1 Corintios 4:5 - Sinia' Jlamtis 1994

⁵ 'Yina naka'ne siunie ti je 'es ka ananejen'ni k'iye pa Saka'niona, je ijiat ka je i'ye'en jla'am napo i'nio' siupi iyoyi siojona jloma ka 'nesta. Ja jlama ti jankajanit'i ape'e ti janejni na jla'al ni jloma wikie'eyi niwa wask'i'nelaja tijwekiek'iji'n yiji ni ajnaj. Sekjane'yi ti jankajanit'iji ape'e napo i'nio' siunie iyo ni yiji ni jlosik. Jiwekie'ejana'a ka Sinia' iwejna'm pa jane'yi siunie ti ja tonitieje, kajeyepa ti 'yakajli.

1 Corintios 4:5 ပူးပေါင်းရင်းမြစ်များ

Mateo 10:26

“Ja ke napokaye napo i'nio' ti ja joskiyeyi, kajeyepa siunie ti tip'ona ape'e ja tiliena pet ape'e, jlampet siuniwa ti tijwekieta'ni ja'nakajak'iji ape'e.

Mateo 24:30

Sek jane'yi'ne ka 'nakajayinie'e siunie ja inajnate'n jik'ioye ni I'nio' Jlas, ti jane poliyi. Ja wujwa ti jajnots'ijnits'i napo i'nio' yijits'i niwa ajnatis, ja pajlata ti jajnots'ijnits'i, sekjane'yi ti janapk'i wita'm. Jan'wenisiena'a ilia'm ni I'nio' Jlas ti janapimet ti jantal poliyi, ti janejyi jana poli, jla'yi ti janejyi siupi jijweye iyo ti je jlase', jla'yi ki iyo ni jloniye ti 'es.

Mateo 24:46

Iniope siunie jika anechiyas iyone, siunie jikawo ti yiyi ape'e ti iyoyi siunie jika anechiyas ijliuye kawoyi, ti 'nesata siupi tajli.

Mateo 25:21

“Iyo'ne 'ate pa anechiyas ti isiujlie, “Ijiate wat ti 'es ti kia'iyoyi, am ti 'yakawo'wa'm ti 'es, jla'yi ti ajosik po'. Siuti kia'iyo ti jilisaniji ni jwajla'a ti ekiaj'la, jayikiaj'la'm siunie ti ijiate ti 'etsaka ti ja'yena. Maj 'oyi ni siunie yi'i jana inlakijnieye, ti awo iliakijnieyeja'”.

Mateo 25:23

“Iyo'ne 'ate pa anechiyas ti isiujlie, “Ijiate wat ti 'es ti kia'iyo, am ti 'yakawo'wa'm ti 'es, jla'yi ti ajosik po'. Siuti kia'iyo ti jilisaniji ni siunie jwajla'a, jayikiaj'la'm ni siunie ti ijiate ti 'etsaka ti ja'yena. Maj 'oyi ni siunie yi'i ni inlakijnieye, ti awo iliakijnieyeja', janikanitiejk'i wita'm”.

Lucas 6:37

“Ká alakiye napo as'lejwas pi k'iejliyi ti ji'wenayi, 'nakayeyijna'a ka Sinia' je inkajanitie'yi astepe'e pet siunie jiwoyeyi. Ká atajlatayi pa k'iejliyeyi ti ji'wenayeje pi akiecha. Sinia' ja ke intajlat'ase'm pet paka k'iejliyeyi siuti jiwoyeyi. Nip'elisinapi 'nakayeyipe pet ti Sinia' janwe'nase'm pet pi k'iejliyeyi.

Juan 21:22

Jesús isiujlie ti iyo'ate: —Siuka iyo ka 'wasanajle ka iyapitiemet, ejlo wekie'e, je a'm ala. Naj, na'm ijyik'i.

