1 Corintios 16:6 - Sinia' Jlamtis 1994

⁶ Je 'yaka'aja ajwelta ka 'nak nojwaja'm jiwek puwa jlomas ka yi' asap, ni'ne ka ijniujlietk'i pet siunie ti wi'yitiepata, 'nakayeyi ti janoyeyijk'i'm siupa jatiejyi ka yiktiejna'a.

1 Corintios 16:6 ပူးပေါင်းရင်းမြစ်များ

Hechos 15:3

Sinia' jilis siojopo yiji jlaja Antioquía japok ijliu' japo Pablo. Iniuyeyits'i jawa ajnatis Fenicia, siu'neje jlaja Samaria, ti ijwilk'i papo siupa iyo papo je Judíojos, ti iyo jlosikis ink'iejyisa'. Wuj ti inkase'n japo i'nio' Sinia' jilis ti 'yijenayi pi iyone.

Hechos 17:15

Pablo jla'yis po', je iyo ka leyisk'i, paj ti yiyeyis Aténasse, siojopa isi' wuj. Paj ti yapilieyi ts'iji Beréaja, yamisi siupa ji'lij ja Pablo ti ijliuye ja Silas jla'yi ja Timoteo ti iyo'ate: —Ká apajanitiek'inie'e ka joyek'i.

Hechos 20:38

Pak ilia'an japo ti jitiej yinisi'ni 'ate siupa Pablo 'lij ti iyo'ate, “Ka pajana'a ka si'wena'.” Sekyi'i yamayisik'i ti ijioyeyi jlaja kasejkana.

Hechos 21:5

Ti awakiek'i siukiwa jlomas aninenaja, sekyi'i ti akinieja'ni ti jatiajlaja japo si'lijwas. Pajlat ti namisek'i kisie'e jlaja isi', jijwa'yis namisik'i pet, jilis kia'iyojliyi. Ti awakie jikiuts'i ja i'niat lajlik'i, sek awak'i ti ts'akosjlete'l ateyejayijk'iji'n, ti awok ts'ajlayeja', kaswikie'eyi ti awok ts'ajlayeja'.

Hechos 27:12

Je 'esiji jla'am ti je 'ejts'i paka ne'yi jlaja kasejkana ka iyajapa siojokia jloma ti wi'yitip. Po' japo ijia siojopo jiwos jlaja kasejkana, iyo'ate: —Naja'ni wekie'e, jajyijlitaja samk'emna'a ka iwieki jlaja Fenice, ka techajatajanna'a. Fenice jlajak kasejkanayis jlajapa 'wet yiji jlaja isi' jle' iyo'ate Creta, siujlieja i'niat itijwape'n. Tejejia'm wata'a 'niji iniwuki, wikinaja wata'a 'neje.

Romanos 15:24

'Nakayi siu'nie isiowe awone awo'ate, “Ka ijiotajna'a Espáñaja, 'nakt'e ja'yakajli'ni ka ijiuti astepe'e ka ijioyi japo yi' Rómaja.” 'Yina siuti kia'iyo awojonk'iye ka yi' aska kiowe'e, ajwel'ni ja'yenak'i'm siupa jasitia'n ka sek itialta'ana'a.

1 Corintios 16:11

Je 'es ka je a'yenajyi'n. Noyeyeje siuti t'iskiunietaja'n, ja'nakayeyi ti ja ke inwo jijliak'aliye pi ji'niayi, 'nakayi ti jankajli ka ijnok'i. Kastejlajan'n k'iye napo si'lijwas ijia.

2 Corintios 1:16

Siunie awotajapi ka iyoyi, ka ijio 'niji Macedóniaja, sekyi'i ka 'yuyetaja astepe'e ka yapimet. Ka noyeyetajak'i'm siupa ka k'iejliyeyi ka isitia'n, ti jajio 'niji Judéaja.

Tito 3:12

Siuka nak ijliutiejenie'e 'ni Artemas jane'yi pa, ni'ne ka 'nakaye Tíquico, ke int'o'nina'a. Jlam woni'ni 'ate ka na'am 'yenk'i siunie'e, ti jayi ts'iji yi'i jlaja ajnat Nicópolis, 'yina ti sek awotaja ka yiji ka wi'yitipata.