1 Corintios 3:16 - Sinia' Jlamtis 1994

¹⁶ ¿Jet'i 'najanayi paka wonayiji ti asa'am ti Sinia' ji'wuk'iase'm, jla'yi ti siojona jikimet yi' aswa'am?

1 Corintios 3:16 ပူးပေါင်းရင်းမြစ်များ

Romanos 6:16

Jlam'ne 'najanayi ti siuti jininekiajlayi pa yi'i pa, 'yina jiwoyeyi siupa iyo ka woyeyi, kajeyepa ti jikipinik'ia'm, 'yina ti jik'iuye siupa ijliuye'a'm. 'Yina kiak iyoyiyi pet siu'nie ti jik'iuye naka inke' ijnoyeyiji jana 'najlati, jlam'ne pet ka k'iuyeyi ni Sinia' siunie iyo ka woyi nakata pet ka ijnajietajyi.

Romanos 6:3

Inkiwaliyet'i'yi ti siuti ani'nopijietajayiji pit pi Sijwajieti Jesús ti aninajienajape, siliaye iniuk'i wita'm ti ajoki pet ni jiliaye iyo ti tiliana.

Romanos 8:11

Siuti siojona Sinia' jikimet siojona ti iniujwa'n kisie'e pa Jesús jane aswa'm, janaka'ne jana ti janekial pijia'm niwak 'assienis ti je t'o'n, kajeyepa ti janakaye jla'am siojona Sinia' jikimet ti yi' aswa'm.

Romanos 8:9

Jlampet ti asa'am ti jiliyeyi siunie ti jiwoyeyi siunie ti inteliajayi kajeyepa ti janakata siojona Sinia' jikimet ti it'imina ti jik'iuyeyi siunie iyo ka woyi, siuti ja ijiatayi ka siojona Sinia' jikimet ine'yasap. Siunie ti lajk'ipa siojona Sinia' jikimet ka inejyi je naka Sijwajieti Jesús ka intajle.

1 Corintios 3:17

Siuti po' ni initiajnate'n janak 'wuk, ti Sinia' ji'wuk, Sinia' jajlama pet ti jan'ye'en siupa janwone. Kajeyepa ti Sinia' siojona ji'wuk ijiate ti 'es, janaka jana 'wuk siojona ti ajwe'el, je 'wenayi paka ijwi'il kaswikie'eyi ti sa'am.

1 Corintios 3:9

Siuti ya'am siu'neje napo iniuyijk'im'ni, sikijmaye je 'wena ti anokieje ni Sinia'. Jlampet ti asa'am, asa'am siunie Sinia' jlak ji'wet siunie isi'meje'n, siu'neje ti asa'am siojona 'wuk ti je iliyi ti ilisane.

1 Corintios 5:6

Je 'es ka aniwunitie ape'e niwak kia'iyo. Je iyo'ate ka je 'najanayi siunie ti iyo'ate, “Siunie inwakiwa mak ti tilisanaje, 'wanjliyi ka jwamjla'aja ni siunie jijlinkit ka titietajaja, je iyojliyi ti ijliasat pijia'm.”

1 Corintios 6:16

¿Jet'i 'najanayi ti siunie i'nio' ti isienata'a janak i'nioki ti ijiuski'la'n, sekyi'i ti ts'ijiye ijwienjliyik'i ni siunie t'ajwes? 'Yina siuniwa Sinia' jlamtis iyo'ate, “Siunapo times 'yiniyijna'a ka injwanjli ni i'nio'.”

1 Corintios 6:19

¿Jet'i 'najanayi paka awonayi ti siojona Sinia' jikimet ti 'es ti iwi'nase'm ni Sinia', janak ji'wet niwa 'assienis, jla'yi ti yi' aswa'am janaka Sinia' jikimet? 'Yina je askimet siojona as'wasankiye ti yi'ase.

