1 Corintios 2:10 - Sinia' Jlamtis 1994

¹⁰ 'Niwaka'ne siuniwa ti Sinia' iyo ka kastant'ieje, 'yina ijiatjliyi kastant'ieje'ne. Lapakawo ti po' siojona jikimet janaka'ne ti i'ye'en niwaka, wikie'eyi niwa wask'i'nelaja, 'wanjliyi ka kia'iwo ka poye siunie yiyi ni Sinia' ka ijiatayi ka instayiji.

1 Corintios 2:10 ပူးပေါင်းရင်းမြစ်များ

Mateo 13:11

'Yina isiujlie japo ti iyo'ate: —Ti asa'am, Sinia' i'winki'nase'm ka intant'iejayi siuniwa yiji pet ni jika anechijiayas. Jlampet siunapo 'wenayi, Sinia' je iwijna'm ka 'najane niwaka.

Mateo 16:17

Jesús sekyi'i ti kiak iyoyeyi: —¡Sinia' jikap'ijliuskiye ti 'es siunie yi'a, a'am Simón, Jonás jlas! Kajeyepa ti lajk'ipa ka jikiechaye i'nioye ka in'wenki'na'm naka, ijwienjli jla'am ni Inia' ti yi' poliyi ti i'winki'na'm.

Lucas 10:21

Pakat'iyijpe ti Jesús wuj ti inkaj'ni, ka lajak'i ki iyo japa Sinia' jikimet ti 'es, ti iyoyet'ipi 'ate: —Awunit Inia' ti poli jla'yi 'ni ajnat jika'niona'a'm. Ji'wenkijna'm siunapo lajk'iyi pa kawo, ti je 'yijejne'n. Siuniwa wask'i'nelaja jijwekia'm napo i'nio 'yijejne'n, siu'neje napo i'nio 'yijen jlosiki. Ijiate 'ni Inia', kajeyepa ti jlam kiak jiwont'iyipi ka kiak inwoyi.

Lucas 2:26

ti iyone'ate ti ijwijla'm: —Siuti atate je i'winjli'ijyi siunie Injwajietiye ti Sinia' janjlo', ja ke i'nal kiu', jla'm ijiatena'a ka'wenta, jiwekie'ajana'a ka inetia'n pet.

Juan 14:26

Lapajawo ti japoye janak Sinia' jikimet ti 'es, ti asp'ot, ti Inia' janjlo'wase ti ja setijnape. Janoye'ase'm ka astaj wujwak'i wikie'eyi siuniwa awo'nase, siu'neje ti janaka ti ja'neyasana.

Juan 16:13

Jlam ijiate ka 'nesta janaka ti ijiateje ti Sinia' jikimet ti 'es, janak ja into'nase siunie ki iyo ni ijiatk'i. 'Yina ja ke jlama ka jlamtisa' siunie jawo, janjwel pet siunie iyo ni ipi'yayi, ja'najanki'nase ta'a siunie jawo puwa ja'wena' ts'ijiye.

1 Corintios 14:30

Jlampet siuti japoye siunie ti Sinia' jan'wenkina yijin'ni ts'e jikiowe'e papo ijia, 'yina siunie inia'an ti tamti ka inleyi kiu', sekjane'yi ka inenayijna 'ate siupa Sinia' po' pa i'winkina.

1 Corintios 2:11

'Yina awo'ate, ¿tepat'i yi'i pa ti 'yijene iyone napo i'nio' pi yiyi? Ijwienjli jla'am ni jlosik ni i'nio' ti 'yijene pi iyone. 'Yina kiak iyoyiyi pit naka, ti Sinia' jikimet 'yijene pi iyone siuniwa yiyi ni Sinia'.

Gálatas 1:12

Je atajleje paka ne'yi paka i'nioye ka ts'eyasane, 'yina Sijwajieti Jesús jla'am ti tajle it'imina ti sitiant'ieje.

Efesios 3:3

Sinia' 'yakajanitie siunie ti je iyo ka nen kisie'e, ti iyo ka woyi, sekyi'i ijwilk'i'm kats'ajane pet paka iyone, iyo siukia yiji ja jikiecha ip'isinik, ti jwamjla'a ti amtitieje.

Efesios 3:5

Ti pajk'i Sinia' je iyo ka ti'niejenaja. Siu'nie iyo 'nakayi 'yakajanitieja'm napo jijliujwajnas, siu'neje napo jijwejlanawos napo isis, 'yina ti po' jana jikimet ti iniuyeje.

1 Timoteo 4:1

'Yakajk'i ki iyo jana Sinia' jikimet ti 'es, ts'iji jlomas niwa tome jlaja japoye siunapo janleyi ni inamtik, ja 'wenajliyeyi jlam ti janeki ki iyo niwaka siuniwa imose'l, ti jank'emijietk'i napo, jla'yi ti janeki ki iyo siunie t'eyasajnaye niwaka.

1 Pedro 1:12

'Yina siupa ti iyoyisi jlamtikie', Sinia' ijwijla'm ti je jlamis ka ijna'yi, 'wenajlit'iyijpe ti asa'am ti tijna'yase'm ka insisieyi. 'Yina 'naka'ne siu'nie tijwela'ase ni Sinia' jika'niye ti 'es, ti iyot'iyisijpe jlamtikie' papoka ti Sinia' jikimet ti 'es jijweye yijap, ti tal poliyi. ¡Niwaka'ne siunapo injlojwajnas poli jlele ijialasista pet kan'wenis!

1 Jn 2:20

Lapakawo ti Sijwajieti pajk'i ti iwi'nase'm jana Sinia' jikimet ti 'es it'imina ti ajosik jitieja.

1 Jn 2:27

Pajk'i ala ti yi'ase siojona Sinia' jikimet tajle pi Sijwajieti ti iwi'nase'm. Ja ke injwesiejayiji'n pa ka i'neyasana ja k'iejliyeyipe siupi jawoyeyi, lapawo ti po'o janak Sinia' jikimet ti janoye'ase'm. Siunie ja'neyasanayi, naka ni ijiatk'i, jlam je iyo ti 'es. Ká aleyeyi siunie jiniwonayi ti injwanjliyeyik'i'ni pi Sijwajieti, siunie iyo ti 'neyasanayi jana Sinia' jikimet.

Apocalipsis 1:1

'Nak siu'nie Sinia' iwijna'm pa Sijwajieti Jesús kanjwejla'm pet siupapo jikawos siuniwa wask'i'nelaja ti ja ke pajayi wat ka 'nakajana'a. Sijwajieti Jesús kiak iyone ti 'yakajanitie, pakayi ti ijliuyi pa Juan siupi jijliujwanik poli jlele kan'wenkijna'm.

Apocalipsis 2:24

“Jlampet ti asa'am pa inojwajia'm pet ti jleye'yi janak Tiatira je jlekiets'i nak jika'neyasajnaye janak Jezabel, 'yina ti kia'iyo ti je intant'iejayi siuniwa ijwilis ti jlameje ti tajle ni sitiejiejwa imosik, 'yina ajwe'lase'm ti lajk'ipa jikiechaye ka itilki'nase ka 'yijie'nase'm 'etsaka. Najata jla'am ti awotajank'iye ka 'otatiji ni siunie yi'a, paj ka neyeyinie'e siojona jloma ti ja'nis ti jayapimet.