1 Corintios 15:56 - Sinia' Jlamtis 1994

⁵⁶ Siojona 'najlati iyoyi jlanisie' siunie inke' ti je 'es, ti 'yiti'ni siwa'm, 'yina siunie ti iyo jweyeja' ni inke', naka siunie Moisés jika'neyasajnaye.

1 Corintios 15:56 ပူးပေါင်းရင်းမြစ်များ

Juan 8:21

Jesús iyonayi'iji 'ate japo i'nio': —Jayik, siuti asa'am ja siwoyejyin'ni, ja i'wanjliyejyi ni aske' ka inetianatie. Siunie jajiojwi je 'najanayi paka wonayi ka ajoyeyi.

Juan 8:24

It'imina ti kia'awo ti awo'ate, “Ja ke atajlajyi ni aske' ka inetianatie.” Siuti ja sakakiuye ti ya'am siunie ti awo'ate “ya'am”, ja ke atajlajyi ni aske' ka inetiajnatie.

Romanos 4:15

'Yina paka jla'am siupa Moisés jika'neyasajnaye ti itiojne'n ni Sinia' jiwak; siupa ajnat inka'neyasajnaye je yi'i, 'yina lajk'ipa ka inta'yi ilia'm, sek jane'yi ka inlaki kajeyepa lajk'ipa.

Romanos 5:15

Siupa Adán jitis iyot'iyipi je ijlien'ni pet siunie Sinia' iwints'e'm. Ataj enayi pet 'ate siu'nie: ti ijwienjli ni i'nio' ti it'imijne'n ti 'loj napo ijia ti it'imina ti 'yajle'n, 'yina jlampet siunie Sinia' iwints'e'm ti kasp'elisijne'n, ti iyoyi si'wajieta', ti kia'iyo ijwienjli siunie i'nio' itiajlat, naka Sijwajieti Jesús, nak ijiate ti 'yaka'm ape'e naka, siu'neje ti 'loj napo ti 'esi.

Romanos 5:17

Jlampet siunie i'nio' ijwienjli ti 'loj napo i'nio' it'imina ti yi kiajwe ni siunie inlaye ni siunie jitis. 'Yina tepa jawo ka kiak je iwo pet siunapo ti Sinia' jikap'ijliuskiye yi'ne ti iyo 'wajieta', siu'neje ti ilisajne'n jlajma ijiatayi jla'am ti jijweye poye ape'e siojopa ji'wasankiye ti ja ink'ieye ti pak jantajleje pak i'nio' ijwienjli, paka Sijwajieti Jesús.

Romanos 5:20

Ti yiyemet pet kiak Moisés jika'neyasajnaye, sekyi'i ti kat'ajayi pet ni siunie je 'es ti yajme'n, sekyi'i Sinia' ijiatayi pet ti 'yakajanit ni jikap'ijliuskiye iyoyi.

Romanos 6:23

Jlampet siunie ji'yaka'n ti jiwoyeyi ni aske', janaka pet jana 'najlati. Jlampet siunie Sinia' iyo si'wajieta', janaka pet jana si'wasankiye ti laj jlaja, ti ani'nopijietaja pi Sijwajieti Jesús ti Saka'niona.

Hebreos 9:27

Iyoye'ate napo i'nio' siunie jawoyi ti janjwanjliyik'i jiwek ti ja'najle'n pakatajaje, 'yina ts'ijiye ka ijnejlak'ina'a siunie jawo pet ni Sinia' ti jan'ye'en ni siunie iyoyi.