1 Corintios 6:9

¿Jet'i 'najanayi paka wonayi ti siunapo i'nio' ti iyoyi ni je 'es, je 'yu'we kanejyi siunie Sinia' jika anechijiayas? Ká anik'emijietayi naka, jlam'ne siunapo iyoyi naka, ti 'yuyijk'i'ni napo ijiajwa'yis, siu'neje napo jitiej iyoma siuniwa iyo jika diosisa', siu'neje napo ti ijioyijin'ni japa ti je k'iemjla, siu'neje napo ti iyoyi ni siunie ti wuj ti je 'es ti ayijniesk'i wita'm,

1 Corintios 9:13

'Najanayi pi jiwonayi siunapo i'nio' ti isijme'n kiajwe jana 'najla'wet ti yi' Jerusalenne, 'esi pet siuniwa yi' kiajwe. Ajwel siunapo i'yena jana altar, tenaja'a'ni ni k'iejliyi ti tiwunie k'iye pa Sinia' pak 'esi papo sek isi'meje'n, ti itiujw pet pa t'isie'n pa k'iejliyi ti tisiniana.

1 Corintios 9:24

'Najanayi pi jiwonayi siunapo i'nio' inito'om, ijiate ti wikie'eyi ti t'osi'ni, 'yina je wikie'eyi ka tiwenaja'm siojona jankajli ni siunie ja ke titieyeje. Ijwienjli jla'am siunie ti pansa, ti 'yakaj ti 'yaka'm ape'e napo ijia, nak ja tiwenaja'm jana siojona tena ajnat'e k'iye. Jak je iyoyiji ti kiak awo'nase, kiak niwonayiji, woye ayijniesa' ti ja 'osiye'ni, ja 'nakayeyijna'a ti ja akajlajyi siojona tena ajnat'e ask'ioye.

2 Corintios 6:16

¿Ma 'est'iyiji ka injwel ka ijnol wita'm pa ka woyisi niwaka Sinia' ji'wuk siu'neje niwa jitiej iyoma napo i'nio? Iyo niwa Sinia' jlamtis ti iyo'ate ti kasjwel ti sa'am ti ji'wukts'e'm siunie Sinia' ti je paj ka 'na'al: “Jayoyi i'witaje jlamis, sek jayi'i jayikiajli'ni. Ja yama ti ja Jiniayeyisk'i'm, sek jayi'i jayo ika kia'lisa'.”

1 Timoteo 3:15

kajeyepa 'lojwinie'e ka je simajli. 'Yina je sikiwit'a'm siunie iyo ni sikijmaye, ti Sinia' ji'wet jlelets'e'm, ka iyot'e 'ate, Sinia' ti je paj ka netia'n jilis. Jlam ti yints'e'm ka 'yitie pijia'm naka ni siunie ijiatk'i jla'yi ti akiejek'i ape'e.

2 Timoteo 1:14

Po' siojona jikimet ti 'es ti tajle pi Sinia' ti janoye'a'm. Lesaniji naka ni 'es ti tekiajla'a.

Hebreos 3:6

'Yina Sijwajieti, ti jla'am ti Sinia' jlas, je tiwonajataja jla'am jiwek k'iye siunapo ji'wet jlele ni Sinia', ajwe'el ti sa'am, ka je initiajnata siunie ti je anikiwita, siu'neje na ka ini'netie, 'yaka po' siunie sinijijwiye ti yits'e.

Santiago 4:4

¡Ijiate wat ti asa'am ti je insisiek'iye ni Sinia'! ¿Jet'i 'najanayi ti siunie itiliaja niwak wask'i'nelaja yi'i 'ni ajnat teje'yi ilia'm ni Sinia'? Siuti po' ni iyo ka t'ajajnajwaye 'ni ajnat nak iyo pet ka inta'yi ilia'm pi Sinia'.

1 Pedro 2:5

Kiak woyeyi pit ti asa'am, niwojwana sisajasa siuniwa ajwel'ni, 'nakayi ti Sinia' janwo'ase ji'wukie. Jla'yi ti asama siunapo isis pa'yijis, jak je iyoyiji siuniwa jawoyeyi ti jawunitie, jawoyena'a 'ate siuniwa ti k'iejliyi ti tilianaja'n ti tekiajlaja pa Sinia' ti tiwoki ji'wajieta'. 'Yina Sinia' ja inkaja'a pet siunie jawonayi ti jawunitie, ti jantajla'm ni askiowe, 'yina ti po' pa Sijwajieti Jesús ti pak insisieyi.

1 Jn 4:12

Sinia' je ti'wenajata ka paja. Lapajawo siuti janinemina, Sinia' yi siwa'm, 'yakaj siunie jlemijnaye ti yi siwa'm.