1 Corintios 16:13 - Sinia' Jlamtis 1994

¹³ I'lijwas, asosik enatiejyits'i'ni, ke ink'asayik'i pijia'm ki iyo ni siunie astankiujnieye. Jwajla'a paka woyeyi, ká asa isia'm.

1 Corintios 16:13 ပူးပေါင်းရင်းမြစ်များ

Mateo 25:13

Jesús yine'ne ape'e ti tamti ti iyo'ate: —It'imina ti kiak jayo'nase, ká anikiwalinitie, 'yina ti je 'najanayi siojopa jika jlomaye, tiwet'ianaja ka japakataja wek japa inetitinki ka 'najanayi paka wonayi.

Mateo 26:41

Jwajla'a paka woyeyi, ká amayets'iji'n ja 'nakayeyijna'a ti ja ke injlana'ni ni inkajejlasaye. Ts'ajane pi awone ti jlajlasa ka awoyeyi niwa yamtis, ijiatjliyi je sikiwita siunie asosik jiwonayi ti 'es, 'yina 'nakayi jla'am niwa 'asjwes iyoyi, ti je jitiuma'yi ilia'm naka ti sikiwit'ase'm.

Lucas 21:36

Ká anikiwalinitie, 'wenajliyi ka awoye asts'ajlayeja' tejwa niwa jlomas, 'nakayeyijna'a ti asjweye japoye, jla'yi ti jajwayejyi wikie'eyi niwaka ajwel'ni ja'wena', jant'emina'a ka akajlayi ka aye jitieyi'i ni I'nio' Jlas.”

1 Corintios 14:20

I'lijwas, jlampet siunie jawoyeyi ape'e niwaka, ká awoye 'ate iyo napo kia'lis ni iyo ni jlosik. Jlampet siunie je 'es, jla'm ijiate jla'am ka kiak aniwonayiji ni jlosik iyo napo kia'lis. 'Yina siunie asosik wonayi'ate napo isijlijyi'n.

1 Corintios 15:58

I'lijwas ti yimijna'yase'm, tempi it'imina ti kiak awo'nase, 'esiji ka kiajatajak'i'ni niwa jlomas ti jawoyeyi ká aleyeyi, ja kat'ajayi pet ti jani'netie'yi siunie ti jiniuyeyeje ni Saka'niona. Jlam'ne 'najanayi pi jiwonayi siunie askijmaye ti jiwoyeyi ti asa'am ti Sinia' jilists'ase'm ti je wekie'e, laja po'.

2 Corintios 1:24

Je ka iyo ka itiumayi'ni asek'i, siupa ka woyeyi ka ijiatayi ka tankiunieyi. Jlajmiliet ti je ink'asayik'i siunie ti jiwoyeyi ni astankiujniejeye ti 'es, kajeyepa ti pajk'i ti jiwoyeyi. Lapakawo ti awotaja ka iniuye'ase'm, ka asnikanitieyi poye pet.

Gálatas 5:1

Sijwajieti jlam ti kas'manit, ti sa'am ti inkipijnasts'e'm, it'imina ti 'nakayi ajwayeje ni siwet'ia. 'Yina siuti kia'iyo 'naka'ne ti astaj ja enayi 'ate ti janit'onitieyi pijia'm, je 'es ka ekiajla astepe'e siuniwa asjloye ti kiak jiwoyeyi ti jleyepe kiajwe.

Efesios 3:16

A'yasane siunie asjweyeja' ka intajleje siuniwa i'wi'in ti je jlase', ka ne'n aswa'm, lapakawo siojona Sinia' jikimet ti 'es janoye'ase'm.

Efesios 6:10

I'lijwas, ti asa'am ti jleyejiap pi Saka'niona, janakaye ti asjweye ja atajlatayi, 'yina ti jla'am ti jit'iuni po'.

Filipenses 1:27

Po' siunie 'ejejie'nase'm ka woyeyi: awo'ate siupi ja k'iejliyeyi siupa jawoyeyi, 'wena ká 'asa'yi ape'e siunie iyo niwa jlamtis pa Sijwajieti, ti iyo ka woyeyi. 'Wanjliyijna'a ka kia'iwo ka je ijio'wase, ni'ne ka ijio'wase ka i'wina', 'yina ka najatajana'a jla'am ti ja ijie'yase ti jakinieyi ni siunie jiwoyeyi ti ijnojlie wita'm ni astankiujnieye jiwonayi. Nojwa'yi ape'e ti jinilana'yi ape'e ni siunie iyo ni sitienkiujnieye ti 'es.

