatas 2:16

'Yina lajk'ipa ka je 'najane paka wone ti lajk'ipa ka ne'yi paka Moisés jika'neyasajnaye inlesajne'n 'nakayi, 'wenajliyi jla'am pa ti itienkiuni pa Sijwajieti Jesús, ti je 'yakakiu. 'Yina je 'wena 'neje pet paka itiajlataja siunie ti Sinia' ka lesajne'n ni sitis iyo, naka ti atankiunieje ni Jesús ti je akakiuk, je ka intajle siuka ya'm ape'e ki iyo ni inka'neyasajnaye siunie iyo ka iyoki, ka sek ine'yi ka Sinia' inetiajnat pi sitis iyo. Siunie awone je nak kant'emina ka Sinia' inlesajne'n pi i'nio' siunie ti jantej'we ka woyi siunie iyo ka tiwoki ni Moisés jika'neyasajnaye.

Gálatas 3:11

'Yina 'yakajk'i ti siunie i'nio' jitiej iyoma ti iyoyi siunie inka'neyasajnaye iyo ka tiwoki, Sinia' je ilisajne'n naka. Jlam'ne inamtis iyo'neje 'ate, “Siunie i'nio' Sinia' ilisajne'n, lapakawo ti nak it'imina ti je takakiu, nak ja ji'wasankiye japoye jla'am.”

Gálatas 3:24

Siunie inka'neyasajnaye i'yents'e'm paj ti yiyeyi siojokia jloma ti 'nes pi Sijwajieti, jak je iyoyi ti Sinia' kaslesajne'n 'yina ti je akakiuk pi Jesús.

Gálatas 3:8

Ti pajk'i siuniwa Sinia' jlamtis ti paj ijwi'il ta'a siukia jawoyi ti Sinia' janlesajne'n siupapo je Judíojos ti ja ke inkakiuyis. Ijwilat'ijiampe pi Abraham siuniwa jlamtis ti isis ti iyo'ate, “Ka inlajk'i jant'eminajna'a napo i'nio' yi' ape'e 'ni ajnat ti ja wikie'eyeyi ti Sinia' jamp'elisijne'n.”

Efesios 5:26

Kiak iyone kajeyepa ti iyo ka ilesa'n pa Sinia' napo jilis. Iliji pi i'niat pakayi ti tiniejienaja'n, siu'neje ti iliji niwa Sinia' jlamtis.

Efesios 5:8

Ti pajk'i ajnatiok jlele'ase'm, 'nakayi ti jleyejiap ni Saka'niona, kates jla'al jlele'ase'm. It'imina ti kiak awo'nase, 'esiji ka anilesanayiji ti asam napoka ti kates jla'al jlele'ase'm; woyeyi siunie jikijmaye iyo pit napoka ti yiji jana kates jla'al.

2 Tesalonicenses 2:13

Je paj ka iliki pet ti awok sinikanitiejayi pi Sinia' astepe'e, i'lijwas ti Saka'niona jlemijna'yase'm, lapakawo ti Sinia' jla'am ti ijniejiet'ase'm ta'a ka asama ka ananayi ka ajwaye. Ka lajak'i ki iyo pet jana jikimet ti 'es ti janak ti inlesana', it'imina ti insisie, jla'yi ni siunie ti ijiatk'i naka pet ti je jikakiuye.

Hebreos 10:22

Jak je iyoyiji jajioki pi Sinia', ja'nialkitak'i na sosik, siu'neje na sitienkiujnieye ti 'es jalisanaja'n. Siunie iyo ti je akakiuk jajwienkitak'i, 'yina ke k'iejliyeyi paka iyoki sitienkiujnieyejak'i wita'm ka jiniliakie pa, lapakawo ti pajk'i siuniwa ts'ajwes ti tilijiki'n, ti tilijiki siunie i'niat ti 'es.

Hebreos 10:29

'Yina ¿jijwelat'e ka Sinia' intasa'nena'a siunie ti iyo jiliakikie ni jlas, ijiate ti je iyo lajaye siunie ji'woyis, siu'neje ti iliaki siojona Sinia' jikimet ti 'es ti yiminta wek jla'am? ¡Je'e, ja ke intasa'ne! Ka je iwo pa ti siunie 'woyis naka ti 'yakajanitk'iyi siunie Sinia' ji'lij ti iliyi siunie janwoyi ti janwats'ilati siukia iyopi 'yina ink'ie' siunie janwoyi, 'yina naka ti i'mienit ni i'nio' ti Sinia' 'yotat.

Hebreos 2:11

Siunapo Sinia' 'yotat, siu'neje pet ti jla'am pa Jesús ti 'yotat, ijwienjli siunie jiniayis. 'Yina naka it'imina ti Jesús ji'lij je jnechi'yi ti iyo'ate, “I'niayi ijwienjliyi napoka.”

1 Pedro 1:22

'Nakayi siuti jik'iuyeyi niwa Sinia' jlamtis ti ijiatk'i, sekyi'i ti je k'emijieta napo as'lejwas ti i'namajayi kajeyepa ti jilija niwa asosikis. Jak je iyoyiji'ni siuti janikimayi siunie asemijnaye, pejlati'n ni asjweye siu'neje ni asosik nayi wita'm ti jawoyeyi.

1 Pedro 3:21

Paka i'niat t'ipi, pak ti'yenajap pet ni i'nio' ti tiniejiena, naka'ne ti it'imina ti jijwaye 'nakayi. Siunie ti tiniejienapa je ka inlej niwa 'najwes, 'najata ti t'ajlajaje pi Sinia' siunie ijnosik ti ink'ie' ti 'najleje'n. Siu'neje ti kasjwajiet pa Sinia' ti kasts'isisi pi Saka'niona Jesús ti iniu kisie'e ti tajli pi a'no',

1 Jn 2:12

Ilis, ajlo'wase 'ni i'lij lapakawo ti Sinia' pajk'i ti initiajnat ask'ioye ni aske', ka lajak'i pa Sijwajieti Jesús ti i'nesieyi.

Apocalipsis 1:5

'Yina tajle 'neje ni Sijwajieti Jesús siunie jika'niyewo ti 'es, jla'am ti inia'an ti yapi pijia'm ti tajli pi a'no', siu'neje ti wikie'eyi siunapo anechiyasas yi'ne ajnat'e ti jika anechiyasis. 'Namats'e pa Sijwajieti, isia'ni pa ji'woyis, siu'neje ti 'ya'al, 'yina lapakawo ti iyo ka kasjwajiete siuniwa sakeyis.

Apocalipsis 7:14

Akiujlie'ne pet ti awo'ate: —T'eyi, 'ni ika anechiyas, a'm ti 'najane. Ijwilk'im'ne ti iyo'ate: —'Napoka siu'napo ti tijwajyi siukia ti ijiat ti a'tiek'i jijliak'ali, siu'neje ti pajk'i ti ilij niwa ji'wuye ti iyoyisi jika kieye siunie ti ilimijietis naka 'wolepo 'woma ji'woyis.