1 Corintios 14:1 - Sinia' Jlamtis 1994

¹ Injwesiejayiji'n pet k'iye siunie asemijnaye ka'wena', jwanayi'i siuniwa tajle jana Sinia' jikimet ti iyo ji'wajieta napo. Siunie jijweye ti iwijna'm ni i'nio' janak Sinia' jikimet siunie jikijmaye ni injwejlanik jiwo, nak jota ijiatayiji ka injwesiejayiji'n pet k'iye, jak je iyoyiji ka ajwelayeyipi pet napo as'lejwas siupi iyo janak Sinia' jikimet.

1 Corintios 14:1 ပူးပေါင်းရင်းမြစ်များ

Romanos 12:6

'Yina ijwienjli je k'iejliyik'i siuniwa Sinia' iwints'e'm ti iyo si'wajietisa', kajeyepa ti kasjwankitamk'i'ni siunie iyonts'eje ti kasp'elisi'n. Jak je iyoyiji siuti a'm ti injwejlanik jiwo'wa'm, woyi ni siunie jikijmaye iyo ni injwejlanik jiwo. Woyi jika'niyejayi napo i'nio' siunie iyo ni ijwijla'm jana Sinia' jikimet, 'yina siunie atankiujnieye iwi'na'm je t'an pijia'm.

Romanos 14:19

Siuti kia'iyo jayokijyin'ni pet niwaka wask'i'nelaja tejeyi ni inkamankiye, 'yina janoyits'e'm pet ka inikelaja siunie awoki ka jlam kia'iwo kanek pet.

Romanos 9:30

'Yina, ¿tepat'e sitienkiujnieye jayonaja? Siuti Sinia' ilisajne'n siunapo i'nio' ti je Judíojosieta, lapakawo ti naka jla'am ti je 'yakakiuyis, jlam'ne jeyeta ka inwoyisijyi'n ka Sinia' ilesajne'n.

1 Corintios 12:1

I'lijwas, awotajank'iye pet ka 'najanayi paka awonayiji siuniwa Sinia' jikimet ti 'es iyo ji'wajieta', napo ijniejiet'e.

1 Corintios 12:31

Kima'yi ilia'm niwaka ti je niliaja, niwak ja 'nesieyi pet. Ja'winki'nasem'ne siunie ti as'nayija' ti wuj ti 'es.

1 Corintios 13:13

Najape siuniwa ti ja ke paja ka inetia'n: niwaka niwa, intankiujnieye ti 'es, inejejwijiye, siu'neje ni inemijnaye. Siu'neje na ti ijiate ti 'yaka'm ape'e niwa ijia naka inemijnaye.

1 Corintios 13:2

Ent'a ja yama siunie ti iyo'ni jika'niyejayi napo ijia Sinia' jilis ti yameje siupi iyo janak Sinia' jikimet; jla'yi ka ts'ajane paka iyone siunie yiji ni Sinia' jlosik siupi iyo kawoyi; siu'neje ti ts'ajane wikie'eyi niwa wask'i'nelaja; jla'yi ka ijiatayi ka itienkiujnieye poye. Ka ts'ajane paka iyone ka itiajla'nik'i niwa tikijnakiyis siuniwa ji'wetis, 'yina ti ja laja yimijnayeja', siliejk'ipa ti ya'am.

1 Corintios 14:22

Siuti kia'iyo ti 'yaka, niwaka ti tajle janaka Sinia' jikimet, niwa inamtis ti je tipe'yak, napoka jla'am siunapo kakiujnietas ti ti'wenkinaja. 'Yina je ka napokaye siunapo ti iyoyi kiwa Saka'niona jlamtis. Siunie ti po' ni i'nio' ti yameje'n pet ti iyoyi jlamtikie' siupi iyo japa Sinia' jikimet, napok jla'am siunapo Sinia' jilis ti ti'wenkinaja, 'yina je tijna'yi pet napo kakiujnietas.

1 Corintios 14:37

Siuti po' siunie ti ijwi'il Sinia' jikimet japaka ti yamtijie'n, ni'ne ka nijwe'el ka poye siupa Sinia' i'winkina ka injlasate pet papo ijia, ja 'najane'eje pet pa janwone siunie iyo, siu'neje iyo ni ip'isinik naka jikajluniet jla'am pa Saka'niona.

