1 Corintios 5:10 - Sinia' Jlamtis 1994

¹⁰ Siuti kia'awoyi, je'ne ka ijwi'il siunapo ti lajk'iyi paka iwoyi, ti je its'iuyi yi' ape'e 'ni ajnat, ti iyoyi naka ti wuj ti je 'es, ti 'yuyijk'i'ni napo ijiajwa'yis, siunapo ijialas kan'we'en niwa wask'i'nelaja, siunapo kajlajnatas, siu'neje napo jitiej iyoma siuniwa iyo jika diosisa'. Siut'itie ka kiak awoyeyi, siunie awoyi nak ajwel'ni, ijiattaja wek jla'am ka atajla'yi siu'nie ajnat.

1 Corintios 5:10 ပူးပေါင်းရင်းမြစ်များ

Lucas 18:11

Siupa Fariseo takasit'ne ti iyo t'ajlayeja', ti iyo'ate, “Sinia' inikanitieye awe'na'm ti ya'am je awo'ate siunapo kajlajnatas, siunapo 'yuyi'ni napo ijia jwa'yis, siunapo iyoyi siunie ti wuj ti je 'es, je awo'ate iyo siusie isi'm ilia'm niwa inkat'ijnieyejes.

Juan 15:19

Siut'itie ka atajlayi ni ajnat jla'm ijiataja ka i'nama'ase pet siunapo i'nio' yi' ape'e 'ni ajnat, ka kiak inwonata'ase pit iyone siunapo ti iyojonk'iye. 'Yina ya'am ti akima'yase'm ti atajle kiowe'e siunapo yiji ni ajnat, jak je iyoyiji'ni ka je ine'wa'ase'm siunapo yiji ni ajnat, lapakawo ti 'wena'ase'm.

Juan 17:6

“Siunapo ti 'wena jlot'i, ti jitiajlaja'm siunapo ajnat jlele pet, pajk'i ti 'yijene pi iyo'naja, kajeyepa ti ajwejla'm. A'm ti tijna'ya'm napoka, 'yina jlekialk'i, siukia jiwone its'iuye.

Juan 17:9

'Ajlajnap'a napoka, 'yina je napoka siunapo ajnat jlele pet ka 'yejlajnap'a. Napokata jla'am siu'napo ti tijna'ya'm pet, ti jlekialk'i.

Juan 8:23

Jesús iyo'ne 'ate: —Asa'am as'wet 'ni ajnat. Jlam pet ti ya'am i'wit pet siunie 'niji pijia'm.

1 Corintios 1:20

'Yina, ¿tepi iyo jiat'eje siunie 'yije'en, siu'neje ni inka'neyasajnayewo, siu'neje ni initonit ti ijwi'il ka ijiatayiji ka 'naja'an 'ne ajnat'e? 'Yejne'n, ¡Sinia' initiajnat naka, iyonayiji ni iyone ti je tiwok lajaye ape'e 'ni ajnat!

1 Corintios 10:27

Ti po' ni je iyoyi kiwa Saka'niona jlamtis ti ijliu'wase'm ka joyeyi, kajeyepa ti iyo ka akijwanayi ti jan'yekiujni'n, siuti jawo ka akk'i, 'esiji ka ataj je enayi'ni 'ate naka. Ká akawonayi siupa ijwi'lase'm, kima'yi ilia'm, towa. 'Yina ká a'yasajyi'n ka k'iejliyeyi paka woyeyi ka 'najanayi.

1 Corintios 5:11

Siunie ajwe'el, naka ti je 'es ka aninajayiji ni siunie ti iyo'ate, “Kia'awoyi awoyi ni inamtik”, jlam'ne iyoyi ni jike' ti 'yuyijk'i'ni napo ijiajwa'yis, siu'neje ti iyo naka ti ijialas kan'we'en niwa wask'i'nelaja, siu'neje ti jitiej iyoma siuniwa iyo jika diosisa', siu'neje ni ipichin'ni napo ijia, siu'neje ti 'yata, siu'neje ti kajlajnata. Napoka ti kia'iyo, ja ke inets'e ka akijwanayi siuti ti'yekiunietaja'n.

1 Corintios 5:9

Siojo ip'isinikpe'eje ti atate'ase, siukia i'lij ti ajlo'wase ti awo'nase 'ate, “Ká aninajayiji siunapo kiak iniwone, ti 'yuyijk'i'ni napo ijiajwa'yis.”

2 Corintios 4:4

'Yina 'yakakiuyis, siunie ajnat jinia' iyojwa'n talojoye siuniwa iyo niwa jlosikis, ti iyo ka je i'we'en ki iyo ni jla'al ti ijiate ti 'esi, naka inka'niye ti 'es, ti ijwi'il ni jijweye ni Sijwajieti ti jla'am ti Sinia' jipe'el.

Efesios 2:2

kajeyepa ti jiniuyek'i siunie iyo pet ni je 'es. Jikinieyi ni jikijmaye iyo ni ajnat, jiwoyeyi siunie 'yijie'nase'm ka woyeyi ni iyo ni i'nio' imosik, ti jla'am ti iniwojwa'n anechiyasa', siu'nie 'neje ti yiji na jloma, 'yina naka ti iniajne'n k'iye siunapo i'nio' je iyo kank'iuye niwa Sinia' jlamtis.

Filipenses 2:15

ja 'nakayeyijna'a ja asama siunapo Sinia' jilis ti lajk'ipa ka jitis iwo ka titiajlataja, jla'yi ti laj jikeyisa', jla'yi ti ja lajak'i paka nit'ojlinitieyi, isis jikiowe'e napoka i'nio' ti ijiateje ti je isis ape'e 'ni ajnat. Jawo 'ate iyo niwa katese'l ti yatamk'i ti yiji ni ajnaj,

1 Jn 4:5

Ijiate ti jlamis ti taj'le ni ajnat, it'imina napo yi'i pet ni ajnat ti inka'a pet ti its'iuyisie.

1 Jn 4:7

I'lijwas ti yimijna', 'esiji ka aninemina'. Tepa janwo ka kiak je iwo ti Sinia' jla'am ti tajle ni inemijnaye. I'nio' ni jlemijnaye po'o, nak Sinia' jlas jla'yi ti itiant'ieje pi Sinia'.

1 Jn 5:19

Kia'iyojliyiji 'niji kasts'ajane pi awonaja ti atajlaja pi Sinia'. Jlam pet siunie ajnat yi kiajwe ni jijweye ni imosik.

Apocalipsis 12:9

Sekyi'i ti totieja kisie'e ni ajliutietiok, siojo ti 'nelanjie'e iyot'ipi injlatiokie'; Imosik, jle' 'neje ni iyo'ate Sitiejiejwa, siunie ti ik'emijiet wikie'eyi napo i'nio' yi' ape'e 'ni ajnat. Tijwanaja'a papo jikawos injlojwajnas poli jlelejimpe ti 'nelanjie'e, ti titietajak'i isia'm ajnat'e.