1 Corintios 3:23 - Sinia' Jlamtis 1994

²³ Jlampet ti asa'am nak Sijwajieti ti jikimet'ase'm, jlampet ni Sijwajieti Sinia' jikimet pet.

1 Corintios 3:23 ပူးပေါင်းရင်းမြစ်များ

Mateo 17:5

Jet'i ilitiejepe ti tamti'ni ja Pedro, jlam nesi'liet'iyijpe siojopa poli ti wuj ti 'es, japak ip'ionayi siupi yiyits'i. Sek toma'a pak ina'lap ti iyo'ate: —'Nak yas ti wuj ti emi'n, wuj ti ts'ajka'a. K'iuyeyi.

Juan 17:18

Ya'am ajloyi napok i'nio' yi'i 'ni ajnat, janwo'ate awoyi, ti a'm sijliu' ajnat'e jikiowe'e napoka.

Juan 17:21

'Ajlajap'a Inia' ka ijiatayiji ka iniwo'om, sekjane'yi ti ja kasjwanjli ti janiwomaja pet, janwoyena'a 'ate pet ti a'am jle' ijiap, jlam pet ti ya'am a'yajap. Siupi jitienkiujnieye jla'yi siupi janwoyisi janjwanjli, ja'nakayeyijna'a siunapo i'nio' yi' ape'e 'ni ajnat ja ke sakakiu ti ijiate, ti am ti sijliu'.

Romanos 14:8

Kajeyepa ti siuti kas'wasajne'n nak atajietajape ni Saka'niona ka iyunitie. Siuti kasts'ajle'n kia'iyojliyi, atayeje pet ni Saka'niona ka iyunitie. Jak je iyoyiji siuti si'wasankiye jla'yi ti saj po', 'yaka ti nak atajlaja ni Sinia'.

1 Corintios 11:3

'Yina siunie ti awotajank'iye pet ka 'najanayi ti siunie Sijwajieti naka ni jletik ni i'nio', na ayinie jlam ti jik'iemjla jletik, 'yina jlampet siunie Sinia' naka pet ni Sijwajieti jletik.

1 Corintios 15:23

'Yina jansesk'i siunie janwoyi niwaka. Siunie iniane paka Sijwajieti; siunie tomik'i naka ti Sijwajieti janapimet, sekyi'i napokaye pet siunapo jika kia'lis jla'am.

1 Corintios 15:28

Siuka kia' iwotajanie'e ka pajlatatajna'a niwa wask'i'nelaja ka ine kiajwe ni Sijwajieti, sekjane'yi siunie Sijwajieti, ti Jla'am ti Sinia' Jlas, jlama ti ja'no kiajwe ni Sinia', jlam ti yin kiajwe wikie'eyi niwa wask'i'nelaja. Sekjane'yi ka ijiatayijijna'a ka ijnok'i ti jla'am ti jikijmatis.

1 Corintios 7:22

Kajeyepa siunie i'nio' ti je t'ekijyi siunie ti iyo inkipinikie' ti Sinia' tanat'iyipi, nak 'yiniye pet ka je inkipinikie', siunie ti iyoyi niwa Sinia' jlamtis, kajeyepa Sinia' ijwiejiete. Jlampet siunie ti je yi' kiajwe paka jika anechiyasa', ti Saka'niona tanat'iyipi, Sijwajieti iyo pet jikipinikie'.

1 Corintios 8:6

'yina ijwienjli jla'am ni Ina'a ti Sinia', jla'yi ti jitis wikie'eyi niwa wask'i'nelaja, jlampet ti sa'am jikawosts'e'm jiwek pet. Jla'yi ti ijwienjli ni Saka'niona, naka ni Sijwajieti Jesús, 'yina nak jitis wikie'eyi niwa wask'i'nelaja, jla'yi ti sa'am kia'iyo naka ti sitis.

2 Corintios 10:7

Awo'ate, 'yena niwa siuniwa wask'i'nelaja 'yaka 'nakayi. Siunie i'nio' ijwil ka ijiatayi ka inoyeje pa Sijwajieti, 'esiji ka jitiej inene 'ate ti siuti sa'am, sam'neje ti anokieje ni Sijwajieti.

Gálatas 3:29

Jak je iyoyiji, siuti nak jitiajlayi ni Sijwajieti, je kast'ayiji'n pet ti asa'am ti jitiajlajia'm siupapo Abraham jilis t'ipi, asa'am ti tijna'yase'm siunie Sinia' ijwi'il.

Gálatas 5:24

Siunapo Sijwajieti Jesús jikawos pet, napoka ti pajk'i ti its'iejwatis pijia'm niwaka siuniwa jikeyis ji'yusis, siu'neje niwa iyoyisi ti itiliajasi ti wuj ti je isis.

Efesios 1:10

Siuka netiejenie'e janak jloma, Sinia' pajk'i ti yikiajle pi Sijwajieti ti ja nakaye ti janiojokiji wikie'eyi siuniwa yi' poliyi, jla'yi ti sa'am ti awak'i 'ni ajnat, kajeyepa ti ja jlama ti ja kas'ye'en.