1 Corintios 14:39

I'lijwas, 'esiji ka injwesiejayijin pet k'iye ka askijmaye iwo'ate iyo napo ijwile pijia'm jana Sinia' jikimet. Siuti po' ni itieja'm nak ye'li je tipe'yak, 'esiji ka enayi'ate.

1 Corintios 16:14

Ja k'iejliyeyi siupi jawoyeyi, jwanayik'i siunie asemijnaye ti ja ena'yi napo as'lejwas.

Efesios 1:3

Jayunitie ni Jinia' na Sijwajieti Jesús ti Saka'niona. Siuti ani'nopijietayi wita'm ni Sijwajieti, naka'ne ti Sinia' wuj ti kasp'elisijne'n, 'yina iwints'e'm wikie'eyi siuniwa isis tal poliyi.

1 Tesalonicenses 5:20

K'iuyeyi woye lajaye siunie inka'niye yameje'n siunapo ti ijwi'il ki iyo jana Sinia' jikimet ti 'es.

1 Timoteo 4:14

Lesaniji siunie Sinia' iwi'na'm, ti iyo a'wajieta', jakayi ti yamtijie'n japo jikawos, siojo iyo ja ijwi'la'm ti jikioye yi'n ape'e japo ijiate jla'am ti Sinia' jilis.

1 Timoteo 5:10

janakaye siojona i'nioki ti pajk'i ti titiant'ieki ti'wena ape'e pi jikijmaye ti 'es ti iyoyi; siojona wuj ti 'es ti i'yena papo jilis; t'oniye inka'a ti i'wi'n ilia'm papo i'nio' ti ijioyetaja; siojona ilij niwa jisietis papo Sinia' jilis; jla'yi ti wuj ti iniuyeje napoka siunapo ti po' pa jijliak'ali; siojona 'yakatate ti iyoyi siuniwa isis.

1 Timoteo 6:11

A'm ti Sinia' jlasts'a'm ti inwakal, joskiye niwaka. Katate ka woye ni siunie 'es ti je tak'emiyeje wek; katate ti ani'neti pi Sinia'; woyi ni atankiujnieye ti 'es; siunie emijnaye kia'iyojliyi; je paj ka leyi naka; ke injwesie. Ni'net siuti jitie'yi ilia'm ni je 'es, 'yina ti po' 'ni atankiujnieye ti 'es. Akio' et'i janak a'wasankiye ti laj jlaja, 'yina siuti Sinia' tana'api jiwoyepe 'ate, “Sijwajieti Jesús naka ti 'Yaka'niona pet”, ti jlene jitieyi'i japo i'nio' ti 'loj.

2 Timoteo 2:22

Jak je iyo ti kiak awo, joskiye ti a'm ti jwemik'ia'm siunie yiji napo ijia jwemik. Majk'i ni siunie tijnajyi. Ke ekiejiet ni atankiujnieye ti 'es, siunie emijnaye kia'iyojliyi, siunie jiwo ti jikama. Wikie'eyi, a'm siu'neje napo ti je iliyi ti yite'n ni Sinia', siunapo jlosikis 'najleje'n.

Hebreos 12:14

Jalasajyi'n pet k'iye ka akamaja jikiowe'e napo i'nio', 'yina janiukk'i siunie ji'niayi iyo pit siunie ti ini'notatiji, kajeyepa ti siunie ja ke inilesaniji ja ke i'we'en ni Saka'niona.

2 Pedro 1:7

Siuti ja akajlajyi ka noyets'i ni Sinia' ji'niayi ni tijnajyi, sekjane'yi ka ajalasanie'eje ape'e siunie ti jawoye as'lejwasa'. Siuti ja akajlajyi ka woye as'lejwasa', sekjane'yi ka ajalasanie'eje ape'e ka akajlajyi ka asemijnaye poye.

3 JuanMary Thureson 1:11

Isiecha ti yiminik, ká aki niwaka ti je isis, woyi jla'am niwaka ti isis. I'nio' ni iyoyi siunie 'es, nak tajle ni Sinia', jlampet ni iyoyi siunie je 'es, nak je itiant'ieje pi Sinia'.