1 Corintios 5:7 - Sinia' Jlamtis 1994

⁷ It'imina ti awo'ate, jotie ts'iji siunie jijlinkit ji'yusie ti naka ti inkajyina, ajwe'el niwa asoski'layis. Sekjane'yi ka woyena'a 'ate iyo jana woye ti ink'ie', ti ink'ie' ni inwakiwa mak ti tilisanaje siojona laj jijlinkitaja', ti tejeye pet jana Judíojos jiliakijnieye Pascua ti yiyetaja. 'Yina kiak jiwoyeyi janaka woye ti ajwe'el, je pa yiyeje ni asosik siunie inwakiwa mak jijlinkit, ti ajwe'el niwa askeyis ti je isis. 'Yina Sijwajieti naka siunie ji'wolepo' jlas ti ji'woma, ti atajietaja janaka Pascua, kajeyepa ti tiliana sitipe'e ka kasts'isisi.

1 Corintios 5:7 ပူးပေါင်းရင်းမြစ်များ

Mateo 13:33

'Naka 'ne'eje ti Jesús yamtiyi, ti i'yejnap jiwek, ti iyo'ate: —Siunie Sinia' jika anechijiayas nak 'yiniye 'neje ni woye ijliasat pijia'm, siojona i'nioki ti itieteje ni inwakiwa mak ti najape na kilo ti 'yotati', ti iyo ka injlasatk'i pijia'm puwa ilisane.

Marcos 14:12

Jlampa yiye isia'm siojokia Pascua jiliakijnieye napo Judíojos, janaka siojona jloma ti titiuwa niwa woyejes laj jijlinkitajets'i. Janak siojona jloma inia'ne, ti ilianis ni 'wole po 'woma, t'oniye iyo janak inlakijnieye ti yiyetaja. Siojopo t'eyasajnas i'yase'n ti iyo'ate: —Ti awaki siujlie'e Pascua, ¿tempa ji'wet pa inteliaja ka ene'e ti ja'yekiu'ni 'nakayi ti janaj ti jawiakajlanitie ta'a ak'ioye?

Juan 1:29

Siukia ti jlomaye'eje, jakayi'ne ja Juan ti i'wi'n ilia'm ja Jesús ti ijioyi. Iyo'ne 'ate ja Juan: —¡'Yena'yi ilia'm siunie naka Sinia' jiliajwa 'wolepo 'woma, ti initiajnat ni jloski'la napo i'nio', ti Sinia' ijliu' ajnat'e!

Juan 1:36

Juan i'wink'i ja Jesús ti t'iskiujnin'ni, sekyi'i iyo'ne 'ate: —¡Ji'wenak'i, 'nak Sinia' jiliajwa 'wolepo 'woma ti ijliu' ajnat'e!

Juan 19:14

Jakiak siojokia jloma ti je toj'we siujlie'e Pascua, siukia ti 'najlikisie. Pilato iyone'ne 'ate japo Judíojos: —¡'Yenajyi'n ni aska anechiyas!

Romanos 3:25

Sinia' jlam ti iwi'in pi Sijwajieti ka insa'ni ki ji'woyis, sekyi'i 'ya'al. 'Yina ti iyoyi ji'niayija' napo i'nio', lapakawo ti iyo ka inetiajnat ni jitis iyo jla'yi ka jiwak inojwi ni Sinia', iyo ti je 'yakakiuyis ni Sijwajieti. Jak je iyoyiji'ni 'yakaja ti tijnajyi ni Sinia', isiwaliye'e niwak inkeyis ti pajk'i, ijiatjliyi lajak'i paka iwo.

1 Corintios 10:17

'Yina 'wanjliyi kas'lojwata, lapakawo ti ijwienjli siunie t'isie'n, kajeyepa ti anikijwana ti atowajata ni woye ijwienjli.

Efesios 4:22

'Esiji ka leyets'i siu'niwa askeyis ti paj, lana'yi siunie astankiujnieye 'yusie ti ji'niayi je itio'yi, jla'yi ti niwak inkajyina siuniwa wask'i'nelaja ti inteliajayi ka woyeyi ti je isis.

Apocalipsis 5:12

jla'lap jwesiejayik'i'ni ti iyoyits'i 'ate: “¡Siu'nie 'wolepo 'woma ti titimaja ti tiliana, 'nak jla'm ijiate ti 'yu'we ka tiwunitie. 'Yina ti ijiate ti jijweye po', siu'neje ni ijios niwa jikijmatis, siu'neje ni t'ajankijnieye iyo, siu'neje ti je ijlie'en paka k'iejliyeyi pa. 'Esiet'itie ti kiak tiwonaja ti tiwok lajaye, siu'neje ti tiwunitie!”