1 Corintios 14:13 - Sinia' Jlamtis 1994

¹³ Ijiatjliyi, siuti po' ni yiyi naka ti yamtiyi niwak inamtis ti je tipe'yak, ti siojopa Sinia' jikimet iwijna'm, 'esieyiji ka ijiatayi ka int'al, ka int'ajle pa Sinia' ka 'nakajanitia'm siupi iyo, 'nakayi ti ja 'nakajk'i pet k'iye siunapo ijia, ti Sinia' jilis.

1 Corintios 14:13 ပူးပေါင်းရင်းမြစ်များ

1 Corintios 12:30

Je wikie'eyi ka jijweye poyeyis ka injwajiete'n napo je isis, ni'ne ka wikie'eyeyi ka 'najane siuniwa inamtis je tipe'yak, ni'ne ka wikie'eyeyi ka injwelik'iji'n ni siunie iyo naka, ti 'yijene ni ye'li ti je tipe'yak.

Marcos 11:24

It'imina ti awo 'ate, ti ja k'iejliyeyi pa ja 'ajlayi ti jasetiana, ti ja enayiji ni asts'ajlaye, ataj womak'i. Je ijiat ka je ine askiojyi siupa jit'iejlayi.

1 Corintios 12:10

Janaka 'neje ti tajle ti po' siunie ti 'yijene pi iyone ti ilisane siupa ti je kia'iyo ka ti'wena'ni; siu'neje na ti iyoyi jika'niyejayi napo i'nio', siunie tiwenaja'm; siu'neje ti po' siunie ti itiant'ieje siunie ti ijiate ti Sinia' jikimet, siu'neje niwa imose'l jikijmatis pet. Siu'neje ti po' ni 'yijene siuniwa inamtis ti 'wenayi; siu'neje na ti ipi'ya siuniwa inamtis je ti'niejenaja, sekyi'i ijwilik'iji'n.

Hechos 8:15

'Nesat'iyis'nijpe, sekyi'i ti t'ajlayis ape'e papo i'nio' ka Sinia' jikimet ti 'es inejiapk'i.

Hechos 1:14

Wikie'eyi pi nojwa'm jlamis initotis'ni wita'm, jla'yis'ni japo ji'yinis pa Jesús, siu'neje jlaja jlet María, siu'neje japo asejnia 'wenayi, ti iyoyis'ni t'ajlayeja'.

1 Corintios 14:12

Siuti kia'iyo ti jiwoyeyink'iye ka'wena' niwak siuniwa siojona Sinia' jikimet iwijnamk'i napo ti iyo ji'wajieta', 'esiji ka ijiatayiji ka injwesiejayijin pet k'iye niwaka ti ji'wena ti iniuyeje napo as'lejwas, yiji ni Sinia' jikijmaye.

1 Corintios 14:14

'Yina siuti amtiyi siupi in'lej 'wenayi ti je tipe'yak ti tajle siojopa Sinia' jikimet, ti awo 'yejlayeja', siunie ijiusik kia'iyo yamk'i pet ni iyo, 'yina jlampet siunie ka 'nakajk'iji'n ka ijwilik'iji'n, nak je ts'ajane ka kiak iwo.

1 Corintios 14:26

I'lijwas, ti jajliasat ape'e, ¿ten siupa jayoki? Siuti anojokietak'i wita'm, 'esiji ka poye siupa janane ask'ioye ka inene pi saka'leja, jlam pa jane'yi pi janteliajayi ka enayi. 'Yina japoye 'neje pi janamtiyi ask'ioye kiwa Sinia' jlamtis, ti ja'neyasanayi. 'Yina japoye 'neje pa janjwe'el ask'ioye siupi Sinia' i'winkina'ase'm, siu'neje pa janamtiyi siuniwa inamtis ti je tipe'yak, ti tajle pet janaka Sinia' jikimet. 'Yina japoye pi jikiecha ti janjwelik'iji'n siupi iyo ti tamti, ti jlam ti ipi'ya. 'Yina siuti kiak jiwoyeyi, ti iniuyeje ni iyo napo as'lejwas ni jlosik, 'esiji ti kia'iyo.