Filipenses 4:1

Jak je iyoyiji, japo i'lijwas ti yimijna'ase'm, je pi sik'iejie'e ti awotaja'ni ka i'wina, jla'yi ti asa'am ti inikanitiejeye'ase'm, asa'am siunie i'wiejiet ti ja'yakajli, yimijna'. Ká ajlasata'yi isia'm siunie jiniwonayi; ká aleyeyi ni Saka'niona.

Filipenses 4:13

Atojmi wek ilia'm, 'yina ti ijwiye powek, kajeyepa ti paka Sijwajieti ti iyo ijwiyeja'.

Colosenses 1:23

Jak je iyoyiji je 'esiji ka leyeyi siunie astankiujnieye ti 'es; ká anitajlina', nit'onitie pijia'm, ká alanayi wita'm siojona asnejejwiye ti tajle pak Sinia' jika'niye ti pajk'i ti jipe'yaye. 'Yina siunie inka'niye itij'w ape'e 'ni ajnat ti tijwela, siuti ya'am ti Pablok'i'm, ya'am ti Sinia' jikawok'i'm.

Colosenses 4:12

Askiecha Epafras, Sijwajieti jikawo pet, itijwi'lase. 'Yina jla'am ti ini'net'i astepe'e ti 'najlanayi'ni pa Sinia', ka je aleyeyi ka k'iuyeyi siunie Sinia' iyo ka woyi.

Colosenses 4:2

Ká aleyeyi ti jiwoye'ni asts'ajlayeja', siu'neje ti asnikanitieyi jlekiajlayi'ni pa Sinia'. Ká anikiwalinitie.

1 Tesalonicenses 3:8

Kat'ajayi ti ijwilats'e'm ti wuj ti jini'netieyi pa Sinia', sekyi'i ti wuj ti kasts'akase'n.

1 Tesalonicenses 5:6

Tempi it'imina ti je 'es ka imiakk'iji'n ka iyok'iate napo ijia i'nio'. 'Esiji ka 'yukk'iji'n, ja ke kaskiwali. 'Esiji ka iyoki ni siunie si'niayi ni tijnajyi.

2 Tesalonicenses 2:15

Ijiate, i'lijwas, 'esiji ka askio' ke k'asa'a 'nak inka'neyasajnaye ni siunie ajlasat'asepi pet ti ato'niase, siu'neje ti ajlo'wase ni ip'isinik.

2 Timoteo 2:1

A'm yas, kima ni Sijwajieti Jesús jikap'ijliuskiye ni yits'e, woye ajweyeja'.

2 Timoteo 4:5

Ke wujwa ka awoyi ajlak'aliye, ti k'iejlitieje pa; siunie ajlak'ali nilayiti; woyi amitikie' siuniwa Sinia' jlamtis ti isis; nilesaniji ti jiwoyi ni akijmaye, ti a'm ti Sinia' jikawo'wa'm.

2 Timoteo 4:7

Wuj ti 'es ti anila'an ijwiye po', lapakawo ti ats'i ni jlaj yi'i 'ni 'nayi ni anok'i. Kajeyepa wuj ti alesaniji siu'nie awoyi ti 'es.

1 Pedro 4:7

Je pa tojwa'a ni jlaj jane'yi wikie'eyi siuniwa wask'i'nelaja. It'imina ti kiak awo'nase, nilesanayiji. 'Esiji ka asa'am ijiatayi ka woyeyi ni asts'ajlaye.

1 Pedro 5:8

'Esiji ka wujwa ka 'yena siunie jiwoyeyi. Joskiyeyi, asosik enitiejyits'i'ni, kajeyepa siunie astajiejwa imosik iyo'ate ni k'iwajla ti jwesieta, ti inijijwijyink'iye ni i'nio' ka insojmayi ka inla'an.

Apocalipsis 16:15

(Saka'niona iyo'ate: —'Yejne'n, jayapimet jayo'ate iyo ni kajlajnata ti yisi'lietk'i napo i'nio' ti iyoyetaja ni jikajlajnaye. Jak je iyoyiji pet siunie je inikiwalinit, je jlase' pet siunie awone ti e'ne ni ikap'ijliuskiye ti 'es, siunie ti itime ti ilisank'i niwa ji'wuye ti ja'nots'iji'n, 'nakayi ti ja ke i'najleje'n, 'yina ja lajak'ina'a pa ka k'iejliyeyi ka t'ajwejli ineniji ka i'nistana'a.)