1 Corintios 11:3 - Sinia' Jlamtis 1994

³ 'Yina siunie ti awotajank'iye pet ka 'najanayi ti siunie Sijwajieti naka ni jletik ni i'nio', na ayinie jlam ti jik'iemjla jletik, 'yina jlampet siunie Sinia' naka pet ni Sijwajieti jletik.

1 Corintios 11:3 ပူးပေါင်းရင်းမြစ်များ

Mateo 28:18

Sekyi'i Jesús ijliasayi, iyo'ne 'ate: —Inia' yikialk'i ka iyo anechiyasa' ape'e wikie'eyi siuniwa yi' poliyi, siu'neje niwa yi' ajnat'e.

Juan 14:28

'Yina sipe'yaye ti awo'ate, “Jayik, 'yina jayapimet'eje ti jayi'iji aska kiowe'e.” Siuti ja ijiatayi ka semina, ka kiak iwoyeyijna'a ka apeniyeyi'inna'a ti jayik ti jajioyi pi Inia', ti jla'am ti 'yaka'm itipe'e.

1 Corintios 3:23

Jlampet ti asa'am nak Sijwajieti ti jikimet'ase'm, jlampet ni Sijwajieti Sinia' jikimet pet.

Efesios 4:15

Ja 'wenajliyeyi ti janiukk'i siunie iniu'we ni 'es ja kasts'amaja napo si'lijwas, 'nakayi ka jla'm inekjlinie'e pet siunie awoki. Sek jane'yi ka ijiatayijijna'a ka kasjwanjliyik'i pa Sijwajieti, ti jlam ti jletik wikie'eyi napo Sinia' jilis.

Colosenses 1:18

Jla'am 'neje ti jletik siunapo Sinia' jilis. Paka pi jlas ti iniajnat, jla'am 'neje ti inia'an ti iniu kisie'e ti tajli ni a'no', ti iyo anechiyasa' siunie wuj.

Colosenses 2:10

siupet ti asa'am, Sinia' tipo'ase, kajeyepa ti jini'nopijietayiji pi Sijwajieti, siunie ti jla'am ti jletik wikie'eyi niwak injweyejes.

Colosenses 2:19

'Yina je isiene wita'm siunie jletik napo Sinia' jilis, ti jla'am ti 'yakojniejne'n, siu'neje ti 'yupijietk'i wita'm, 'nakayi ti ja kiajatajak'i'ni ti janjlas'ni pijia'm, iyo jla'am pi Sinia' iyo kawoyi.

Colosenses 3:18

Jlampet ti asa'am ti asejnia'ase'm, ti asjwa'yis po', k'iuyeyi napo asjwa'yis 'yina napoka ti jiwaye kiajwe. 'Yina ti kiak jota woyeyi, ti asa'am ti je kakiuye ni Saka'niona.

1 Pedro 3:1

Siupet ti asa'am ti asejnia'ase'm, ti asjwa'yis po', 'esiji ka k'iuyeyi napo asjwa'yis, lapakawo ti jleye kiajwe napo asjwa'yis. Ja 'nakayeyijna'a siunapo je iyoyi kiwa Sinia' jlamtis jaleyeyijna'a ti 'yakakiu pa Sinia', 'wanjliyi ka je amtiye'yi napo asjwa'yis. Jansets'ia kajeyepa ti jan'wena ti jiwoyeyi ni 'es, jla'yi ti jik'iuyeyi.