1 Corintios 4:17 - Sinia' Jlamtis 1994

¹⁷ It'imina ti ajlo'wase ni Timoteo, ni awoyi yasa, ti kasjwanjliyik'i pa Saka'niona, ti jlam ti je sikiwita ti iyo siunie tijliukieje. Jla'am ti jitiej jajnotk'i ask'ioye siunie aniwone siunie ti akk'i ni Sijwajieti ji'niayi, iyo'ate siunie ti 'eyasajne'n napo Sinia' jilis yijits'i niwa ajnatis ijia.

1 Corintios 4:17 ပူးပေါင်းရင်းမြစ်များ

Mateo 24:45

Jesús iyoye'eje 'ate: —¿Tepa yi'i siupi jlosik yiji'ni jla'yi ti 'es ni inkawo? 'Yina naka siunie jika anechiyas i'yenkina pet napo ijia ti inkawos ji'wet'e ti 'yakojniejne'n ti yamata, paj ti yiyeyi siojopa jloma 'nesi.

Mateo 25:21

“Iyo'ne 'ate pa anechiyas ti isiujlie, “Ijiate wat ti 'es ti kia'iyoyi, am ti 'yakawo'wa'm ti 'es, jla'yi ti ajosik po'. Siuti kia'iyo ti jilisaniji ni jwajla'a ti ekiaj'la, jayikiaj'la'm siunie ti ijiate ti 'etsaka ti ja'yena. Maj 'oyi ni siunie yi'i jana inlakijnieye, ti awo iliakijnieyeja'”.

Mateo 25:23

“Iyo'ne 'ate pa anechiyas ti isiujlie, “Ijiate wat ti 'es ti kia'iyo, am ti 'yakawo'wa'm ti 'es, jla'yi ti ajosik po'. Siuti kia'iyo ti jilisaniji ni siunie jwajla'a, jayikiaj'la'm ni siunie ti ijiate ti 'etsaka ti ja'yena. Maj 'oyi ni siunie yi'i ni inlakijnieye, ti awo iliakijnieyeja', janikanitiejk'i wita'm”.

Hechos 16:1

Pablo ijioyis 'niji yi'i japa Derbe, siu'neje japa Listra, sek i'winits'i'ne siojo i'nio' jle' iyo'ate Timoteo. Kia'iyo inamtik jiwo, jlet japa Judía ti iyoyi pa inamtik. Sinia' jilis siupapo sekyi'i i'winis jak jwemik ti 'es, 'yijen jlosiki, jak je iyoyiji'ni ja Pablo ti iyo ka ina'asi. Siupapo Judíojos ti 'yijenayi pa iyone ti je Judío pa jinia', it'imina'ne ja Pablo ti iyo ka tejwak'i pa t'isie'n jiwa ja Timoteo, ka ijiatayiji ka Judíoja'.

1 Corintios 11:16

Siuti japoye siunie janwet'iank'i siukia awoyi, 'esiji ka 'najane paka iwone: tiwet'ianaja ka sama, ka napokaye 'neje wek Sinia' jilis, ka 'najane paka wone ka poye siupa jikeye napo i'nio' paka tiniwonaja.

1 Corintios 11:2

Wuj ti ts'ajka'ase'm siunie jiwoyeyi, ti je paj ka inkiwaliyeyi'i siunie awoyipi ti a'yasap, siu'neje ti je liyik'i siunie iyo ti 'eyasanajyi'n.

1 Corintios 11:34

Siuti inel'lia'n, 'yekiunta'a a'wete, ja'nakayeyi ti Saka'niona ja ke intajlat'ase'm siuti jawoyeyi siunie jiwonayiji'ni ti wuj ti je 'es, ti jinitotieyetak'i wita'm. Siuniwa ijia 'neje niwak jatiejieta pet ts'iji ka nak ijiotaja.

