1 Corintios 3:5 - Sinia' Jlamtis 1994

⁵ Siuti jletinats'i'ni napoka, ¿ten na Apolos?, ¿siunie Pablo, ten na? Jlam'ne ni awoki ti inka'neyasajnaye jiwosts'e'm jiwek, 'yina sa'am ti insisieyi it'imina ti jitienkiunieyi pa Saka'niona. Ijiatjliyi ti sa'am je 'wena pet paka inkima, 'yina isima pet siupa k'iejliyi siupa ti Saka'niona yikialts'e.

1 Corintios 3:5 ပူးပေါင်းရင်းမြစ်များ

Mateo 25:15

Lapakawo ti itiant'iejeje'n, it'imina ti kia'iyo siojopa k'ie japa ijniejiet'e pa. Jak je iyoyi'ni yikiajle'ni siupa inia'an siojopa wuj ijwienjli sikio' itij'we taléntojos, siupi jikiecha timesk'i jla'am puwa taléntojos, siupi jikiecha jla'am ijwienjlik'iyi japa iwijna'm. Sekyi'i ti yamat'ipi pak i'nio' siupi ijiojwi.

Lucas 1:2

iyopi siojopo ti i'winis ti 'nelanjie'e, ti jlamis ti iyo wosa' kiwa inamtis.

Juan 3:27

Tamti'ne ja Juan ti iyo'ate: —Lajk'ipa ka neyi ni i'nio' siuti Sinia' ka je jla'm ka inwejna'm pi k'iejliyi.

Hechos 18:24

Japaka siojopa jloma ti 'nes Éfesojo siojo Judío jle' iyo'ate Apolos, ji'wet japa Alejandría, i'nio' ti wuj ti 'yijen ji'liji, itiant'ieje puwa Sinia' jlamtis yi'i ni ji'wet.

Hechos 19:1

Apolos je t'eki pet Coríntojo, jlampa Pablo yama'aja ti ijio Éfesojo, iniu 'niji yi'i japa ajnat tikijnakiyis yi'i. 'Yina sek i'wi'ne papo Sinia' jilis,

Romanos 15:16

siunie ti siwojwa'n Sijwajieti jikawoyek'i'm, 'nakayi ti janiuyeje siunapo i'nio' ti je Judíojos. Awoye 'ate siunie pa'yi ti ajwe'el siunie Sinia' jika'niye, 'nakayi ti janiwojwa'nate siunie Sinia' ji'wajiet ti ikanit'ni, siu'neje ti siojona Sinia' jikimet ti 'es ja'notat.

1 Corintios 12:28

Ti Sinia' iyo ka ine'nik'i siuniwa ji'wetis napo jilis ti yikiajle ni jikijmaye, sekyi'i ti iniajnata napo ti iyojwa'n injlojwajnasa'; tomik'i ti napokaye pet napo injwejlanawos, siunapo ti ijwile pet pijia'm siunie iyo jana Sinia' jikimet, ti ijwijla'm napo i'nio'. Sekyi'i ti tomayik'i pet siunapo inka'neyasajnawos; siunapo ti i'winki'n siuniwa ti je yits'e japa ka jlomaye ka kia'iwo ka ti'wena'ni. Ijia napo 'yijene pi iyone ti ijwiejiete'n napo je isis; ijia napo ip'ilisi'n napo i'nio' Sinia' jilis, sekyi'i iniuyeje; ijia napo iniajnenk'iye napo ijia Sinia' jilis, ti iyoyi pi jikijmaye; ijia napo ti iyoyi siupuwa inamtis ti je tipe'yak.

1 Corintios 16:12

Jlampet siojo sikiecha Apolos, ajloyeta wata'a ka ijno'wase kiu wat pet ka jla'yisa' napo si'lijwas, 'yina je 'yakajli. Je ijiat ka je a'wena'yi ilia'm ka ji'niayi poyeta.

1 Corintios 3:10

'Yina siunie iyo pit ni Sinia' ti sip'elisi'n, ti yikialk'i naka, ti ya'am ti anane ti e'ne janaka 'wuk, kajeyepa ti ya'am ti jiwok'i'm. Sekyi'i ti poye pet siunapo ti 'wanjlik'i isia'm ti iniuyijk'i'm, ti its'iuyeje ti isima. 'Yina siuti po' ni isima pet, 'esiji ka wujwa ka 'ye'en siuti yinata'a.

1 Corintios 3:22

'Wanjliyi ka nakaye Pablo, ka nakaye Apolos, ka nakaye Pedro, ka nakaye ajnat, ka nakaye poli, ka janakaye in'wasankiye, siunie jlaj yi'i ni i'nio', ka nakaye siu'nie jloma, siu'neje niwa jlomas atayeje, 'yina wikie'eyi niwak wask'i'nelaja askijmatis.

1 Corintios 3:7

Ijiate, poyeta siunie 'yut isia'm jana inseliaki, siu'neje ni i'niat isiayits'i'ni, 'yina ti je napoka ka intajle siunie ti ijlias'ni pijia'm jana inwomki, 'wenajliyi jla'am pi Sinia', iyonjliyi jla'am pi iyone ti i'yena.

