1 Corintios 11:4 - Sinia' Jlamtis 1994

⁴ Jak je iyoyiji ti po' ni i'nio' ti iyo t'ajlayeja', ni'ne ti ijwile pijia'm siupa iyo japa Sinia' jikimet ti 'es, ti its'i'n ape'e pi lotakinie japa jletik, 'yina 'yajwejlanit'ni pet siunie ti jletik.

1 Corintios 11:4 ပူးပေါင်းရင်းမြစ်များ

Hechos 13:1

Sinia' jilis ti yiji jlaja Antioquía po' japo Sinia' jijwejlanawos yiji, siu'neje japo inka'neyasajnawos. Japokajimpe japo Bernabé siu'neje ja Simón, siojo tiwonat'iyi'nijpe 'ate “Isiojwats'i”, siu'neje ja Cirene jlele Lucio, jla'yi ja Manaén, (jijniujliejwa pa Herodes ti iyo kia'lisa', siupa iyo anechiyasa'a jlaja Galilea), siu'neje ja Saulo.

1 Corintios 11:14

Jejlikiame kiu' ka ataj enayi'ni 'ate, siunie Sinia' iyone ni jikijmaye ti ilisane niwa wask'i'nelaja yi' ape'e 'ni ajnat, ¿ma 'yu'we ni ayinie ti ji'wole itiojyits'i? ¡Ajwelta ka jeye!

1 Corintios 11:5

Jlampet siojona ti lajk'ipa ka ink'i'n ape'e japa jletik ti iyo t'ajlayeja', siu'neje ti ijwile pijia'm siupi iyo japa Sinia' jikimet, kia'iyojliyi wuj ti 'yajwejlanit'ni pa ayinie ti japak jletik. Janak 'yiniye siojona asejnia ti yisit'e jana jletik ti je itioyit'i.

1 Corintios 12:10

Janaka 'neje ti tajle ti po' siunie ti 'yijene pi iyone ti ilisane siupa ti je kia'iyo ka ti'wena'ni; siu'neje na ti iyoyi jika'niyejayi napo i'nio', siunie tiwenaja'm; siu'neje ti po' siunie ti itiant'ieje siunie ti ijiate ti Sinia' jikimet, siu'neje niwa imose'l jikijmatis pet. Siu'neje ti po' ni 'yijene siuniwa inamtis ti 'wenayi; siu'neje na ti ipi'ya siuniwa inamtis je ti'niejenaja, sekyi'i ijwilik'iji'n.

1 Corintios 12:28

Ti Sinia' iyo ka ine'nik'i siuniwa ji'wetis napo jilis ti yikiajle ni jikijmaye, sekyi'i ti iniajnata napo ti iyojwa'n injlojwajnasa'; tomik'i ti napokaye pet napo injwejlanawos, siunapo ti ijwile pet pijia'm siunie iyo jana Sinia' jikimet, ti ijwijla'm napo i'nio'. Sekyi'i ti tomayik'i pet siunapo inka'neyasajnawos; siunapo ti i'winki'n siuniwa ti je yits'e japa ka jlomaye ka kia'iwo ka ti'wena'ni. Ijia napo 'yijene pi iyone ti ijwiejiete'n napo je isis; ijia napo ip'ilisi'n napo i'nio' Sinia' jilis, sekyi'i iniuyeje; ijia napo iniajnenk'iye napo ijia Sinia' jilis, ti iyoyi pi jikijmaye; ijia napo ti iyoyi siupuwa inamtis ti je tipe'yak.

1 Corintios 13:2

Ent'a ja yama siunie ti iyo'ni jika'niyejayi napo ijia Sinia' jilis ti yameje siupi iyo janak Sinia' jikimet; jla'yi ka ts'ajane paka iyone siunie yiji ni Sinia' jlosik siupi iyo kawoyi; siu'neje ti ts'ajane wikie'eyi niwa wask'i'nelaja; jla'yi ka ijiatayi ka itienkiujnieye poye. Ka ts'ajane paka iyone ka itiajla'nik'i niwa tikijnakiyis siuniwa ji'wetis, 'yina ti ja laja yimijnayeja', siliejk'ipa ti ya'am.

1 Tesalonicenses 5:20

K'iuyeyi woye lajaye siunie inka'niye yameje'n siunapo ti ijwi'il ki iyo jana Sinia' jikimet ti 'es.