1 Corintios 16:10 - Sinia' Jlamtis 1994

¹⁰ Ka nak inetiejenie'e ni Timoteo, 'esiji ka 'yenayi 'nakayi ti t'otale jat'onie. Kia'iyo jlam ti iniuyeje pa Saka'niona, jikijmaye iyo'ate iyo 'ni isijmaye.

1 Corintios 16:10 ပူးပေါင်းရင်းမြစ်များ

Hechos 16:1

Pablo ijioyis 'niji yi'i japa Derbe, siu'neje japa Listra, sek i'winits'i'ne siojo i'nio' jle' iyo'ate Timoteo. Kia'iyo inamtik jiwo, jlet japa Judía ti iyoyi pa inamtik. Sinia' jilis siupapo sekyi'i i'winis jak jwemik ti 'es, 'yijen jlosiki, jak je iyoyiji'ni ja Pablo ti iyo ka ina'asi. Siupapo Judíojos ti 'yijenayi pa iyone ti je Judío pa jinia', it'imina'ne ja Pablo ti iyo ka tejwak'i pa t'isie'n jiwa ja Timoteo, ka ijiatayiji ka Judíoja'.

Hechos 19:22

Sekyi'i ti ijliuye siojopo jla'yis, siojopo times, ti iniuye'eje 'niji Macedóniaja, japoka japo Timoteo jla'yi ja Erasto. 'Yina Pablo 'wanjli jlam seka'a Ásiaja.

Romanos 16:21

Timoteo siu'nie iniuyijk'im'ni itijwi'lase pit. Siu'neje 'napo saka ajnat ijwienjli pet, 'ni sikiecha Lucio, siu'neje 'na Jasón, siu'neje 'na Sosipater, 'napoka ti itijwi'lase pit.

1 Corintios 15:58

I'lijwas ti yimijna'yase'm, tempi it'imina ti kiak awo'nase, 'esiji ka kiajatajak'i'ni niwa jlomas ti jawoyeyi ká aleyeyi, ja kat'ajayi pet ti jani'netie'yi siunie ti jiniuyeyeje ni Saka'niona. Jlam'ne 'najanayi pi jiwonayi siunie askijmaye ti jiwoyeyi ti asa'am ti Sinia' jilists'ase'm ti je wekie'e, laja po'.

1 Corintios 16:11

Je 'es ka je a'yenajyi'n. Noyeyeje siuti t'iskiunietaja'n, ja'nakayeyi ti ja ke inwo jijliak'aliye pi ji'niayi, 'nakayi ti jankajli ka ijnok'i. Kastejlajan'n k'iye napo si'lijwas ijia.

1 Corintios 4:17

It'imina ti ajlo'wase ni Timoteo, ni awoyi yasa, ti kasjwanjliyik'i pa Saka'niona, ti jlam ti je sikiwita ti iyo siunie tijliukieje. Jla'am ti jitiej jajnotk'i ask'ioye siunie aniwone siunie ti akk'i ni Sijwajieti ji'niayi, iyo'ate siunie ti 'eyasajne'n napo Sinia' jilis yijits'i niwa ajnatis ijia.

2 Corintios 1:1

Asampey, i'lijwas ti jleyejyi jana isi' Corinto, ti kia'iyo Sinia' jilists'ase'm pet, asam'neje ti jleyejyi jana Acaya, ti Sinia' jika kia'lits'ase'm. Ya'am Pablok'i'm, ti Sijwajieti Jesús jijliujwanikk'i'm, jayo'ate atajla'm siunapo ti ijiatt'iyijpe ti t'eyasajnas, lapakawo ti tajle jla'am pi Sinia' ka kiak iyoyi. Yi'ijiap 'ni sikiecha Timoteo, yam'neje ti 'eti' siu'nie imp'esinik.

2 Corintios 6:1

Ijiatjliyi, siuti sa'am ti anokieje ni Sinia' ni iyo ni jikijmaye, wuj ti anip'elisi'niase, ká akajyina' naka jikap'ijliuskiye iyo ni Sinia', siunie ti yints'e'm.

1 Tesalonicenses 4:12

ja 'nakayeyi siunapo i'nio' Sinia' je jilis jank'iu'wase'm, jla'yi ti ja ke inetia'nase pi k'iejliyi.