1 Corintios 14:2 - Sinia' Jlamtis 1994

² Jlajmiliet, siunie i'nio' jikijmaye iyo ti itieja'm siuniwa inamtis ti je tipe'yak, je napoka i'nio' ka intajle siunie iyo, 'wenajliyi ti tajleje pi Sinia', kajeyepa ti paka ti takamtijniene. Kajeyepa ti lajk'ipa ka impe'ya siupa ijwi'il ti tamtiyeta. Siupa iyo ti ijwi'il lajk'ipa ka 'najane, kajeyepa japak tajle siojopa Sinia' jikimet.

1 Corintios 14:2 ပူးပေါင်းရင်းမြစ်များ

Mateo 13:11

'Yina isiujlie japo ti iyo'ate: —Ti asa'am, Sinia' i'winki'nase'm ka intant'iejayi siuniwa yiji pet ni jika anechijiayas. Jlampet siunapo 'wenayi, Sinia' je iwijna'm ka 'najane niwaka.

Marcos 16:17

Siupapo ja ke inkakiu'n papok in'wenkinana'a pet siuniwa janesi'lietk'i napo i'nio', ti janojwank'i kisie'e siuniwa imose'l yijits'i napo i'nio', lapakawo ti nak jant'emina ni yi'i ti jasetijnape, ji'lija' ja'wenayeyi ti jawoyi.

Marcos 4:11

Isiujlie papo ti iyo'ate: —Siuti asa'am Sinia' i'winki'nase'm ka intant'iejayi siuniwa yiji ni jika anechijiayas ti je 'yaka ape'e. Jlam pet siunapo 'wenayi, napok ejnape pet k'iye siuniwa ti jla'am a'yejnap jiwek.

Hechos 10:46

jla'yi ti ipi'yayis ti ji'lija 'wenayi siupuwa iyoyi, jla'yi ti iyunitis pa Sinia'.

Hechos 19:6

Ti Pablo jikio' yinak'i ape'e, Sinia' jikimet ti 'es yi'ne ape'e ti jlamis, jlamtis 'wenayi papo i'nio', sekyi'i ti iyoyeyis jika'niyeja' siupa iyo japa Sinia' jikimet ti ijwijla'm.

Hechos 22:9

Siojopo ya'yis i'winis jiwekie'e siojo jla'al jlaja kates, 'yina je ipi'yayis siojo ina'lap. Sijwanjli ya'am ti ape'ya.

Romanos 16:25

¡Jajnotk'i'ni ti ja tiwunitie ni Sinia', etijnape pa Sijwajieti Jesús ti kia'iyo! 'Yina Sinia' jijweye po' kanoye'ase'm pet, ka wo asjweyeja', iyo siuniwa amtiyi siunie ti ijwi'il pa Sijwajieti Jesús. Nak siunie ti je tak'emisie'n siunie Sinia' ti je paj ka netia'n, je 'yakajanit'i ape'e talk'i'ni ti kia'iyo. 'Yina 'nakayi jiwekie'aja ti yin kisie'e pakayi ti jijliujwajnas jla'am ti yi'ik'i niwa jip'esijna'. 'Yina siunapo i'nio' itiant'ieje, kajeyepa ti Sinia' iyotajank'iye ka tijwelaja wikie'eyi niwa ajnatis, 'nakayi ti ja ke inkakiu jla'yi ti jank'iuye niwa jlamtis. ¡'Esiji ka jiwunitieyi tena'a ni Sinia' ti ijwienjli jla'am ti 'yije'en!

1 Corintios 12:10

Janaka 'neje ti tajle ti po' siunie ti 'yijene pi iyone ti ilisane siupa ti je kia'iyo ka ti'wena'ni; siu'neje na ti iyoyi jika'niyejayi napo i'nio', siunie tiwenaja'm; siu'neje ti po' siunie ti itiant'ieje siunie ti ijiate ti Sinia' jikimet, siu'neje niwa imose'l jikijmatis pet. Siu'neje ti po' ni 'yijene siuniwa inamtis ti 'wenayi; siu'neje na ti ipi'ya siuniwa inamtis je ti'niejenaja, sekyi'i ijwilik'iji'n.

