1 Corintios 5:9 - Sinia' Jlamtis 1994

⁹ Siojo ip'isinikpe'eje ti atate'ase, siukia i'lij ti ajlo'wase ti awo'nase 'ate, “Ká aninajayiji siunapo kiak iniwone, ti 'yuyijk'i'ni napo ijiajwa'yis.”

1 Corintios 5:9 ပူးပေါင်းရင်းမြစ်များ

1 Corintios 5:10

Siuti kia'awoyi, je'ne ka ijwi'il siunapo ti lajk'iyi paka iwoyi, ti je its'iuyi yi' ape'e 'ni ajnat, ti iyoyi naka ti wuj ti je 'es, ti 'yuyijk'i'ni napo ijiajwa'yis, siunapo ijialas kan'we'en niwa wask'i'nelaja, siunapo kajlajnatas, siu'neje napo jitiej iyoma siuniwa iyo jika diosisa'. Siut'itie ka kiak awoyeyi, siunie awoyi nak ajwel'ni, ijiattaja wek jla'am ka atajla'yi siu'nie ajnat.

1 Corintios 5:2

¡Jikiniejliyi siunie jiniwonayi ti jinitonitiejyi'n, jlam'ne ka woyeyi asjwejliye siunie jiwoyeyi ti wuj ti je 'es! ¡Siunie i'nio' ni kiak iyo ni jike', 'esiji ka jotie kisie'e!

1 Corintios 5:7

It'imina ti awo'ate, jotie ts'iji siunie jijlinkit ji'yusie ti naka ti inkajyina, ajwe'el niwa asoski'layis. Sekjane'yi ka woyena'a 'ate iyo jana woye ti ink'ie', ti ink'ie' ni inwakiwa mak ti tilisanaje siojona laj jijlinkitaja', ti tejeye pet jana Judíojos jiliakijnieye Pascua ti yiyetaja. 'Yina kiak jiwoyeyi janaka woye ti ajwe'el, je pa yiyeje ni asosik siunie inwakiwa mak jijlinkit, ti ajwe'el niwa askeyis ti je isis. 'Yina Sijwajieti naka siunie ji'wolepo' jlas ti ji'woma, ti atajietaja janaka Pascua, kajeyepa ti tiliana sitipe'e ka kasts'isisi.

2 Corintios 6:14

Ká aninajayi siunapo ti je itienkiunisi pa Sijwajieti siunie iyoyisi pit. 'Yina ¿'est'iyiji jiat'eje siunie 'es ka inijlene ni siunie je 'es? Ent'a siunie jloma, ¿'est'iyiji ka inijlene siunie ajnatiok?

2 Corintios 6:17

Tempi it'imina pi Saka'niona ti iyoye'eje 'ate, iyo siu'nie: “Tonitiejyiape'n siunapo jitiej iyoma siuniwa iyo jika diosisa', tajla' jikiowe'e. Akio' ká ena'yi pi k'iejliyi ti insot, siuti jawoyeyi 'ni i'lij jasimana aselia'm.

Efesios 5:11

Ká ani'notieyi niwaka jikeyis jiniliaja napo i'nio', ti tajle ni ajnatiok, 'yina 'wenajliyi ti jakajanitie ape'e niwaka.

2 Tesalonicenses 3:14

Siuti po' ni akiecha ti je its'iuyi ti je iyo lajaye siunie 'eyasanayi, siunie yi'i 'ni sip'esinik ti ajlok'iase, 'ye'en ni akiecha ni iniwoneje; siuti je inteliaja leyeyi ti jlekiets'ijin'ni ti jiwoye asa'yija. Siuti kiak jawone ja wujwana'a ti ja 'najwel jitipe'e jla'am.

2 Tesalonicenses 3:6

I'lijwas, siuti jlam je aniwonaja wek siu'nie awoki, kajeyepa ti Saka'niona yikialts'e pet ka ijliuk'i astepe'e. Ijiatjliyi siuti po' ni sikiecha ti je ats'ilkaja ni jikijmaye, siu'neje ni je iyoyi ka inki'me siunie inka'neyasajnaye ti 'eyasanataja, leyeyi ti jikinieyets'ijin'ni.