1 Corintios 12:18 - Sinia' Jlamtis 1994

¹⁸ Siunie ti jikimet jla'am pa Sinia' 'ni ts'ajwes, it'imina ti siupa iyo jla'am ka ine'ne ki iyo niwa sijwa'al, ka iyot'e 'ate niwa sisietis, sikioye, wikie'eyi.

1 Corintios 12:18 ပူးပေါင်းရင်းမြစ်များ

Lucas 10:21

Pakat'iyijpe ti Jesús wuj ti inkaj'ni, ka lajak'i ki iyo japa Sinia' jikimet ti 'es, ti iyoyet'ipi 'ate: —Awunit Inia' ti poli jla'yi 'ni ajnat jika'niona'a'm. Ji'wenkijna'm siunapo lajk'iyi pa kawo, ti je 'yijejne'n. Siuniwa wask'i'nelaja jijwekia'm napo i'nio 'yijejne'n, siu'neje napo i'nio 'yijen jlosiki. Ijiate 'ni Inia', kajeyepa ti jlam kiak jiwont'iyipi ka kiak inwoyi.

Lucas 12:32

“Nijweyitie, asa'am ti iliajwasts'ase'm siuniwa 'wolepo' ti je in'lojwa, siunie Asna' wuj ti ipini'yase'm janwojwana anechiyasisa' ka awayetiejenie'e ni jika anechijiayas pet.

Romanos 12:3

Etijnape pa Sinia' siunie iyonk'iji ti sip'elisi'n, ti jayo'nase 'ate ti apejlanit'i astepe'e: je 'es pa ka jitienkiujnieye kiak iwone ka injwel ka jla'm ijiatayiji ka 'esie, sekjane'yi ti jani'najnat pijia'm. 'Yina 'esiji ka ani'notatayiji, 'otatats'i siunie astankiujnieye, jla'yi ti janijnojlieta wita'm siuti ja ijiatayi ka astankiujnieye poye, ni'ne ti jwajla'aja ti astankiujnieye poye ti Sinia' iwi'nase'm.

Romanos 12:6

'Yina ijwienjli je k'iejliyik'i siuniwa Sinia' iwints'e'm ti iyo si'wajietisa', kajeyepa ti kasjwankitamk'i'ni siunie iyonts'eje ti kasp'elisi'n. Jak je iyoyiji siuti a'm ti injwejlanik jiwo'wa'm, woyi ni siunie jikijmaye iyo ni injwejlanik jiwo. Woyi jika'niyejayi napo i'nio' siunie iyo ni ijwijla'm jana Sinia' jikimet, 'yina siunie atankiujnieye iwi'na'm je t'an pijia'm.

1 Corintios 12:11

'Yina wikie'eyi niwaka, ti je ijwienjli paka k'iejliyeyi paka jikijmaye kanwone, jlam'ne ijwienjli jla'am siojona Sinia' jikimet ti tajle, ti iwijna'm pi iyo ka iwejna'm.

1 Corintios 12:17

'Yina, ¿tepa ka wot'itieje ka pajlata ka intateyets'e'm ti sa'am ti i'niolts'e'm? Ajwel'ni je apechiyeta'ni ka kia'iwo. ¿Tepa ka wot'itieje ka pajlata ka ink'iotiye ni t'ajwes? Ajwel'ni je 'estaja ka ijwila ka ijni'wina paka k'iejliyeyi, siuti ja laja ijnietawoja'.

1 Corintios 12:19

¡Siut'itie ka kia'iwo ka ijwanjleje'n ka ne'yi pa siu'niwa, sikioye, sisietis, ajwel'ni je ijyiwittajk'i paka i'nioye iyo 'ni ts'ajwes!

1 Corintios 12:24

ijiate ti siuniwa sijwa'al ti awok lajaye lajk'i jlampa ka insetiane. Lapakawo ti Sinia' ilisanat'ets'epe, 'yina wuj ti i'yena siuniwa ti sa'am je wuj ka i'yenaja'm, jlam'ne ki iyo ti laja po'.

1 Corintios 12:28

Ti Sinia' iyo ka ine'nik'i siuniwa ji'wetis napo jilis ti yikiajle ni jikijmaye, sekyi'i ti iniajnata napo ti iyojwa'n injlojwajnasa'; tomik'i ti napokaye pet napo injwejlanawos, siunapo ti ijwile pet pijia'm siunie iyo jana Sinia' jikimet, ti ijwijla'm napo i'nio'. Sekyi'i ti tomayik'i pet siunapo inka'neyasajnawos; siunapo ti i'winki'n siuniwa ti je yits'e japa ka jlomaye ka kia'iwo ka ti'wena'ni. Ijia napo 'yijene pi iyone ti ijwiejiete'n napo je isis; ijia napo ip'ilisi'n napo i'nio' Sinia' jilis, sekyi'i iniuyeje; ijia napo iniajnenk'iye napo ijia Sinia' jilis, ti iyoyi pi jikijmaye; ijia napo ti iyoyi siupuwa inamtis ti je tipe'yak.

1 Corintios 15:38

'Yina ti jla'am pi Sinia' ti ipiujunit, iyone pi iyone japa inseliaki ka k'iejliyeyi, jak je iyoyiji siojopa jlo' ti netianataja'n ajnat kiajwe 'nesa pijia'm, 'wena je ijio'we siupa Sinia' iyone ka k'iejliyeyi.

1 Corintios 3:5

Siuti jletinats'i'ni napoka, ¿ten na Apolos?, ¿siunie Pablo, ten na? Jlam'ne ni awoki ti inka'neyasajnaye jiwosts'e'm jiwek, 'yina sa'am ti insisieyi it'imina ti jitienkiunieyi pa Saka'niona. Ijiatjliyi ti sa'am je 'wena pet paka inkima, 'yina isima pet siupa k'iejliyi siupa ti Saka'niona yikialts'e.

Efesios 1:5

'yina ti pajk'i ta'a ti kastajets'i ka ijiatak'iyi ka jilisats'e'm, pak kasts'isisi pi Sijwajieti Jesús siupi iyo pit ti inilayiti. Iyo jla'am ka woyi ni Sinia' 'naka'ne siu'nie.

Efesios 1:9

Jla'yi ti 'yakajanitts'e'm siunie iyo ti 'yaka ape'e, jlamt'i ijiate ka iyo'ate, siunie ti pajk'i ta'a ti iyo ka iwoyi, 'naka siu'nie:

Apocalipsis 4:11

“Saka'niona ti Sinia', je inlakiki'i wek, 'yina ti 'yu'wa'm siunie tiwona'a ti inwunitie, siu'neje ti tiwok ajaye, siu'neje ti ijnonitie ni at'oni iyo. Lapakawo ti a'm ti alesajna' wikie'eyi siuniwa wask'i'nelaja. Tepa jawo ka je poye niwaka 'yina ti jitienkiunie ka kiak awoyi.”