1 Corintios 14:33

kajeyepa ti Sinia' naka ni siunie inkamankiye, naka ni siunie ti je iyojonk'iye ka siunapo jilis jlam pak iwots'i'ni, ka je inka siunie iniwonisi. Siunie iniwone napo Sinia' jilis ti initotietak'i wita'm, nak janekisi pet,

1 Corintios 16:1

Jayiyiji'ni siojona wikiniet'aj, ti jajiutie'ni wita'm k'iye siunapo Sinia' jilis yiji jana Judea. 'Yina wonayi 'ate siunie awo ka woyi japo Sinia' jilis yiji pet jana Galacia.

1 Corintios 16:10

Ka nak inetiejenie'e ni Timoteo, 'esiji ka 'yenayi 'nakayi ti t'otale jat'onie. Kia'iyo jlam ti iniuyeje pa Saka'niona, jikijmaye iyo'ate iyo 'ni isijmaye.

1 Corintios 4:14

Je ka 'yajwejlanatak'i wita'm, ti kia'iyo ni ajwe'lase'm, 'wenajlitieje ti awo ka 'yiyasanajyi'n ti awo ilisa'ase'm, lapakawo ti wuj ti ts'ama'ase.

1 Corintios 4:15

'Wanjliyi ka je piniye papo ka 'neyasanayi pi iyo pi Sijwajieti ka ne'yasap, 'yina je 'loj siunapo iyo'ate napo asnawot. Ya'am ti asnak'i'm ti kasjwanjliyik'i pa Sijwajieti Jesús, kajeyepa ti yampe ti ato'niase ni siunie inka'niye ti 'es, Sinia' tajle.

1 Corintios 4:2

Siuti po' ni i'nio' ti k'iejliyi pa jika anechiyas ijliuye kawoyi, je 'esiji ka je 'nakaj, siunie iyo ti isima, ti jlam ti ilisaniji pi jika anechiyas jla'yi ti ilisaniji pi jikijmaye.

1 Corintios 7:17

Siuti 'nelanjie'e tana'a pa Sinia', siunie ijniejiet'a'm pet, 'yina kasjwanjlajamk'i'ni naka, ka 'esieyiji ka je ilik'i pet. Nak i'lij pet siunie ti 'esiji kanwoyi napoka Sinia' jilis, ka ne'yi japa ajnat ji'weta'.

1 Corintios 7:25

Jlampet siunapo ijwienjlik'iji'n, nak Saka'niona je ijwilk'i'm siupa ka ijiatayi ka 'esie ka iniwonisi. 'Yina ajwejla'm siunie ti ya'am ti itienkiujnieye, lapakawo ti jitiej iyomk'i'm napo i'nio' siunie iyo ti wuj ti ap'elisi'n, it'imina ti anoyeje, 'yina ti kia'awo pet ts'esi ni jikap'ijliuskiye ti iwink'i'm ni Sinia'.

2 Corintios 8:18

'Yina po' ni sikiecha ajlok'i ni Tito ka 'nonink'i, siunie ti Sinia' jilis i'winis ti jla'm ijiate'ni jiwek jla'am ti 'es jitieyi'i pi Sinia' ti iniuyeje, siu'neje ti iyo jlamtikie' niwa Sinia' jlamtis.

Efesios 6:21

Po'ala siunie sikiecha Tíquico, ti wuj ti kasts'amaja, jla'yi ti ats'ilkaja ti iniuyeje pa Sinia' ti iyoyi niwa jlamtis. 'Nak janjwe'lase'm siu'nie awo 'ni a'yi, siu'neje ni awo ti akijme'n.

Filipenses 2:19

Ka intaltajanie'e pa Saka'niona Jesús siu'nie, 'yina ka 'wenanie ilia'm ta'a 'ni sikiecha Timoteo ti nak jajliujwi. Sekjane'yi ka wujwana'a ti jats'ajkaj'ni, kajeyepa ti ja ijie'yase siupi jiwoyeyi pit.