Juan 21:23

It'imina ti wikie'eyi siojopo Sinia' jilis ijwi'il siojo Jesús t'eyasanik ti ijwilta ka je i'naleje. 'Yina Jesús je ijwi'il ka je i'naleje, 'najata jla'am ti iyo'ate, “Siuka iyo ka 'wasanajle ka iyapitiemet, ejlo wekie'e, je a'm ala.”

Juan 5:44

¿Tepa t'e jawo ka je sakakiuye siunie ajwe'el, ti asama'yasa'm ti jininekiajlayi ti jiniwunitie, jlam'ne ka woyejyi'n jla'am ka ijnonitie' pi Sinia' ti pakata?

Romanos 14:4

'Yina ¿tent'i'ya'm jiat'eje ti jiliaki ni akiecha jikawo? Ka 'esie ni'ne ka je 'esie pi jikijmaye iyo, 'yina ja jlama jla'am pi jika anechiyas ti jan'ye'en, ka 'esieyi wita'm pa jika anechiyas.

Romanos 2:1

Siupet ti a'am, 'ni isiecha ti jiwoyi jitisa' pa akiecha pi k'iejliyi pi iyoyi, kiak jiwoyi ates po' pet, 'wanjliyi ka kia'iwo ka e' poye, ni'ne ka laja eye. Ijiate, siuti kiak jiwone ni akiecha ti jle'ne, 'yina kiak jiwoyi am am pet ti jiwo atesa', kajeyepa ti jiwoyi siunie iyoyisi.

Romanos 2:16

Ke iwo pa ti siuti janeyi janak jloma, Sinia' jankajanit'i ape'e wikie'eyi niwa yijits'i niwa jlosikis napo i'nio', Sijwajieti Jesús naka ti titiejkinaja ti jan'ye'en, nak jika'niye ni siunie ajwe'el ti awoyi yamtikie'.

Romanos 2:29

Jak je iyoyiji ni siunie ijiate ti Judío, ka iyot'e 'ate siunie ti kiak tiwonaja ti t'isie'n jiwa tejwak'i, 'esiji ka ijiatayi ka intajlaja'm ni jikiowe nak Sinia' jikimet jikijmaye pet, 'yina je tajle ni siuniwa inlesajna' t'ipi ti yi'i ni inka'neyasajnaye. Siunie i'nio' ti kia'iyo, Sinia' wuj ti inka'a pet, 'yina je napoka'ne napo i'nio'.

Romanos 2:7

Sek jane'yi siojona ji'wasankiye ti laj jlaja, napok janwejna'm pet siunapo iyojyi'n, jla'yi ti yamjliyi pet ti iyoyi ni siunie ti 'es, jla'yi ti iyoyisijyi'n siunie inwunitieye ti tajle ni Sinia'.

1 Corintios 1:7

Jak je iyoyiji ka poye paka inetiane siuniwa wask'i'nelaja isis ti Sinia' tajle ti yijits'i niwa askiojwa'l, ti asa'am ti jinijijwijienk'iye siojona jloma ti ja'nesi pa Saka'niona.

1 Corintios 11:16

Siuti japoye siunie janwet'iank'i siukia awoyi, 'esiji ka 'najane paka iwone: tiwet'ianaja ka sama, ka napokaye 'neje wek Sinia' jilis, ka 'najane paka wone ka poye siupa jikeye napo i'nio' paka tiniwonaja.

1 Corintios 11:26

'Yina sek ijio'we kiaka, siuti jitiuwayeta janak woye siu'neje ti ji'yayetaja siunie at'es ts'ejniet'io t'e', 'yina jlekiajla'ni pijia'm ni iyo pi Saka'niona ti 'ya'al paj ka awayeyinie'e siojona jloma ti jla'am janapimet.

1 Corintios 15:23

'Yina jansesk'i siunie janwoyi niwaka. Siunie iniane paka Sijwajieti; siunie tomik'i naka ti Sijwajieti janapimet, sekyi'i napokaye pet siunapo jika kia'lis jla'am.

