1 Corintios 16:1 - Sinia' Jlamtis 1994

¹ Jayiyiji'ni siojona wikiniet'aj, ti jajiutie'ni wita'm k'iye siunapo Sinia' jilis yiji jana Judea. 'Yina wonayi 'ate siunie awo ka woyi japo Sinia' jilis yiji pet jana Galacia.

1 Corintios 16:1 ပူးပေါင်းရင်းမြစ်များ

Hechos 11:28

Ijwienjli'ne siupa jle' iyo'ate Agabo, paka'ne ti takasit, Sinia' jikimet ti 'es yamtijie'n, sekyi'i iyo'ne 'ate: —Siu'niwa jlomas nel'lia japoye, jantejw ape'e 'ni ajnat. Ijiate, ti yiyeyi puwak jlomas po' pa nel'lia ape'e pa ajnat, pakayi ti Claudio iyo anechiyas wujwa' yi'i japa ajnat Roma. Jlajmiliet ti Sinia' jilis 'yijenayi pa iyone, iyo'ni ka inoyeje papo ijia yi'i Judéaja, k'iejliyi pi i'wi'in ti iyo ka nene. Sekyi'i siupa k'ie puwa ijiutis wita'm, iwinisiam'ne ja Bernabé jla'yi ja Saulo, ti ijliuyisi papo Sinia' jilis yi' Judéaja, ka tekiajlaja papo kijilas kanwenk'i papo ijia.

Hechos 16:6

'Yina ti Sinia' jikimet ti 'es je itiliak'i k'iye ja Pablo siu'neje japo jla'yis ka ijnoyisi jlaja Asia, jak je iyoyiji ti iniuyis 'niji yi'i jlaja Frigia, siu'neje jlaja Galacia.

Hechos 18:23

Jlampa paja'ni seka'a, ti yikiajlayi'iji ti ijioyits'i papo ti ijwienjli tajlap'e, ti iniuyeje papo Sinia' jilis ti 'yakela, siupapo yi'i Galáciaja, siu'neje papo yi'i Frígiaja.

Hechos 24:17

“Siukiwa najkapis yamts'iji, wuj ti askiujni'n ti atejwits'i niwa ajnatis, 'yina pa k'iet'iyik'ipe ti apilie'eje ika ajnate ti ekiajle japo i'lijwas siojokia ijiutis wita'm japo ijia ti iyo 'wajietiye. Sekyi'i ajo 'najla'wet wujwe ti ani'notatiji k'iye pa Sinia', iyo ki Moisés jika'neyasajnaye iyo ka tiwoki, jla'yi ti ekiajle siukia a'we'en pa Sinia'. Lajatak'iyipe papo i'nioye, jla'yi ti lajk'ipa k'iejliyeyi, ti iyo ti kijlami, ti jlam pak iyots'i'ni. 'Yina jlampa iyoyep'ampe 'ate siojopo Judíojos tal Ásiaja si'wenis'ne ti a 'najla'wete. Japoka'ne siojopo ti 'esiji'ne ti nam'ni ka injwelis siupa itiajlatisk'i'm ti tejeyis ijyilia'm.

Hechos 9:13

Ananías ipi'ya ti kia'iyo, iyo'ne 'ate: —'Yaka'niona, 'loj japo i'nio' ape'ya ti jitiej ijiutisie pak i'nio', jla'yi siunie iyo ti wuj ti je 'es, iyone napo aka kia'lis ti isis ti yiji jana Jerusalén.

Hechos 9:41

Pedro isim'ne kio'yi japa i'nioki, sekyi'i ti 'yakasitienat'ipi. Sekyi'i jiwekie'ejat'ipi ti i'yase papo Sinia' jilis, siu'neje papo ask'ilieki, i'winkina papo ti 'wasa'n jlaja Dorcas.

Romanos 12:13

Nitojmatayi asa'am siunie isitia'n napo a'lejwas Sinia' jilis, 'esiji ka 'esie ka 'yena'yi ilia'm siunapo ti ijio'wase ti ijio isik'i.

1 Corintios 11:34

Siuti inel'lia'n, 'yekiunta'a a'wete, ja'nakayeyi ti Saka'niona ja ke intajlat'ase'm siuti jawoyeyi siunie jiwonayiji'ni ti wuj ti je 'es, ti jinitotieyetak'i wita'm. Siuniwa ijia 'neje niwak jatiejieta pet ts'iji ka nak ijiotaja.

1 Corintios 16:15

I'lijwas, 'najanayi pi jiwonayi ti siojo Estéfanas, ji'wet yiji jana Acaya, siojopo ji'wet jlele, ti napoka ti iniane ti iyo jlosikis ink'iejyisa', 'yina wuj ti iniuyeje siunapo ijia Sinia' jilis 'neje.

1 Corintios 4:17

It'imina ti ajlo'wase ni Timoteo, ni awoyi yasa, ti kasjwanjliyik'i pa Saka'niona, ti jlam ti je sikiwita ti iyo siunie tijliukieje. Jla'am ti jitiej jajnotk'i ask'ioye siunie aniwone siunie ti akk'i ni Sijwajieti ji'niayi, iyo'ate siunie ti 'eyasajne'n napo Sinia' jilis yijits'i niwa ajnatis ijia.

Gálatas 1:2

Ya'am, wikie'eyi siu'napo si'lijwas yi' ijiap, atejwila'ase, asa'am ti jleyejyi janak ajnat Galacia, ti Sinia' jilists'ase'm.

Gálatas 2:10

Ti yinayisi ape'e iyoyis'ne 'ate, “Astaj wunitieyipe pet siunapo i'nio' p'ijliusis pet, ti yi' asap.” Sekyi'i ti kiak awo'ni pet, “Ijiatp'ane, 'esiji.” Jlam'ne jlam pajk'i ta'a ti isiowe ka iniuyeje napoka.

Filemón 1:5

'yina ika'niye po' siunie jiwo ti wuj ti emijnaye jle'ne napo Sinia' jika kia'lis pet, siu'neje ni atankiujnieye ti 'es poyi pa Saka'niona Jesús.

Filemón 1:7

Isiecha, wuj ti ts'ajkaj'ni, ti ajieye'a ti emijnaye jle'ne siunapo Sinia' jilis pet, jla'yi ti jiniuyijk'i'm, it'imina ti yaka inejiem pijia'm 'ni ijiusik. Kia'iyojliyi pit ti jlamis, a'm ti jit'imina, ki iyo ti po' ni jinikanitieye.

Hebreos 6:10

Kajeyepa ti siunie Sinia' je ka je ijnajyi, ja ke inkiwaliyi'i siunie jiwoyeyi, siu'neje ni asts'amankiye ti jlena'yi. 'Yina pajk'i ti jinikajanitieyi siunie asemijnaye ti jiniuyeyeje siunapo jika kia'lis, jikiniejliyi ti kiak jiwoyeyi.

1 Jn 3:17

Siuti po'o ni i'nio' jwajla i'wi'in, 'yina i'winata ni jikiecha ti p'ijliusie pet, ka pakayeyi ka inwejna'm pet siupi isitia'n. ¿Tepa janwo kanjwe'el ka Sinia' jlemijnaye nejyi ni jlosik?