1 Corintios 2:14 - Sinia' Jlamtis 1994

¹⁴ Jlampet siunapo i'nio' janaka jana Sinia' jikimet ti je yiji, kajeyepa ti je isimits'i ilia'm, je itiant'iejesi. Sekyi'i iyoyets'i 'ate, “Je 'es. Laj lajaye.” Je itijnisisk'i siunie iyoyi, jak je iyoyiji ti ijwi'il kan'yenis, je 'yijenisi paka inwonisi ka injwelis ka inka'yejnajne'n.

1 Corintios 2:14 ပူးပေါင်းရင်းမြစ်များ

Mateo 16:23

Sekyi'i Jesús tejeye ilia'm, ti iyone 'ate: —¡Talk'i'm sitiejiejwa imosik, ká atomi'ni ijyik'i! A'm, ti atankiujnieye je wone 'ate siunie Inia' jitienkiujnieye iyo, najata jla'am ni jitienkiujnieye ni i'nio'.

Juan 10:20

'Loj japo iyo'ate: —¿Yot'iyi'ni ti jik'iuyeyi, ti imosik yiji, jitiej je 'es?

Juan 12:37

'Yakajlitieje ja Jesús ti i'winkinataja siukiwa iyo pi jijweye ti yisi'liete japo i'nio', 'yina lapawo ti 'yakakiuyis.

Juan 14:26

Lapajawo ti japoye janak Sinia' jikimet ti 'es, ti asp'ot, ti Inia' janjlo'wase ti ja setijnape. Janoye'ase'm ka astaj wujwak'i wikie'eyi siuniwa awo'nase, siu'neje ti janaka ti ja'neyasana.

Juan 15:26

“Je ijiat ka je i'nes siojona asp'ota ti ijiate jlam ti Sinia' jikimet ti jajliu', ti jantajle ni Inia'. Janaka'ne ti ja sijwe'el.

Juan 5:44

¿Tepa t'e jawo ka je sakakiuye siunie ajwe'el, ti asama'yasa'm ti jininekiajlayi ti jiniwunitie, jlam'ne ka woyejyi'n jla'am ka ijnonitie' pi Sinia' ti pakata?

Juan 8:43

¿Yot'iyi'ni ti kiak iyo ti je woyeyi ka intant'iejayi siukia awo? 'Nakayi jla'am ti je woyeyi ka ak'iuyeyi niwa yamtis.

Hechos 16:14

Jakayi'ne siujlieja i'nioki jle' iyo'ate Lidia, Tiatira jleliki, iwin'ni niwa lotakijnies siuniwa isis ti lasasi'ni wat ape'e. Itienkiuni pa Sinia' jlajaka, 'yina its'iuye'ni ja Pablo ti tamti ti iyo jlamtikie', sekyi'i isim'ne ilia'm, jla'yi ti 'yajlinitk'iye siupa Sinia' iyoneje.

Hechos 17:18

Siunapo i'nio' 'yijejne'n jle' iyo'ate Epicúreos siu'neje papo Estóicos sek inita'a ti ijioyisi ja Pablo. Tom ts'iji pa iyo'ate, ti iliakiyis: —¿Tempi'ne pi ijwil'ni siunie amtijieta? Iyo'ate papo ijia: —Ijwilt'e ape'e napo i'nio' siupa dios 'wenayi. Ji'lij kia'iyonisi, kajeyepa ti Pablo ti iyoyetaja jlamtikie', ijwil pa Jesús, jla'yi ki iyo ni a'no', ti janapits'i pijia'm siunapo 'yajle'n ti yiji.

Hechos 17:32

Ti tipe'yakie ti yiyiji ki iyo na i'nio' ti janapi pijia'm, sekyi'i ti iliakiyeyis'ni. Ijia papo iyo'ate: —'Esiji, je ijiat ka je ipi'yakna'aja ka ekialtaja'ana'aja ka netie'e pa jlomaye.

Hechos 18:15

'Yina ti inamtis jiwekie'e, jla'yi niwa inkeyis, siu'neje niwa aska'neyasajnayejes, it'imina siunie jiwoyeyi ti asamtis 'loj, 'yena'yasa'm. Je ani'noti 'niwaka. ¡Maye'ni!

Hechos 25:19

Najata jla'am siunie jika'neyasajnayejes iyo ti yiyisiji ti ijwil ka intajlatisie, ti ijwi'il siupa Jesús t'ipi ti 'ya'al, 'yina Pablo ijwi'il ti 'wasa'n paka 'nakayi. Kiajata jla'am itiajlatisie ja Pablo.

1 Corintios 1:18

Siunapo i'nio' ijioyi ti janetia'n, napoka napo ijwi'il ka laja lajaye siuniwa Sinia' jlamtis ti ijwi'il ni Sijwajieti jiliaye iyo ti yi' ape'e japa cruz. 'Yina jlampet ti sa'am ti atayeje jana sijwajieti, kasts'ajane ti siuniwa Sinia' jlamtis naka jijweye jla'am.