1 Corintios 3:13

'Yina je ijiate ka je 'nakaj siunie jikijmaye iyone ni i'nio', ka netiejenie'e janak jloma ti ja ti'yena napo i'nio'. Kajeyepa janak jloma ti jana'm siunie jwat, ti jajnejlit wikie'eyi ni jikijmaye iyo ni i'nio'.

1 Corintios 3:14

Siuti japoye ni siunie jilisanki jana je tikiwitaja ti t'o'ni, ti iwiakajlanit k'iye ni jwat, janakaye pet ni ja tiwok jikajaye.

1 Corintios 3:8

Siunapo ti tijna'yi pet ti takawijnajne'n, siu'neje napo i'niat isiayits'i'ni, lajk'ipa ka jwajla'aja ka int'an'ni pijia'm. 'Yina siunie ti Sinia' jankat'i'n ape'e pi jikijmaye iyo pi i'nio' nak jan'wenayi pet siojopa jikaja janwo.

2 Corintios 10:18

Ke iwo pa ti siunie i'nio' ti jle' po', Saka'niona jla'am ti iyunit, 'yina je ka jlama jla'am ka iniwunit kant'emina ka jle' poye.

2 Corintios 10:9

Je awojonk'iye siukiwa ip'isijna' ajlo'wase'ni ka 'yiniyeyi ka ikelitienayi.

2 Corintios 4:2

'Yina je awoki siuniwa wask'i'nelaja ti taka'ajwejlasajne'n, siuniwa tijwekie ti je isis, ti je niwaka Sinia' jlamtis kanjwe'el. 'Wenajliyi jla'am siunie awoki samtikie', naka ni siunie ti ijiatk'i, je ajwekie. Jak je iyoyiji napo i'nio' jla'yi pa Sinia' jan'we'en ti ijiate ti je awok'iate siunapo i'nio' jiniliaja ti lajk'iyi paka iwoyisi, 'yina sa'm ijiatayi wek sa'am.

2 Corintios 5:10

Kajeyepa ti ja lajak'i pa ka injwel ka in'yilta'n k'iye pa Saka'niona, ka inetiejenie'e siojopa jloma ka 'yenta wikie'eyi napo i'nio' siupi jitis iyo. Japakayeyi ti ja kasjwanjlajamk'i'ni siupa ja tiwonats'e pi iyo siupa titiajlatats'e'm, ti ja tenaja siupa awokt'iyipi ti awak'i 'ni ajnat, ka 'esiet'ipi ni'ne ka jeye.

1 Tesalonicenses 5:2

Je iyo'ate ka je 'najanayi siunie jawo, ka inapitiemet jawoyena'a 'ate ni kajlajnata, ti ajnaj pet ni ininejni ti 'nese japa 'wuk ti iyo ka inkajla'n. I'ye'en ti je itijnisk'i wita'm papo jika'nionajas.

Hebreos 4:13

Lajk'ipa ka ne'yi siuniwa jilisajna' jla'am pi Sinia' ka 'najane paka iwone ka injwe'el ka inijwekia'm ti jla'am pi Sinia'. 'Yina ja ke injla'an wikie'eyi niwa wask'i'nelaja ti jitiete i'wi'in, jla'am ti ja kas'ye'en siupi awoki, ka netiejenie'e siojona jloma ti yi' jlaja.

Santiago 4:11

I'lijwas, ká amtiye napo as'lejwas. Siuti po' ni yamti ni jikiecha ti ijwil ti je 'es, ket'ijwel ka je niwakaye niwa Sinia' jlamtis ti yamti ti ijwil ka je inses. Siuti jijwel je isis niwa Sinia' jlamtis, jlam'ne ka ama ka woyi siunie iyo kawoyi, jinitojmata'aja a'am ti jijwel ka'ye'en, ka ajweye poye ape'e niwa Sinia' jlamtis.

