1 Corintios 4:15 - Sinia' Jlamtis 1994

¹⁵ 'Wanjliyi ka je piniye papo ka 'neyasanayi pi iyo pi Sijwajieti ka ne'yasap, 'yina je 'loj siunapo iyo'ate napo asnawot. Ya'am ti asnak'i'm ti kasjwanjliyik'i pa Sijwajieti Jesús, kajeyepa ti yampe ti ato'niase ni siunie inka'niye ti 'es, Sinia' tajle.

1 Corintios 4:15 ပူးပေါင်းရင်းမြစ်များ

Romanos 15:20

'Yina je awojonk'iye ka ipi'ya papo ka wo'ate, “Pablo ijwil ka jlama ka inteme siukia jikimet, jlam'ne japoka jla'am siojopo iniane ti isima.” Tempi it'imina ti ajalas ka iyo yamtikie' ka ijwi'il ni Sijwajieti, ti a'yi siunie ajnat ti lajk'ipa ka ijnoyi ka iwo jlamtikie' ka injwe'el siunie Sinia' jika'niye.

1 Corintios 1:30

Ijiate pa Sinia' ti jla'am ti ijnotieyi wita'm pa Sijwajieti Jesús. 'Yina ti jla'am ti saka 'najankijnieye, jla'yi ti jla'am pi Sijwajieti ti it'imina ti Sinia' kasp'elisijne'n. Sekyi'i isiwaliyi'i ki sitis iyoyi, siu'neje ti it'imina ti kasts'isis jitieyi'i ni Sinia'. Jla'yi ti jla'am ti initojmat sitipe'e, it'iminayi ti ajwaye.

1 Corintios 15:1

I'lijwas, 'nakayi awotajank'iye ka ataj enayi'ni 'ate siukia Sinia' jika'niye ti ijwi'il jana injwajieti, ti awoyi pet yamtikie'ase. 'Yina 'naka'ne 'ni siu'nie ti jikimape ilia'm, siu'nie ti i'netiets'i pijia'm.

1 Corintios 3:10

'Yina siunie iyo pit ni Sinia' ti sip'elisi'n, ti yikialk'i naka, ti ya'am ti anane ti e'ne janaka 'wuk, kajeyepa ti ya'am ti jiwok'i'm. Sekyi'i ti poye pet siunapo ti 'wanjlik'i isia'm ti iniuyijk'i'm, ti its'iuyeje ti isima. 'Yina siuti po' ni isima pet, 'esiji ka wujwa ka 'ye'en siuti yinata'a.

1 Corintios 3:6

Jayo'ate, yam ti akawijna'n, Apolos nak i'niat isiayits'i'ni pet, jlampet siunie i'yena, jla'yi ti it'imina ti wuj pijia'm siojona inwomki, naka pet ni Sinia'.

1 Corintios 3:8

Siunapo ti tijna'yi pet ti takawijnajne'n, siu'neje napo i'niat isiayits'i'ni, lajk'ipa ka jwajla'aja ka int'an'ni pijia'm. 'Yina siunie ti Sinia' jankat'i'n ape'e pi jikijmaye iyo pi i'nio' nak jan'wenayi pet siojopa jikaja janwo.

1 Corintios 9:12

'Yina siuti po' siunapo ti iyo ka anoyeyeje, je jlenajia'm. ¿Tepi iyo pet ti sa'am? ¿Ma aka'ajwejlasanat'e? Mejla'ala ka nakaye ka iyokijyi'n, 'yina wuj ti anilayitieje niwaka, ka lajak'i ki iyo ni yits'e, ti je 'es ka i'winki'nase'm naka, ka najataja ka intajli'yi ni i'nio' ni asetiana, siu'neje ti awoktajank'iye ka inkamajas ka ink'iuyisi niwa Sinia' jlamtis ti ijwi'il pi iyo pa Sijwajieti Jesús.

1 Corintios 9:14

'Yina kia'iyoyiyi siunapo ti iyo jlamtikieyi napo i'nio' niwa Sinia' jlamtis, siupi Saka'niona iyo'ate, “'Esiji ka intajlaja'm pet ni i'nio' jikijmaye pi k'iejliyi pi isitia'n.”