Filipenses 2:22

'Yina intant'iejayi 'ni Timoteo ti jlosik po', jlam wuj ti iniuyijk'i'm siuti awoyeta yamtikie', ti ajwel niwa Sinia' jlamtis ti isis, 'yiniye pa ti ijiate ti inase.

Colosenses 1:7

'Yina siojo ti 'neyasanayijpe niwaka, jakape ja sikiecha ti kasts'amaja Epafras, 'nakayi yamjliyi ti iniuyi'ase'm, jayo'ate iniuyits'em'ni ti akimajatajk'iji'n, Sijwajieti jikawo ti 'es.

Colosenses 4:9

Siunie 'yunink'i Onésimo, naka 'neje ni taj'l aswa'am, siu'neje ti sikiecha ti je tiwonaja, ti wuj ti kasts'amaja. Ja napokaye ti janjwe'lase wikie'eyi siuniwa awoki ti awak'ne.

1 Timoteo 1:18

Yas Timoteo, 'ye'en siu'nie jayo'naja ti ja'yiyasa'n, ka 'wena ijnojwap'e wat siuniwa Sinia' jlamtis iyont'iyipi ti injwe'el ti ijwijla'm papo jijwejlanawos. Ja ke paja ka aleyi ti ja awoyi atankiujnieyeja' kiwa inamtis, 'nakayi ti ja'nesiejempe ti jlak'aliyijin'ni ni je 'es.

2 Timoteo 2:2

Siuniwa jipe'yape ti ene jitieyi'i japo i'nio' ti 'loj, ti ajwe'la'm, nak jajwejla'm pet siunapo ti je tikiwitaja, ti ji'we'en ti 'yakajli ti iyoyi, 'nakayijna'a pet ka 'neyasajne'n napo ijia.

2 Timoteo 3:10

'Esiji ti 'wena je t'iasap'e siunie 'yaka'neyasajnaye iyo, jla'yi siunie awone, siu'neje ni ajalas ka iyoyi, siunie iyo ni itienkiujnieye ti 'es, jla'yi ni awo ti akama, siu'neje ti yimijnaye po', jla'yi ni ijwiye iyo ti ato'm ilia'm ni iyo napo i'nio' ti teje'yi ijyilia'm, siu'neje ti anilayiti ni ijliak'ali iyo.

Tito 1:5

Siukia ti i'wanjlipe Crétaja, jlam sek aleyi'ipe, 'yina ti awo ka iliyi ajap siukia isijmaye ti awo, ka ateme pet siukia 'wanjle'e jota iyoyi. Nakape ti awo ka awojyi'n papo ka intajlits'i niwa isi'il ka ekiaj'le ka inkie'e pet napo ijia Sinia' jilis.

Apocalipsis 2:10

Ke ijnots'ina siunie jawo ni janilayiti ka netie'anie'e, 'ye'en siunie imosik jajnotie kiajwe jana insat jiwe pa ja inojwajia'm ti asa'm, sek jane'yi ti ja'nakaja siuti ja ijiatayi ti astankiujnieye japoye ti ja ke akakiuye ni Sinia'. Times niwa sikioye jantej'we niwa janojwaja'm ni jlomasa' ti kiak jawoyeyi ti ja ayejyi ni asjlak'ali. 'Yina ká aleyi, ataj ká ala'ne, 'wanjliyi ka ajyi siunie alayeja', 'yina ajwe'la'm ti jawi'na'm siojona a'wasankiye ti t'o'n jawoyena'a 'ate siunie i'nio' t'an pijia'm ti tiliaki'n siojona tena'a jana jletik ti 'yakajli.

Apocalipsis 2:13

Ts'ajane pi awone ti jle'yi siunie ajnat sitiejiejwa imosik jika anechijiayas yi'i. 'Yina jlekjliyi wek ti je liyi siunie atankiujnieye ti je sakakiu, ejlowek ti yamata ti at'emi'na, siukiwa jlomas ti Antipas, siukia ikawo ti 'es ti tilianajape, ni yi'i ni sitiejiejwa imosik.