1 Corintios 1:21

Kajeyepa siunie Sinia' ti 'yije'en, iyonayi ni iyone ti ijiate ti je yimink'i napo 'yijejne'n siunie iyo ni 'yijenisi pet, ka siunapo i'nio' yi' ape'e 'ni ajnat ka je 'najanisi, 'wanjliyi kan'wenis. 'Yina napokataja jla'am siunapo je takakiunisi niwa jlamtis ti iyo jlosik ink'ieye, ti je ijiulsijna'm ka 'esieyi niwaka jlamtis, 'nakayi ti janjwajyi'n, 'wanjliyi ka kia'iwo napo i'nio' ka je iwo lajaye naka inamtik.

1 Corintios 1:23

jlampet ti sa'am awoki samtikie' naka ni siunie Injwajieti ti Sinia' jijliujwanik ti tena'a pijia'm japa cruz. Naka'ne ti siunapo Judíojos ti ijwi'il ikajyi'n ni jitienkiujnieye ti 'es, siunapo ijia i'nio' iyoyits'i 'ate, “Ijiat ti jiniliaki naka.”

1 Corintios 1:25

Siunie iyo pit ni Sinia', ti po' siunie ti 'yiniye ka laja lajaye, nak jla'm ijiate ti 'yaka'm ape'e ni iyo ni jika 'najankijnieye ni i'nio'. Siu'neje ni iyo ni Sinia', ti 'yiniye ka laja jijweyeja', jlam'ne ni iyo ti 'yaka'm ape'e ni jijweye ni i'nio'.

1 Corintios 15:44

Siunie tip'ona'a ti inlesanik; ti jano kisie'e Sinia' jikimet japak jawo ji'wasankiye pet. Siuti po' siunie jiwats'o, 'yina kia'iyo po' siunie ink'ie' ti tajli pet janak Sinia' jikimet.

1 Corintios 15:46

'Yina je ka nakaye ka ina'an siunie inlesanik ti tajle janak Sinia' jikimet. Siunie inia'an naka siunie inlesanik ti jiwats'o. Sekyi'i ti nama pet siunie inlesanik ti tajle pet jana Sinia' jikimet.

1 Corintios 2:12

Jlampet ti sa'am, Sinia' siojona iwints'e'm jikimet, je nak ka intajle ni ajnat, lapakawo ti iyo ka kastant'ieje siunie jikap'ijliuskiye ti wuj ti 'es, jak je iyoyiji ti a'wena niwa wask'i'nelaja.

1 Corintios 3:1

I'lijwas, ijiate ti je 'esiji ka iyone 'ate siunapo i'nio' ti Sinia' jikimet t'eyasajnas, ti amtiyeta'asempe. Tepa jawo ka kiak je iwo ti je liyeyi ti jikiniets'i siunie iyo ni yi' ape'e 'ni ajnat. Jlampet siunie astankiujnieye ti jlena'yi pi Sijwajieti, iyoye'ate napo kia'lis pi jitienkiujnieye ti potie ti je 'esijiyi.

Santiago 3:15

Kajeyepa siunie 'najankijnieye ti kia'iyo, je tal Siniayi. Tajle ni i'nio' ni jitienkiujnieye jla'yi ti tajle jla'am ni imosik.

1 Jn 2:20

Lapakawo ti Sijwajieti pajk'i ti iwi'nase'm jana Sinia' jikimet ti 'es it'imina ti ajosik jitieja.

1 Jn 2:27

Pajk'i ala ti yi'ase siojona Sinia' jikimet tajle pi Sijwajieti ti iwi'nase'm. Ja ke injwesiejayiji'n pa ka i'neyasana ja k'iejliyeyipe siupi jawoyeyi, lapawo ti po'o janak Sinia' jikimet ti janoye'ase'm. Siunie ja'neyasanayi, naka ni ijiatk'i, jlam je iyo ti 'es. Ká aleyeyi siunie jiniwonayi ti injwanjliyeyik'i'ni pi Sijwajieti, siunie iyo ti 'neyasanayi jana Sinia' jikimet.

1 Jn 5:20

Siunie ti 'nes t'ipi pi Sinia' jlas, ti kastant'iejeniti pi Sinia' ti ijiate jla'am ti Sinia' kiak iyojliyi. Kasjwanjliyik'i siunie ti ijiate, ajwe'el ni jlas Sijwajieti Jesús. Jla'am ijiate jla'am ti Sinia', siu'neje ti in'wasankiye ti t'o'n.

Judas 1:19

'Yina napoka siunapo ti itiejietk'i wita'm napo Sinia' jilis, yamk'i pet siunie t'isie'n jikijmaye, jak je iyoyiji pet siojona Sinia' jikimet ti 'es lajk'i japa ka ineyi.