Santiago 5:7

Siupet ti asa'am, i'lijwas, ká awoye asjlak'aliye. Kamaja paj ka awayeyinie'e siojona jloma Saka'niona ja'nesi. Niwonayi 'ate siunie i'nio' ti takawijna'n. Yi'i jiwek ti its'iujwap ka wakajla pa jlak ka inkima siupuwa jla' ti isis, jlamk'e'm ti yiyi siunie pejla ti inia'an, sekyi'i ti nakaye'eje pet ni tomik'i.

Santiago 5:9

I'lijwas, ká aninamtiye, 'nakayi ti astes ja ke poyena'a. Sinia', ti jlam ti jan'ye'en napo i'nio' pi jitis iyo, je tojwa kisie'e.

1 Pedro 1:7

Kajeyepa siunie astankiujnieye ti 'es iyo'ate janak wikinie maja ti 'najli ti tejlitaja, ka ti'wena ka 'esie, ni'ne ka jeye. It'imina ti ijlionayis napo jiwos. 'Yina kiak iyo'nase pet siuniwa inkajejlasaye ti ijio'wase, 'yina jla'm ijiatayi ti laja 'yaka'm ape'e janak wikinie maja ti 'najli. Siuti jatoma ilia'm, nak jant'emina ti asnikanitieyi japoye, siu'neje ti ijnonitieye ja tena'ase'm, ka inikajanittiejna'aja pi Saka'niona Jesús ti Sijwajieti.

1 Pedro 5:4

Jak je iyoyiji siuti ja'nes naka sontas jiwo ti jlameje, janwena'asemna'a siojona as'wajieta ti wuj ti 'es, ti ja ke paja ka netia'n.

2 Pedro 3:12

Nejejwijiejyi'n k'iye janak Sinia' jika jloma, ti janemit etitiejyi'n pet k'iye janak jloma. Janak siojona jloma, siuniwa wask'i'nelaja yiji ni poli jwat jantejwits'i, paj kanwakiyejamk'ina'a.

2 Pedro 3:4

ka iwoyena'a 'ate ti jankalakijiejne'n, “Jlam'ne tijwela janapimet pi Sijwajieti, ¿yot'iyi'ni ti je 'nes? Nojwak'i'ni jiwek kiapo atajlaja'm ti mawat je 'nes, kiajata iyojliyi ki iyo ti 'nelanjie'e poye 'ni ajnat.”

Judas 1:14

Kia'iyo pak Enoc t'ipi siupa Adán jikichas siupapo jikichas 'neje pet jlas ti tomi pijia'm. Siupa ti Sinia' ji'lij iwijna'm ti ijwi'il papoka i'niot'ipi ti iyo'ate, “A'we'en ni Saka'niona, ti na'am siu'neje ti je jlase' napo jijliujwajnas poli jlele ti namik'i,

Apocalipsis 1:7

¡'Yena'yi ilia'm, Sijwajieti na'm isia'm, ti yiji jana poli! Wikie'eyi napo i'nio' ti jan'we'en, siunapo iliant'ipi kiak jawo jan'wenis. 'Yina wikie'eyi napo i'nio' yi' ape'e 'ni ajnat ja ke jlasiye ni ja jijliak'aliye, siu'neje ni jlajlas janwoyi ti jan'wenis. Kiak janwo. Amén.

Apocalipsis 20:12

Sekyi'i ti a'wena siojopo ti 'yalt'ijyimpe, siojopo i'nio' ti jleyis ti pope ti 'wanjlijliyits'i kiu', siu'neje japo ti lajt'ik'iyipe pet paka iwoyi ti jiniliaja t'ipi pet, ti takasitk'i jitieyi'i siojo i'nio' ti yi'iji'n jlajak in'wet ti 'es. Sekyi'i ti tilienajamk'i siojowa imp'esijna' ti ineyis ji'wet, jaka 'neje jla'am siojo imp'esinik jikiecha, jleyis yi'i siunapo ti ji'wasankiye ti t'o'n po'. 'Yina siojopo ti 'yalt'ijyimpe, siuti Sinia' i'ye'en siupi iyoyi kiak iyonayiji siupa iyone ti yi'i jawak imp'esijna'.