1 Corintios 9:16

Siuti ya'am je aniwuniti ti awo yamtikieyi napo i'nio' ti ajwejla'm niwa inamtis ti isis, kajeyepa ti naka ti isijmaye ti je 'es ka je iyoyi. ¡Ijiate ti iwit'ia janejyi siuti ja ke iyoyi yamtikie'!

1 Corintios 9:18

'yina, ¿tent'i siojopa 'yakaja? Naka ni inkanitiejeye, ti je awo 'yakajaye ti akiji napo i'nio' niwa inamtis ti isis. Ka iyot'e 'ate, ti 'yiniye ka 'yakawoye, siunie iyo ni i'nio' kiak jikijmaye iyo ti po' siojona 'esi ti tejeye ni jikijmaye, 'wanjliyi ka kiak iwo ka je tijwelak'i'm japa ka yak lajaye pet, ti akietaja niwa Sinia' jlamtis ti isis.

1 Corintios 9:23

'Yina lajk'ipa ka int'emina siunie aniwone, kajeyepa ti niwaka jla'am niwa Sinia' jlamtis ti isis ti awojonk'iye pet ka ts'esi, siuniwa isis Sinia' tajle ni jikap'ijliuskiye iyo.

2 Corintios 4:5

Siuti awok samtikie', je sam'ne ka inijwela, 'wenajliyi jla'am ti ajwela pa Sijwajieti Jesús ti jla'am ti Saka'niona. Siuti sa'am ani'wenkina'ase'm ti akawosts'e'm, lapakawo ti yimijnaye e'ne ni Jesús.

Gálatas 3:24

Siunie inka'neyasajnaye i'yents'e'm paj ti yiyeyi siojokia jloma ti 'nes pi Sijwajieti, jak je iyoyi ti Sinia' kaslesajne'n 'yina ti je akakiuk pi Jesús.

Gálatas 3:25

'Nakayi, ti je akakiunieje, sekyi'i je awak'ne kiajwe naka inka'neyasajnaye. Iliyeyi ti i'yents'e'm siunie awoki.

Gálatas 4:19

Ilis, yikiajlayi'iji siu'nie awoyi ti wuj ti alate ni itienkiujnieye, ti a'tiek'i astepe'e. Awoye 'ate siojona i'nioki ti k'iejli jlas yokie, ti ijliak'al'ni 'yina jajiok'i'ni siunie ti janilayiti, ijiatjliyijna'a ka wakajla pi Sijwajieti aswa'am.

2 Timoteo 4:3

Japoye siojona jloma ti jawo'ate napo i'nio' ti janjwelis naka inka'neyasajnaye ti 'es ti tajle ni Sinia', “Siuniwa inamtis wuj ti kiojieti.” 'Yina ja wa'asitieyijits'i'ni ti jampe'yayis siupuwa inka'neyasajnaye ijia, jajnotiena'a wita'm napo inka'neyasajnawos ti ijyiwiteje siunie ijialas kawoyisi ti yiminis ka woyisi.

Tito 1:4

Tito, a'm ti awo yasa'a'm, siu'nie awoki ti ijiate ti 'es. 'Esiji ka Sinia', jla'yi pa Saka'niona Jesús ti Sijwajieti imp'elisimpe, jla'yi ti ja akama.

Filemón 1:19

Ya'am Pablok'i'm, ya'am ti 'eti' siu'nie, ajwel ti janitojmate, jlajme awo ti jatis. ¡'Yina je ayiji pit, ka itiej iyunitk'i ti kiak jiwo pit akapia' yik'i, ates yi' ijyilia'm!

Santiago 1:18

Jlam ti tajle ni siunie iyo kawo ti iyo ka si'wasankiye ink'ieye'eje, 'yina ti ijiate ti kasts'isisi, ki iyo niwa jlamtis ti ijiatk'i ti awoki, ti iyo ka sama ka iniana ka kaspo' ape'e 'ni ajnat ka inianak'iye ni siuniwa ijia jilisajna'.

1 Pedro 1:23

Tepa jawo ka kiak je iwo ti jlekiajlayeyi'iji siunie jiwoyeyi ti 'nelanjie'e ti jitiajlajia'm jana aset, 'yina je napokaye'ne ka impojonitie napo asnawot yi' ajnat'e, 'yina Sinia' ti impojonitie ti itiajlate pet niwa jlamtis ti ji'wasankiye po', jla'yi ti je paj ka netia'n.