1 Corintios 4:12 - Sinia' Jlamtis 1994

¹² paj ti je kats'isisieyi ti akimak'iji'n ti awokijyi'n paka tiuwa. Siuti takasejlanats'e, je akiujlieje, 'wenajliyi ti ajwelaja'm siunie 'es kawoyisi. Siuti kia'iyo ti je kasp'elisina, akiniejliyi wek ti anilayitieje.

1 Corintios 4:12 ပူးပေါင်းရင်းမြစ်များ

Mateo 5:11

“Sinia' wuj ti imp'elisina' ti asa'am siunapo i'nio' iliaki ti jikinieyi siu'nie awo, siu'neje ti teje'yi aselia'm k'iejliyi siunie iyo kawo'nase ti inlakiye.

Mateo 5:44

Siuti ti ya'am jajwi'lase'm ti jayo'ate, 'Esiji ka emijne'n napo teje'yi aselia'm, 'ajlanajyi'n pet siupapo ti wuj ti inlakiye siunie iyo'nase ti teje'yi aselia'm.

Lucas 23:34

Pakayi ti Jesús iyo'ate: —Inia', p'elisijne'n jiwekie'e 'napo i'nio', jlam kia'iyo je 'yijenisi siunie iyoyisi. Siupapo tokis ti iyoyeyisi ka inik'isajasi puwa ji'wuye pa Jesús, 'yina tiliakinieyists'i ape'e.

Lucas 6:28

Siunapo ipiejwuyi'ase'm ti iyo ka aswet'ia poye, ekiajlayi pet ilia'm ni 'es, ti jantaj'lase. Siunapo inlakiye, 'ajlanapi ti jajwelayi pi Sinia'.

Juan 15:20

Ataj wunitiets'i siunie awo'nase'ejyi ti awo'ate, “Jikawo je ika'm ape'e ni i'nio' ni anechiyas.” Siuti jlam sakojwaki'n ta'a, 'wena je woyeyi, kiak jawoyeyi pet. Siuti jlamt'i kiak awo ta'a, ti tik'iukk'i'm ni siunie iyo niwa yamtis, kiak inwoyenie'eje pet ti asa'am, ja tik'iukie'asemna'a siupi ja asamtikie'.

Hechos 18:3

'Yina ti Pablo jikijmaye kia'iyoyi, iyo papo ti isimisie'ni puwa 'nejes. Jak je iyoyiji'ni ti sek 'wanjle'e ti iyo ka inoyeje, ti ats'ilka ka inkijme'n.

Hechos 20:34

'Wenajliyi pet ti akijme'n, 'nakayi'iji ti a'we'en siunie asetia'n, jla'yi siunie isitia'n siojopo yi'ni ijiap.

Hechos 7:60

Sekyi'i ti t'akosjlete'l itiyeyiji'n, 'yakets'ijiap ti iyo'ate: —'Yaka'niona, ká atajlatajna'a siunie iyo ni jike'. Yiyik'i ti kia'iyo, sekyi'i ti 'yala.

Romanos 12:14

Jlampet siunapo ipiejwuyi'asem'ni ka aswet'ia poye, napoka ti 'esiji pet ka ekiajle ilia'm siunie 'es. 'Yina ká apajwuyi'i'ni pet ka jiwet'ia poye.

Romanos 12:20

'Yina po'neje siunie iyo'ate, “Kojnie'n ni atajiejwa ti inil'lia'n. Jlampet siuti isi'im, 'yayi'ni 'niati, jant'emina ti ja ke jlasiye ni t'ajwejli ti jajwejlanit'ni.”

Romanos 8:35

Ijiatjliyi, ¿tempa ka kaskajli ka ijiutie 'nijiye siunie Sijwajieti jlemijnaye? ¡Lajk'ipa! 'Wanjliyi ka nakaye sijliak'ali, ni'ne ka nakaye siunie ti istie' ni si'niayi iyo, ni'ne ka nakaye siunie ti teje selia'm napo i'nio', siunie ti kasnel'lianataja'n, ni'ne ka nakaye siunie ti lajata si'wuye, siunie ti siliaye poyeta, ni'ne ka nakaye siunie ti ja kasts'ajle'n.

