1 Corintios 13:1 - Sinia' Jlamtis 1994

¹ 'Wanjliyi ka ts'ajane siuniwa ji'lija' napoka ti 'wena 'lij, siu'neje pi ji'lij napo injlojwajnas poli jlele, siuti laj yimijnayeja' iyoye'ate siunie wikinie ti kijlami, jlam jla'lap jiwekie'e.

1 Corintios 13:1 ပူးပေါင်းရင်းမြစ်များ

Mateo 25:45

“Janwoyena'a 'ate ni anechiyas ti jankiujlie, “Ijiatk'i siu'nie jayo'nase ti jajwi'lase'm ti ja lajak'iyi paka wonayi ka k'iejliyeyi, siu'napo ti je 'esijiyi, siu'niwa ajwel'ni, ijiate je t'i jijwela' ka 'wenaye, ya'am ti lajk'iyi paka awonak'i ka noyeyek'i'm”.”

Marcos 16:17

Siupapo ja ke inkakiu'n papok in'wenkinana'a pet siuniwa janesi'lietk'i napo i'nio', ti janojwank'i kisie'e siuniwa imose'l yijits'i napo i'nio', lapakawo ti nak jant'emina ni yi'i ti jasetijnape, ji'lija' ja'wenayeyi ti jawoyi.

Romanos 14:15

Siunie jitienkiujnieye je jilisank'i pa akiecha, kajeyepa ti i'wi'in siupa jitiujw, nak 'yakajanit pet ti je jlemi'n ni akiecha. 'Yina je 'esiji ka nakaye ak ka int'emina siunie akiecha ka netia'n ti pajk'i ti Sijwajieti inila'n ape'e.

1 Corintios 12:10

Janaka 'neje ti tajle ti po' siunie ti 'yijene pi iyone ti ilisane siupa ti je kia'iyo ka ti'wena'ni; siu'neje na ti iyoyi jika'niyejayi napo i'nio', siunie tiwenaja'm; siu'neje ti po' siunie ti itiant'ieje siunie ti ijiate ti Sinia' jikimet, siu'neje niwa imose'l jikijmatis pet. Siu'neje ti po' ni 'yijene siuniwa inamtis ti 'wenayi; siu'neje na ti ipi'ya siuniwa inamtis je ti'niejenaja, sekyi'i ijwilik'iji'n.

1 Corintios 12:16

Ni'ne ka janakaye jana ink'iote ka wo'ate, “Siuti je intatek'i'm, it'imina ti je wajk'i'm ni i'nio'”, 'yina je naka ka int'emina ka je iwiaja ni i'nio'. ¡Jeyi!

1 Corintios 12:8

Sinia' jikimet janaka ti iwijna'm ni i'nio' ka 'naja'n ji'liji; jla'yi ti janaka 'neje ti tajle siunie ti po' ni itiant'ieje siunie yiyi pi jikiecha.

1 Corintios 13:8

Siunie inemijnaye ja ke paja jla'am ka ino'we. Jlampet siunapo ti ijwile pijia'm siunie iyo jana Sinia' jikimet ja jlaj japoye; kia'iyojliyi siuniwa inamtis ti je tipe'yak, kia'iyojliyi siuniwa tajle ni Sinia' ti po' ni i'nio' ti 'yije'en.

1 Corintios 14:2

Jlajmiliet, siunie i'nio' jikijmaye iyo ti itieja'm siuniwa inamtis ti je tipe'yak, je napoka i'nio' ka intajle siunie iyo, 'wenajliyi ti tajleje pi Sinia', kajeyepa ti paka ti takamtijniene. Kajeyepa ti lajk'ipa ka impe'ya siupa ijwi'il ti tamtiyeta. Siupa iyo ti ijwi'il lajk'ipa ka 'najane, kajeyepa japak tajle siojopa Sinia' jikimet.

1 Corintios 14:4

Jlampet siunie jikijmaye pet ti itieja'm siuniwa inamtis ti je tipe'yak, jlajmiwek jla'am ti 'esi siunie iyo. Jlampet siunie ti jikijmaye ti yameje'n siunie iyo japak Sinia' jikimet, ijiate nak wuj pet ti iniuyeje siunapo ijia iyoyi ki inamtik, Sinia' jilis.

