1 Corintios 15:54 - Sinia' Jlamtis 1994

⁵⁴ Ka kas'wujienajtaje siunie ti t'o'n ti sa'am ti je kast'o'n ti inlesajnats'e'm, siu'neje ka ti'wujienajtaje siunie ti je paj ka 'na'al niwa ts'isienis, sekjane'yi ka inkajak'iyijna'a ti yiyi siunie k'ie ti iyot'iyipi niwa inamtis, ti iyo'ate, “Titietaja isia'm jakia 'najlati, lajk'ipa.”

1 Corintios 15:54 ပူးပေါင်းရင်းမြစ်များ

Lucas 20:36

Siunie jota jiliayeja', ja ke injlan'ni, kajeyepa jawo'ate siunapo injlojwajnas poli jlele, ti iniuk'i kisie'e ti tajla'm ni a'no' ti yapits'i pijia'm, nak jant'emina ti Sinia' jawoyi jilisa'.

Romanos 2:7

Sek jane'yi siojona ji'wasankiye ti laj jlaja, napok janwejna'm pet siunapo iyojyi'n, jla'yi ti yamjliyi pet ti iyoyi ni siunie ti 'es, jla'yi ti iyoyisijyi'n siunie inwunitieye ti tajle ni Sinia'.

Romanos 6:12

Naka ti je 'es ka aninenayi 'ate ka awaye kiajwe siunie inke', 'nakayeyi ka woyeyi siunie iyo niwa 'assienis ti je t'o'n ti 'yijijie'nase'm ka woyeyi.

Romanos 8:11

Siuti siojona Sinia' jikimet siojona ti iniujwa'n kisie'e pa Jesús jane aswa'm, janaka'ne jana ti janekial pijia'm niwak 'assienis ti je t'o'n, kajeyepa ti janakaye jla'am siojona Sinia' jikimet ti yi' aswa'm.

2 Corintios 4:11

Siuti sa'am ti kas'wasajne'n ti akiniek'i pa Jesús, naka ti kassekiajlaja siunie siliaye ti kaslanaja'n, kajeyepa ti ja 'nakayeyijna'a pet ti kiak jawo jana ji'wasankiye jankaj pet siwa'm, ti janejyi'ni siunie ts'isie'n ti je t'o'n.

2 Corintios 5:4

Siuti je atajlajlijyi kiajwe siujlie'e si'wuk, ajwe'el 'ni ts'isie'n, wuj ti sijliak'ali po', kajeyepa ti je jwajla'a, kiojieti. Je'ne ka ijwil ka tiliena sitipe'e siu'nie si'wu', ajwel ni ts'isie'n, 'wenajliyi ni siunie ja tiwonats'e ti ja tip'onaja sitipe'e siunie ink'ie' si'wu', ajwel ni ts'isie'n ink'ie'. Ja 'nakayeyi ti siojona si'wasankiye ti t'o'n ja netiajnat ni siunie ts'isie'n ti je t'o'n.

Apocalipsis 20:14

'Yina siunie 'najlati jinia' sekyi'i ti titetajayi siunie jwat ti isa ape'e, 'ate iyo ni tewuk iliyi, janaka 'najlati ti tomik'i siojopa inia'an.

Apocalipsis 21:4

Sekyi'i jitiet t'e' ja lejak'ina'a k'iye, siojona 'najlati ja lajak'i japa, siunie injlak'ali kia'iyojliyi. Siu'niwa inajlas ti tapaja'n, siu'neje ni ti tinilayitieje, siu'neje na a'tiejiek'i. Ja lajak'i, lapakawo ti netia'n siuniwa ti k'iejliyi ti kia'iyo ti po', 'yaka no'we.