1 Corintios 4:19 - Sinia' Jlamtis 1994

¹⁹ Jlam'ne pet ni awoyi, siuti Saka'niona janoyijk'i'm ka 'wenayena'a ta'a ijyilia'm. Sekjane'yi ka i'winana'a pet siunapo ijiate ti initoniti'n ka ijiatayi siunie ijwi'il, ka jijweye poyeyis, ent'a napoka siunapo amtijietas jiwek.

1 Corintios 4:19 ပူးပေါင်းရင်းမြစ်များ

Hechos 18:21

Iyone'ne 'ate, ti inijwelayi: —Je ijiat ka je ini'wenajna'a, ka Sinia' iwotajanie'e ka ijio'wase. Sekyi'i ti tisiojmayejamk'i, tejeye 'niji Cesaréaja.

Hechos 19:21

Jlampa yama 'niji siupa iyoyisi, Pablo itienkiun'ni ti iyo'ate: —'Estaja ka ijio Macedóniaja, sekjane'yi ka ijioyena'aja Acáyaja, kayoyena'a 'ate 'niji Jerusalenne. Paj ka yiyena'a Rómaja.

Romanos 15:32

Ka Sinia' iwotajanie'e ka 'wenayena'a ijyilia'm, 'yina ja ke jlasiye ni jayo ti jats'ajkaj'ni ka ni'wenajta, 'yina janinop'it kiu wat ti jayi'asap.

1 Corintios 11:34

Siuti inel'lia'n, 'yekiunta'a a'wete, ja'nakayeyi ti Saka'niona ja ke intajlat'ase'm siuti jawoyeyi siunie jiwonayiji'ni ti wuj ti je 'es, ti jinitotieyetak'i wita'm. Siuniwa ijia 'neje niwak jatiejieta pet ts'iji ka nak ijiotaja.

1 Corintios 14:5

Ijiate ti sitilia'ase'm kanta aswa'm siuniwa inamtis ti 'wenayi ti je tipe'yak ti tajle janak Sinia' jikimet. 'Yina siuti ya'am awotaja ka askijmaye kiak iwo naka siunie jikijmaye iyo ni i'nio' ti yameje'n pet siunie iyo janaka Sinia' jikimet. Siu'neje ni i'nio' ti jikijmaye kia'iyo ti ijwil pet siunie iyo janaka Sinia' jikimet jla'm ijiate wek jla'am ti 'yaka'm ape'e siunie ti itieja'm pet siuniwa inamtis ti je tipe'yak, siuti lajk'ipa ka injwelk'i siupi iyo, ka 'esieyi pet napo ijia siupa jlosik.

1 Corintios 16:5

Ajwe'lasem ta'a siunie jayo kayiktana'a, janiu 'niji yi'i jana ajnat Macedonia, sekjane'yi ka 'yuyeyijna'a astepe'e ti jleye Coríntojo.

1 Corintios 16:7

Kajeyepa ti je awojonk'iye ka jla'm i'wina jiwek, 'yina awotajank'iye ka nak sipaja aska kiowe'e, ka Saka'niona iwotajanie'e.

1 Corintios 2:6

Jlampet ti amti'yi napoka ti paja ni jitienkiujnieye ti 'es, akienayiji pet niwak, siunie iyo ni 'najankijnieye. 'Yina je taj'le 'ni ajnat, ni'ne ka intajle niwaka siuniwa injweyejes ti isie' ape'e ti iyo jikimeta' siu'nie ajnat, 'yina ti ja jlaj japoye niwaka.

1 Corintios 4:18

'Ye'en 'nakayi tijwela'ni, po' siunapo ti sijwelis ti ja ke yikiajle'eje ka nak ijiojwi, yamjliyi siunie ti initonitis ti ijwil ka je sijweyi.

1 Corintios 4:6

I'lijwas, ejnapeje jiwek ask'ioye pa Apolos siu'neje ti ya'am, 'yina nak ja 'nesieyi, ja'nakayeyijna'a ka je akama'yi ape'e siuniwa inamtis. Pajk'i ta'a ti yi'i ni ji'wet, jla'yi ti ja lajak'ipa ka ijnonit pi jikiecha siupa ti taka'neyasan'ni, ti kia'iyo yapijne'n pi jikiecha.

2 Corintios 1:23

Sinia' itiant'ieje ki iyo ni yiji ni ijiusik, siunie it'imina ti ja ke iniu'wase ka yikta. Awo kajeyepa ti je awo ka yikiajle'eje ka ilianki'nase ni astankiujnieye.

2 Corintios 10:9

Je awojonk'iye siukiwa ip'isijna' ajlo'wase'ni ka 'yiniyeyi ka ikelitienayi.

Hebreos 6:3

Je 'es ka int'onitie'yi niwakaye, 'yina 'wenajliyi ti jlajma najlinie'e pet siuti Sinia' jawoyi.

Santiago 4:15

Jlam'ne as'lej jota wonayi 'ate, “Ka Saka'niona iwotajanie'e, ja kas'wasanajanna'a. Sek jane'yi ka iyokie yinie'e pi jayoki, siu'neje jana jloma ti jana'am”.