1 Corintios 14:5

Ijiate ti sitilia'ase'm kanta aswa'm siuniwa inamtis ti 'wenayi ti je tipe'yak ti tajle janak Sinia' jikimet. 'Yina siuti ya'am awotaja ka askijmaye kiak iwo naka siunie jikijmaye iyo ni i'nio' ti yameje'n pet siunie iyo janaka Sinia' jikimet. Siu'neje ni i'nio' ti jikijmaye kia'iyo ti ijwil pet siunie iyo janaka Sinia' jikimet jla'm ijiate wek jla'am ti 'yaka'm ape'e siunie ti itieja'm pet siuniwa inamtis ti je tipe'yak, siuti lajk'ipa ka injwelk'i siupi iyo, ka 'esieyi pet napo ijia siupa jlosik.

1 Corintios 8:1

Jayiyi'ni ti jajwi'il siuniwa tilianajan'ni ti titiejietajape ti tiwunitieje siuniwa tiwoki diosisa'. Ijiatk'i siunie as'lej ti jiwoye'ate, “Kaswikie'eyi ti kasts'ajan jwajla'aja.” 'Yina siuti ajwela ka kasts'aja'n jwajla'aja, yiyits'iji ti ts'ot apajakieyi ti anitonitieje; jlam'ne pet ti semijnaye po', naka pet ti iniuyeje ni sosik it'iminayi ti 'es.

Gálatas 5:22

Jlampet siuniwa tajle janak Sinia' jikimet naka ni inemijnaye ti ijiatk'i, inikanitiejeye, inkamankiye, siu'neje ti je inip'elisin'ni pa ti k'iejlitieje pa ti jiwet'ia iyo; siu'neje ti jlosik po' ni i'nio'; wuj ti takap'ijliuski; jla'yi ti intaj tiwomaja.

Gálatas 5:6

Jak je iyoyi siunie ti ini'nopijieteje ni Sijwajieti, 'yina 'wanjliyi ka kia'iwo pa ka kiak tiwonaja ka t'isie'n jiwa tejwak'i, ni'ne ka lajak'ipa ka neyi naka. Jla'm ijiate jla'am siunie sitienkiujnieye ti 'es ti po' ti laja po', 'yina naka'ne siunie ti janwo asemijnayeja', ti ja ena'yi napo as'lejwas.

1 Timoteo 1:5

Tempi it'imina ti ekiaj'la pet naka ti ajloye'a'm, 'nakayeyijna'a napo Sinia' jilis ka inenjlajap ni jlemijnaye ti tajla'm niwa jlosikis ti isis, jla'yi ka intajle siunie ti i'nialkitk'iyi ti jitiej iyoma pa Sinia' siu'neje ti jantajle ti ja lajak'i pa ka k'iejliyeyi paka jitiej wujwayisk'i ka iwo t'ajwejliye.

1 Pedro 4:8

'Yina siunie ti jla'm ijiateje ti laja po' naka ti janinemina, jlam'ne naka inemijnaye ti initiajnat niwa inkeyis.

2 Pedro 2:18

Wuj ti initoniti'n jlam jiwek ti je pini' puwa jlamtis, 'yina ti lajk'ipa ka 'esie ka intajle. Wuj ti iliaki napo ijia ti ik'emijietk'i, ti itiojna'm ni siunie je 'es, iyo pit ni jikijmaye ni ts'isie'n siunapo ti k'iejli iyota jlosikis ink'iejyisa', ti i'yiltantak'iye siuniwa iyo pit ni jikijmaye.

Apocalipsis 14:2

Jakayi'ne pet ti ape'yayi pa ina'lap ti tojma'm ni poli, ti iyo'ate ni jla'lap ni i'niat ti itiyak'i isia'm siupa iniu'we ti taj'l ape'e na tikina, iyot'i 'neje 'ate ni isiumtijni, 'yinit'iye 'neje siunie jla'lap iyo niwa 'woso'l t'aka' 'lojk'iji'n ti je jlase' ti tiliena.