1 Corintios 12:28

Ti Sinia' iyo ka ine'nik'i siuniwa ji'wetis napo jilis ti yikiajle ni jikijmaye, sekyi'i ti iniajnata napo ti iyojwa'n injlojwajnasa'; tomik'i ti napokaye pet napo injwejlanawos, siunapo ti ijwile pet pijia'm siunie iyo jana Sinia' jikimet, ti ijwijla'm napo i'nio'. Sekyi'i ti tomayik'i pet siunapo inka'neyasajnawos; siunapo ti i'winki'n siuniwa ti je yits'e japa ka jlomaye ka kia'iwo ka ti'wena'ni. Ijia napo 'yijene pi iyone ti ijwiejiete'n napo je isis; ijia napo ip'ilisi'n napo i'nio' Sinia' jilis, sekyi'i iniuyeje; ijia napo iniajnenk'iye napo ijia Sinia' jilis, ti iyoyi pi jikijmaye; ijia napo ti iyoyi siupuwa inamtis ti je tipe'yak.

1 Corintios 13:1

'Wanjliyi ka ts'ajane siuniwa ji'lija' napoka ti 'wena 'lij, siu'neje pi ji'lij napo injlojwajnas poli jlele, siuti laj yimijnayeja' iyoye'ate siunie wikinie ti kijlami, jlam jla'lap jiwekie'e.

1 Corintios 13:2

Ent'a ja yama siunie ti iyo'ni jika'niyejayi napo ijia Sinia' jilis ti yameje siupi iyo janak Sinia' jikimet; jla'yi ka ts'ajane paka iyone siunie yiji ni Sinia' jlosik siupi iyo kawoyi; siu'neje ti ts'ajane wikie'eyi niwa wask'i'nelaja; jla'yi ka ijiatayi ka itienkiujnieye poye. Ka ts'ajane paka iyone ka itiajla'nik'i niwa tikijnakiyis siuniwa ji'wetis, 'yina ti ja laja yimijnayeja', siliejk'ipa ti ya'am.

1 Corintios 14:16

Siuti jajwankitk'iyi siunie ti jiwunit pi Sinia' ti jlene'ni akiowe'e, ent'a japoye siunie akiecha, ti je ijiat pet ka 'najane kiwa Sinia' jlamtis, ¿jot'e ka wo'ate, “Amén”, 'yina siuti je 'yijene siupi jiwoyi?

1 Corintios 14:26

I'lijwas, ti jajliasat ape'e, ¿ten siupa jayoki? Siuti anojokietak'i wita'm, 'esiji ka poye siupa janane ask'ioye ka inene pi saka'leja, jlam pa jane'yi pi janteliajayi ka enayi. 'Yina japoye 'neje pi janamtiyi ask'ioye kiwa Sinia' jlamtis, ti ja'neyasanayi. 'Yina japoye 'neje pa janjwe'el ask'ioye siupi Sinia' i'winkina'ase'm, siu'neje pa janamtiyi siuniwa inamtis ti je tipe'yak, ti tajle pet janaka Sinia' jikimet. 'Yina japoye pi jikiecha ti janjwelik'iji'n siupi iyo ti tamti, ti jlam ti ipi'ya. 'Yina siuti kiak jiwoyeyi, ti iniuyeje ni iyo napo as'lejwas ni jlosik, 'esiji ti kia'iyo.

