1 Corintios 11:29 - Sinia' Jlamtis 1994

²⁹ Kajeyepa ti siunie ti je itiant'ieje ki iyo naka Saka'niona t'isie'n, 'yiniye ka wo'ate ti i'yaje siunie ti jitis jla'am ni i'nio', ti Sinia' jane'ne.

1 Corintios 11:29 ပူးပေါင်းရင်းမြစ်များ

Lucas 7:34

'Yina ti 'nesa'aja pet 'ni I'nio' Jlas, ti ti'yekiu'n jla'am jla'yi ti i'ya jla'm i'niati, nak jijwelaye'eje ti jiwoye'ate, ¡Jlak je iliatk'i, 'yata 'neje! ¡Iyo t'ajajnajwasa' siunapo i'nio' inke' jiliajnis, siu'neje napo isi'm ilia'm puwa inkat'ijnieyejes!

Romanos 13:2

Jak je iyoyiji ti potie siunie ti teje'yi ilia'm napo anechiyasas, 'yina teje'yi ilia'm siunie Sinia' pajk'i ti ilisane. Siunapo anechiyasas ja jlamayis ti jansa'ak'i.

1 Corintios 11:24

sekyi'i ti jinikanitieyi yikiajlayi pi Jinia'. Itime ti its'isajaja'n, 'yina iyo'ne 'ate, “'Nak 'isie'n ti tiwena astepe'e ka insisieyi ti janetia'n. Kiak janiwonayipi, tankiunieyepe ijyik'i.”

1 Corintios 11:27

Jak je iyoyiji ti po' siunie itiujw janak woye siu'neje ni at'es ti ji'yaja ti je lisaniji, wuj ni jitis iyo, kajeyepa ti teje'yi ilia'm ni Saka'niona t'isie'n siu'neje ni ji'woyis.

1 Corintios 11:28

Jak je iyoyiji ti kiak awo'nase ti awo'ate, siuti je kimajliyi'iji siojona woye siu'neje ni at'es, najnat ka 'esieyiji ka wujwa ka 'yena siunie astankiujnieye.

1 Corintios 11:30

Tempi it'imina ti po' ti asa'am ti je insisie, jla'yi ti laj ast'oniye; po' napo 'yajle'n, 'yina ti naka ti tajleje.

Hebreos 5:14

Jlampet siunapo jlak kiojieti napoka pet siunapo isijlijyi'n, 'yijen jlosikisi siu'neje ti 'yakayane siuniwa wask'i'nelaja ti i'ye'en, 'yina itiant'ieje siunie 'es siu'neje ni je 'es.

Santiago 3:1

I'lijwas, je 'esiji ka ijiatayi ka 'lojwa siunapo ti janiwojwana inka'neyasajnawosa', 'yina ti 'najanayi pi jiwonayi siuti sa'am ti 'eyasanaja'n napo i'nio' je ijiat ka Sinia' ke kas'ye'en siojona jloma ka netiejenie'e.

Santiago 5:12

Nak ijiateje ti je 'es, i'lijwas, ti jletinajiape ni poli pi k'iejliyi pi jiwoyeyi, 'wena iyo ti 'naka ajnat, siu'neje niwa k'iejliyi. Siuti jiwoye 'ate “Ji'yu”, jlam ka awoyeyi; siu'neje ti jiwoye “Je'e”, ká aleyeyiji siunie jiwoyeyi. Ja'nakayeyijna'a ti Sinia' ja ke iwoyeyi astesa' naka.