1 Corintios 15:26 - Sinia' Jlamtis 1994

²⁶ Siu'neje ni jitiejiejwa ti t'on pijiame naka ni inlaye.

1 Corintios 15:26 ပူးပေါင်းရင်းမြစ်များ

2 Timoteo 1:10

Siuti Saka'niona Jesús nama ajnat'e, kiakayi'ne ti 'yakajanitk'i siunie jlemijnaye ti yints'e'm. Sijwajieti jlam ti initiajnat ni jijweye iyo jana 'najlati, 'yina ka lajak'i niwak Sinia' jlamtis ti isis ti tijwela, niwaka'ne ti ition kisie'e, janak in'wasankiye ti laj jlaja.

Apocalipsis 21:4

Sekyi'i jitiet t'e' ja lejak'ina'a k'iye, siojona 'najlati ja lajak'i japa, siunie injlak'ali kia'iyojliyi. Siu'niwa inajlas ti tapaja'n, siu'neje ni ti tinilayitieje, siu'neje na a'tiejiek'i. Ja lajak'i, lapakawo ti netia'n siuniwa ti k'iejliyi ti kia'iyo ti po', 'yaka no'we.

1 Corintios 15:55

“Am ti 'najlati'a'm, ¿tepi ijiojwi pi ajweye pi jijwel ka akients'e, ti ja kastatek'i isia'm? ¿Tepi ijiojwi siupi ajweye, ti jakients'e, ti jijwel ka kaslaki siunie anis?”

Apocalipsis 20:14

'Yina siunie 'najlati jinia' sekyi'i ti titetajayi siunie jwat ti isa ape'e, 'ate iyo ni tewuk iliyi, janaka 'najlati ti tomik'i siojopa inia'an.

Hebreos 2:14

Siuti kia'iyo ti si'niayi ijwienjliyik'i, 'yina Jesús kiak iniwone pet 'ate iyo awoki ti sa'am ti i'niolts'e'm. Jak je iyoyiji 'yuye'e, 'esieyiji ti 'ya'al, jak je iyo siojokia t'ajlati iyo itiete'ne isia'am ki imosik. Sekyi'i initiajnati siukia jijweye iyo, ti isiene'ni napo i'nio' ti iliajne'n.

Lucas 20:36

Siunie jota jiliayeja', ja ke injlan'ni, kajeyepa jawo'ate siunapo injlojwajnas poli jlele, ti iniuk'i kisie'e ti tajla'm ni a'no' ti yapits'i pijia'm, nak jant'emina ti Sinia' jawoyi jilisa'.

Apocalipsis 20:13

Sekyi'i siunie i'niat lajlik'i yikiajlayi ni Sinia' kan'ye'en siunapo ti 'yalt'ijyimpe ti yiji pet; siunie 'najlati jinia' kia'iyojliyi yikiajla pet siunapo jikas t'ipi pet, napoka napo yiji. 'Yina i'winajliyi siupa iniwont'iyijipi pet ape'e 'ni ajnat.