1 Corintios 9:17

Siut'itie ka yama ka intalk'i siu'nie awoyi ti akijme'n, jlam potie'ne japa ka ikajliji. 'Yina ti jla'am pa Sinia' ti soniti ka iyoyi siunie jikijmaye, jla'yi ti sijliunkine,

2 Corintios 11:23

Sijwajieti jikawos napoka, 'yina kia'awo pit. Ya'm ijiatayi ya'am ti aka'm ape'e, ejlowek siukia awoyi ti ajwe'el 'yiniye pa ti itiej je 'es. 'Yina siunie isijmaye 'yaka'm ape'e ni jikijmaye iyo. Je ijwienjliyi ka je iyi'ni insat jiweje, 'yina kia'iyojliyi naka aka'm ape'e. Siunie tiwonak'i siuti sak'ajak'ni je ijniujliji; siukia tiwonak'i je ijwienjli ka je ijlien'n ajnata'm.

2 Corintios 3:3

'Yina je istie', ti paka Sijwajieti ti 'yiti' pak imp'esinik ti ijliuyets'e'm ka itiunieje napo i'nio'. Je imp'esinik jikie' t'e' paka inkiene ti 'yiti', siojona Sinia' jikimet ti laj jlaja janak isiene. Je janaka 'neje jana sisaj ka tena'a puwa ka inamtisie', 'yina tenaja ni i'nio' jlosik.

2 Corintios 3:6

'Yina ti jla'am pa Sinia' ti kasts'eyasa'n, kajeyepa ti iyo ka iwo jiwosats'e'm siuniwa jlamtis, ti iyo ink'ieye siunie iyot'iyipi. Siuniwa jlamtis siupa iyot'iyipi ti iwiets'ilati, je ka inkio' jilisanikie' ka ne'yi paka imp'esinikie', 'yina 'wenajliyi siunie iyo ni jikijmaye jana jikimet. Siuniwa Sinia' jlamtis 'neje ti yi'i ni inka'neyasajnaye, ti tena'a ni imp'esinik, ijioyiji pet jana 'najlati napo i'nio', jlampet siojona jikimet ti tajle ni Sinia' iyo ji'wasankiyeja' napo i'nio'.

2 Corintios 4:1

Tempi it'imina ti jla'm ani'netiejli, kajeyepa ti kasts'ajane pa awonaja ni jikap'ijliuskiye iyo ni Sinia' ti yikialts'e siunie sikijmaye iyo.

2 Corintios 4:5

Siuti awok samtikie', je sam'ne ka inijwela, 'wenajliyi jla'am ti ajwela pa Sijwajieti Jesús ti jla'am ti Saka'niona. Siuti sa'am ani'wenkina'ase'm ti akawosts'e'm, lapakawo ti yimijnaye e'ne ni Jesús.

2 Corintios 4:7

Siunie ijiate ti laja po', naka ni ajwel'ni ti Sinia' jla'am kiak iyonts'e, ti je kast'o'n, awok'iate niwa i'niat jijwa'al ti isatis. 'Yina nak 'yakajanit ti jla'am pa Sinia' ti tajle nak injweye ti je jlase', je ka sama ka intalts'e.

2 Corintios 5:18

Wikie'eyi niwaka Sinia' jla'am ti ilisane. Jla'am ti kastoni ka ijioki, ka lajak'i pet pa Sijwajieti siupi iyoyi. Sekyi'i ji'lij iwints'e'm ti ijliuyits'e'm ni siunie jikijmaye, ka kia'iwo pet napo i'nio' ka ini'nopijieteje ti jla'am.

2 Corintios 6:1

Ijiatjliyi, siuti sa'am ti anokieje ni Sinia' ni iyo ni jikijmaye, wuj ti anip'elisi'niase, ká akajyina' naka jikap'ijliuskiye iyo ni Sinia', siunie ti yints'e'm.

2 Corintios 6:4

Jak je iyoyiji wikie'eyi siuniwa awoki 'yina je anijwekieje ti sa'am ti Sinia' jikawosts'e'm, ti awaki' naka siwet'ia. 'Yina je kasjlak'alk'i wita'm, ni'ne ti lajk'ipa ka'wina, siu'neje ti je 'yakajata paka iyoki,

Efesios 3:7

Siuti ya'am je ani'nojonit'i siu'nie awoyi ti anoyeje pi Sinia', ti ajwel niwa jlamtis, 'yina ti jlam ti jijweye po' it'iminayi pet ti akajli ti awoyi.

Colosenses 1:23

Jak je iyoyiji je 'esiji ka leyeyi siunie astankiujnieye ti 'es; ká anitajlina', nit'onitie pijia'm, ká alanayi wita'm siojona asnejejwiye ti tajle pak Sinia' jika'niye ti pajk'i ti jipe'yaye. 'Yina siunie inka'niye itij'w ape'e 'ni ajnat ti tijwela, siuti ya'am ti Pablok'i'm, ya'am ti Sinia' jikawok'i'm.

Colosenses 1:25

'Yina Sinia' siwojwa'n aswoye ka iniuye'ase'm jla'yi ti jitiej iyomk'i'm ka iyoyi ni siunie jikijmaye ka ijwi'lase'm ni jika'niye ka i'nesieyi, iyo siunie awone ti jajnol'ne wita'm.

1 Timoteo 1:12

Inikanitiejeye ekiajle pi Saka'niona Jesús ti Sijwajieti, jla'am ti iyo ijwiyeja', jla'am ti 'yujwanitk'i'm ka sejni ni isijmaye iyo.

1 Pedro 4:10

Siuti asa'am ti Sinia' iyo jiwosa' niwaka ti iyo ji'wajietisa' napo, kijmanayiji'n pet niwaka, ja 'nakaye ti ja 'esieyi pet ni akiecha siupi Sinia' iwi'na'm pet. 'Yina ti ijwienjli je k'iejliyik'i siuniwa Sinia' yikiaj'lase injweyejes.