1 Corintios 9:6

'Yina, ¿ijiatt'iyi ti samkata, ti ya'yi ni Bernabé, ka je 'esieyiji ka poye japa ka inwents'e'm napo i'nio' pa ka k'iejliyeyi ka kasts'isisi pet?

2 Corintios 11:8

Ti jika wikiniet'aj ajajlane japo Sinia' jilis jakiakaye ti ts'esi ti akijme'n aska kiowe'e. Awoyi kajeyepa ti aki'm ilia'm.

Efesios 4:28

Siunie takajla'n 'esiji kanlek'i, 'esiji ka inkijme'n. Siuniwa jikioye, 'esiji ka itajietap pet siunie jikijmaye ti 'es, ja 'nakayeyipe pet siuti po' napo ti jwajla'a je i'wi'in, ja 'esieyi pet ti janoyeje.

1 Tesalonicenses 2:9

I'lijwas, astaj wujk'i siukia awoki ti akimak'iji'n, ti jloma ajnaj kia'iyojliyi, paj ti je kasts'isisieyi ti akimak'iji'n ti awokijyi'n pi sak lajaye. Jak je iyoyi ka poye pa ka intajli'i ka jwesiejayiji'n paka k'iejliyeyi ka kasts'isisi ti awokietaja ni sikijmaye, ti awok samtikie' ti ajwela niwa Sinia' jlamtis ti isis.

2 Tesalonicenses 3:8

Jak je iyoyiji siukia atowa akinieje, kajeyepa ti laja po' kiwa jlomas ajnajas ti akimak'iji'n, paj ti je kasts'isisieyi. Jak je iyoyiji ka poye paka inila'ne ka ink'ipi'ni sajap ka wojyi'n paka itiuwa.

1 Timoteo 4:10

Nak it'imina ti awok sikijmayeja' jla'yi ti anilanajan'ni ape'e, 'yina ti jlam pajk'i ti ena'a ni sinijijwiye pi Sinia' ti jlam ti je paj ka netia'n. Siunie Sijwajieti, jla'yi wikie'eyi napo i'nio' ti Jijwajietiyis 'esi siunapo ti je 'yakakiuyis.

1 Pedro 2:23

Siupapo i'nio' ti iliakiyis pa Sijwajieti, je iyo ka intayiti ka inlaki pet papo i'nio'. Kia'iyojliyi ti tajakiam'ni, je yits'e ka wo'ate, “Je ijiatena'a pet ka je itieyiti”, 'wenajliyi ti its'iuye pa Sinia' ka jlama jla'am ka'ye'en siunie iyo ti jla'am ti je 'yakajme'n siunie jawoyi.

1 Pedro 3:14

'Wanjliyi ka kiak awoyeyi ti jane'ase ni asjlak'ali 'yina ti jiwoyeyi ni 'es, ijiate Sinia' janoye'ase'm jamp'elisina'. Ke ijnots'inayi paka k'iejliyeyi. Ká awoye asjlak'aliye,

1 Pedro 3:9

Siuti po' ni je 'es ni iyo'nase napo as'lejwas, 'esiji ka je atayitieyi. 'Yina ja 'wenajliyi pet ti ja ekiajlayi ilia'm ni 'es, siunie akap'ijliuskiyeyi ti ja ena'yi, 'yina naka ti Sinia' tana'ase. Siuti kiak janiwonayi, je jwel ka kiak je iwo'nase pit ni Sinia' ka imp'elisinajyi'n.

1 Pedro 4:19

Ijiatjliyi, siunapo ti jlampa Sinia' ti tajle naka ti inilayiti siunie iyo ni jijliak'ali, 'esiji ka je ink'ijliayis'ni. Janekjliyisi ka woyi ni siunie 'es, jlam ininekialjliyispe jikiojia'm pi Sinia', ka wujwa ka'yena ti jlam ti jilisajna', ti jlam ti je paj ka netiajni siunie iyo ka woyi.

Judas 1:9

Siupa injlojwanik poli jlele Miguel, ti jlamata pet ti ijia jika anechiyas, 'yina t'otale je t'oni ka kiak ji'lij iwone, siupa ti iniewiti pa imosik ape'e pa t'ajwes masa pa Moisés. 'Yina Miguel je yits'e ka kiak iwone 'ate pa imosik, “¡Ates po'!”, 'wenajliyi ti iyone 'ate, “¡'Esiji ka Saka'niona jlama jla'am ka insela'm!”