1 Corintios 15:51

'Yina 'yena siunie Sinia' je 'yakajanitk'i ti 'yakajanitk'i'm ya'am: awo'ate, ja ke kaswikie'eyi ti jaliki 'ni ajnat. Jawo'ate iyo ni i'nio' ti i'wisi'n niwa jitiase', ti je 'yakaja pi iyo ti i'wisi'n, ka jla'm iyokiena wek 'ate siupi ja kask'iejliyi ti ja ke iyok'iate siupa paj ts'isie'n. Pakayi ti ja pesiejayi siojopa 'woso' trompeta ti japakatajayiji ti ja pesiejayi. Sekjane'yi ka inoyek'ina'a kisie'e siunapo i'nio mases, ja ke inekiajlayi'ina'a ka wo'ate ti iliyi 'ni ajnat. Ts'isie'n ja ke iwoyena'a 'ate iyo ti 'nelanjie'e, 'wena ja kask'iejliyi.

1 Corintios 2:10

'Niwaka'ne siuniwa ti Sinia' iyo ka kastant'ieje, 'yina ijiatjliyi kastant'ieje'ne. Lapakawo ti po' siojona jikimet janaka'ne ti i'ye'en niwaka, wikie'eyi niwa wask'i'nelaja, 'wanjliyi ka kia'iwo ka poye siunie yiyi ni Sinia' ka ijiatayi ka instayiji.

1 Corintios 2:7

'Wenajliyi jla'am naka 'najankijnieye ti Sinia' tajle, ti jla'am ti jikimet, siunie ti iyo ka iwoyi. 'Yina je ink'ie', tajlap'e ti 'nelanjie'e ti je wakaljli'ijyi 'ni ajnat, ti jla'am ti ilisane. K'iejliyi ti 'yakaj 'nakayi kajeyepa ti iyotaja pet ka iwents'e'm naka ni siunie iyo ti wuj ti 'es, ni jijweye iyo.

Efesios 6:19

'Yina jwanayik'impe pet ka ts'ajlana'ni ka Sinia' iwenk'i'm pet puwa yamtisa siunie awo kayoyi. Jla'yi ti ja ijwiye poye ti jajwi'il niwa Sinia' jlamtis, jla'yi ka ts'ajane pet paka iyone ka i'winkina napo i'nio' naka siunie ti je 'yaka ape'e, naka siunie Sinia' jika'niye ti 'es.

Colosenses 2:2

Kiak aniwone 'nakayeyi ti ja wikie'eyeyi napo Sinia' jilis jijweye japoye niwa jlosikis, jla'yi ti janiwomk'i wita'm ti jawoyi ni jlemijnaye, 'nakayi ti jan'yakanis siunie 'wanjli wita'm t'ajankijnieye ti wuj ti laja po', siu'neje ti ja'najane paka iwonisi siunie Sinia' talk'i'ni ti je yin kisie'e, paka pi Sijwajieti.

1 Timoteo 3:16

'Yaka ti je jlase' ki iyo ni siunie je akakiunieje. Sinia' 'yakajanitts'e'm sa'am ni siunie ti 'es, ti iyo'ate: Sijwajieti ti inikajanitie, iniwojwa'n i'nioye, jlampet ti Sinia' iniujwata kisie'e, ti tajli ki a'no', 'yakaja ape'e pet ti Saka'niona, injlojwajnas poli jlele i'wi'in, sekyi'i ti tijwelajayi pet ape'e wikie'eyi napo i'nio' ti yi' ape'e 'ni ajnat. Ijiate je takakiunisi, siuti tikiniejayi 'niji poliyi, 'yina sekyi'i ti isima ilia'm, siunie 'es ti tiwunitie.

1 Timoteo 3:9

Janakaye siunie ti ja ijiatayi ti janki'me siunie iyo ni ijiatk'i ni kas'wenkinaja, siunie ti je akakiunieje, jla'yi ti lajk'ipa ka t'ajwejli ineyiji pa ka k'iejliyeyi.

Apocalipsis 10:7

Jak je iyoyiji siuti ja ji'woso' ilantana'a siunie injlojwanik poli jlele tomi jlaja ni nojwa'm ijwienjli sikio' itij'we times tom'niji, ineyeyinie'e siunie k'ie' Sinia' yint'ijyipi ka kia'iwo, iyont'iyipi ti ijwijla'm papo jijwejlanawos t'ipi.”