1 Corintios 15:51 - Sinia' Jlamtis 1994

^51-52 'Yina 'yena siunie Sinia' je 'yakajanitk'i ti 'yakajanitk'i'm ya'am: awo'ate, ja ke kaswikie'eyi ti jaliki 'ni ajnat. Jawo'ate iyo ni i'nio' ti i'wisi'n niwa jitiase', ti je 'yakaja pi iyo ti i'wisi'n, ka jla'm iyokiena wek 'ate siupi ja kask'iejliyi ti ja ke iyok'iate siupa paj ts'isie'n. Pakayi ti ja pesiejayi siojopa 'woso' trompeta ti japakatajayiji ti ja pesiejayi. Sekjane'yi ka inoyek'ina'a kisie'e siunapo i'nio mases, ja ke inekiajlayi'ina'a ka wo'ate ti iliyi 'ni ajnat. Ts'isie'n ja ke iwoyena'a 'ate iyo ti 'nelanjie'e, 'wena ja kask'iejliyi.

1 Corintios 15:51 ပူးပေါင်းရင်းမြစ်များ

1 Corintios 13:2

Ent'a ja yama siunie ti iyo'ni jika'niyejayi napo ijia Sinia' jilis ti yameje siupi iyo janak Sinia' jikimet; jla'yi ka ts'ajane paka iyone siunie yiji ni Sinia' jlosik siupi iyo kawoyi; siu'neje ti ts'ajane wikie'eyi niwa wask'i'nelaja; jla'yi ka ijiatayi ka itienkiujnieye poye. Ka ts'ajane paka iyone ka itiajla'nik'i niwa tikijnakiyis siuniwa ji'wetis, 'yina ti ja laja yimijnayeja', siliejk'ipa ti ya'am.

1 Corintios 15:18

Siuti kiak jiwoyeyi, siupapo 'yalt'ijyimpe ti kia'iyo je 'yakakiuyis pi Sijwajieti, 'yajle'n ti 'yajlene.

1 Corintios 15:20

'Yina ijiate ti Sijwajieti iniu kisie'e ti tajli pi a'no', 'yina jla'am ti iniane k'iye siunapo 'yajle'n ti kia'iyo janok'i kisie'e ts'ijiye.

1 Corintios 15:6

Paj'ni ape'e kia'iyo ini'wenkinaja'ajme japok i'nio' ti 'yakamt'i ape'e japo quinientos (500). 'Yina pajk'i ti 'yajle'n papoka i'wint'iyispe, 'yina je pini 'neje siupapo 'wasajne'n siu'nie jloma.

1 Corintios 2:7

'Wenajliyi jla'am naka 'najankijnieye ti Sinia' tajle, ti jla'am ti jikimet, siunie ti iyo ka iwoyi. 'Yina je ink'ie', tajlap'e ti 'nelanjie'e ti je wakaljli'ijyi 'ni ajnat, ti jla'am ti ilisane. K'iejliyi ti 'yakaj 'nakayi kajeyepa ti iyotaja pet ka iwents'e'm naka ni siunie iyo ti wuj ti 'es, ni jijweye iyo.

1 Corintios 4:1

'Esiji ka kaswone Sijwajieti jikawosa'. Sinia' ijniejiet'e pet ka jikawosa', ka 'neyasane napo i'nio' siuniwa wask'i'nelaja iyo kawoyi, ti je 'yaka'm ape'e siunie iyo.

2 Corintios 5:2

'Yina ka jla'm iwo wata'a, siuti je 'ekijliyi ape'e 'ni ajnat wuj ti sijliak'ali po', ka iyojliyi'ijyi ka ta'aja ka ijliasaja niwaka si'wuki'l ti yi' poliyi.

2 Corintios 5:4

Siuti je atajlajlijyi kiajwe siujlie'e si'wuk, ajwe'el 'ni ts'isie'n, wuj ti sijliak'ali po', kajeyepa ti je jwajla'a, kiojieti. Je'ne ka ijwil ka tiliena sitipe'e siu'nie si'wu', ajwel ni ts'isie'n, 'wenajliyi ni siunie ja tiwonats'e ti ja tip'onaja sitipe'e siunie ink'ie' si'wu', ajwel ni ts'isie'n ink'ie'. Ja 'nakayeyi ti siojona si'wasankiye ti t'o'n ja netiajnat ni siunie ts'isie'n ti je t'o'n.

Efesios 1:9

Jla'yi ti 'yakajanitts'e'm siunie iyo ti 'yaka ape'e, jlamt'i ijiate ka iyo'ate, siunie ti pajk'i ta'a ti iyo ka iwoyi, 'naka siu'nie:

Efesios 3:3

Sinia' 'yakajanitie siunie ti je iyo ka nen kisie'e, ti iyo ka woyi, sekyi'i ijwilk'i'm kats'ajane pet paka iyone, iyo siukia yiji ja jikiecha ip'isinik, ti jwamjla'a ti amtitieje.

Efesios 5:32

'Yejne'n, ya'am awo'ate ti ajwel naka ti to'misiame ti yiji niwa Sinia' jlamtis: niwakayeta ti ijwi'il ni Sijwajieti siu'neje napo iyoyi ni inamtik.

Filipenses 3:21

Ti jawo ink'iejyisa' niwa ts'isienis, ti ji'niayi je itio'yi ape'e 'ni ajnat, ka iwoyena'a 'ate iyo ti jla'am ni t'ajwes ti ijiate jla'am ti 'es. Je lajk'i ni jijweye iyo ti jla'am ti i'yena wikie'eyi niwa wask'i'nelaja yi' ape'e 'ni ajnat.