1 Corintios 4:4 - Sinia' Jlamtis 1994

⁴ 'Wanjliyi lajatak'ipa ka iyine'ni isiowe'e ka je 'esie', 'yina je ajwe'el kats'es, 'yina ijwienjli jla'am pi Saka'niona ti jan'ye'en siupi awoyi.

1 Corintios 4:4 ပူးပေါင်းရင်းမြစ်များ

Juan 21:17

Jesús yikiajle'e'ne ti i'yase'n, sekyi'i ti najapajayiji ti iyo'ate: —Simón, Juan jlas, ¿mi semi'n? Pedro sekyi'i ti je inkajayi ka inkiujlie'ni, 'yina kajeyepa ti najapajayiji ti i'yas'ni ka ijiatayiji ka inemi'n. Isiujlie'ne ti iyo'ate: —'Yaka'niona, am ti 'najane wikie'eyi niwa wask'i'nelaja. 'Najane 'neje ti emi'n. Jesús iyone'ne 'ate: —Mayijinie'e pi jlak yi'i niwa iliajwas 'wolepo'.

Hechos 23:1

Pablo jitiej itieteje'ni japo ti iyo'ate: —I'lijwas, atalk'i'ni jiwekie'e, atajlap'e ti 'nelanjie'e, awakieyi 'niji ti akama jiwek itieyi'i pa Sinia'. Kajeyepa ti lajk'i wekie'e pa ka iyo ka je 'esie ka itiej wujwayi'ni ka ts'ajwejle.

Romanos 2:13

Jlampet siunapo ipi'yayeta siunie inka'neyasajnaye ijwi'il, 'yina je its'iuyisie, napoka pet napo ti 'yaka ti jitis po'. 'Yina jlampet siunapo ti jla'am je ipi'ya jiwek 'yina ti iyoyi siunie 'yijijie'ne, napokaye pet napo ti Sinia' initiajnat pi jitis iyoyi.

Romanos 4:2

Siut'itiejpe ka puwak int'emina ka k'iejliyeyi ka iwoyi, ti ilisajne'n, 'yina je 'wenata'ne pet paka iniwuniti ka kiak iwoyi. Jlampet jitieyi'i pi Sinia', lajk'iyipa ka iniwuniti,

1 Corintios 4:3

Siuti ya'am ti si'yenayi ka k'iejliyeyi paka iyoyi, yi'i pa ti iyo'ate, “Je 'es ni Pablo”, ni'ne ka napokaye napo i'nio' yi' ape'e 'ni ajnat ka kiak iwonk'iji, 'yina je awoyi ijliak'aliye. Ni'ne ka yama ya'am ka ini'ye'en ka inikajanit itipe'e.

1 Corintios 4:5

'Yina naka'ne siunie ti je 'es ka ananejen'ni k'iye pa Saka'niona, je ijiat ka je i'ye'en jla'am napo i'nio' siupi iyoyi siojona jloma ka 'nesta. Ja jlama ti jankajanit'i ape'e ti janejni na jla'al ni jloma wikie'eyi niwa wask'i'nelaja tijwekiek'iji'n yiji ni ajnaj. Sekjane'yi ti jankajanit'iji ape'e napo i'nio' siunie iyo ni yiji ni jlosik. Jiwekie'ejana'a ka Sinia' iwejna'm pa jane'yi siunie ti ja tonitieje, kajeyepa ti 'yakajli.

2 Corintios 1:12

Po' ni siunie iyo sinikanitieyeja'. Jlajmiliet siuti awak aska kiowe'e, lajk'ipa ka sikioweja ka je 'esie ka ininekiajlaja, siu'neje ti lajk'ipa ka ijiatayiji ka into'm isiame. 'Yina siuti kia'iyo, je tajle siunie iyo ti kasts'ajajne'n, 'wenajliyi jla'am pa Sinia' ti jikap'ijliuskiye po' ti iniuyits'e'm, paka ti tajle, it'imina ti kasts'isis ti awak'i ape'e 'ni ajnat.

2 Corintios 5:10

Kajeyepa ti ja lajak'i pa ka injwel ka in'yilta'n k'iye pa Saka'niona, ka inetiejenie'e siojopa jloma ka 'yenta wikie'eyi napo i'nio' siupi jitis iyo. Japakayeyi ti ja kasjwanjlajamk'i'ni siupa ja tiwonats'e pi iyo siupa titiajlatats'e'm, ti ja tenaja siupa awokt'iyipi ti awak'i 'ni ajnat, ka 'esiet'ipi ni'ne ka jeye.