1 Corintios 11:26 - Sinia' Jlamtis 1994

²⁶ 'Yina sek ijio'we kiaka, siuti jitiuwayeta janak woye siu'neje ti ji'yayetaja siunie at'es ts'ejniet'io t'e', 'yina jlekiajla'ni pijia'm ni iyo pi Saka'niona ti 'ya'al paj ka awayeyinie'e siojona jloma ti jla'am janapimet.

1 Corintios 11:26 ပူးပေါင်းရင်းမြစ်များ

Juan 14:3

Siuti jayik, jla'yi ti jawiakajlanit siunie jawaye'yi. Jatimeje, ka'nisana'aja ti jayapi'liase, ti jaya'asiye ji'wete ni Inia', ti jawaye ijiap siunie jayi'i.

Juan 21:22

Jesús isiujlie ti iyo'ate: —Siuka iyo ka 'wasanajle ka iyapitiemet, ejlo wekie'e, je a'm ala. Naj, na'm ijyik'i.

Juan 21:23

It'imina ti wikie'eyi siojopo Sinia' jilis ijwi'il siojo Jesús t'eyasanik ti ijwilta ka je i'naleje. 'Yina Jesús je ijwi'il ka je i'naleje, 'najata jla'am ti iyo'ate, “Siuka iyo ka 'wasanajle ka iyapitiemet, ejlo wekie'e, je a'm ala.”

Hechos 1:11

Iyonat'iyijpe 'ate japo injlojwajnas: —Galilea jlele, ¿yot'iyi'ni ti astaj je liena' poliyi? Kiaka ki Jesús ti yi'iji aska kiowe'e janapimet'eje jawo'ate ti ji'wenats'i ti yam pijia'm, ka 'nestana'a.

1 Corintios 15:23

'Yina jansesk'i siunie janwoyi niwaka. Siunie iniane paka Sijwajieti; siunie tomik'i naka ti Sijwajieti janapimet, sekyi'i napokaye pet siunapo jika kia'lis jla'am.

1 Corintios 4:5

'Yina naka'ne siunie ti je 'es ka ananejen'ni k'iye pa Saka'niona, je ijiat ka je i'ye'en jla'am napo i'nio' siupi iyoyi siojona jloma ka 'nesta. Ja jlama ti jankajanit'i ape'e ti janejni na jla'al ni jloma wikie'eyi niwa wask'i'nelaja tijwekiek'iji'n yiji ni ajnaj. Sekjane'yi ti jankajanit'iji ape'e napo i'nio' siunie iyo ni yiji ni jlosik. Jiwekie'ejana'a ka Sinia' iwejna'm pa jane'yi siunie ti ja tonitieje, kajeyepa ti 'yakajli.

1 Tesalonicenses 4:16

Japoye siupa ja ina'lapa' ti ja tipe'yak ti ja jwesiejayijk'iji'ni. Japakaye pi injlojwajnas poli jlele jika anechiyas ti jantamti, siu'neje japa Sinia' ji'woso' ti wakiak'iu'. Sek jane'yi ka inamana'a ajnat'e pa Saka'niona ti jantal poliyi. 'Yina papoka siupapo pajt'ik'ipe ti 'yajle'n, ti je 'yakakiu pi Jesús, papok jana'an ti janok'i kisie'e.

Hebreos 9:28

Sijwajieti kiak iyoyi, ijwienjliyiji wek ti ininekial ti ijioyi ni jiliaye iyo ti 'ya'al ape'e niwa jikeyis napo ti itijlia. 'Yina janekiajle'eje ti ja'nes, 'yina ja ke niwakaye'ne niwaka inkeyis ka na'm ape'e, 'wenajliyijna'a jla'am ti janame siunapo inijijwijyi'n k'iye ti jla'am ti janjwajiete'n.

2 Pedro 3:10

Siunie jawo pi Saka'niona ti janapimet jawo'ate ni i'nio' kajlajnata ti yisi'liet napo i'nio'. Siuti janetiajne'n ni poli, ja ke jlasiye ni jla'lap janwo, janakayena'a pet ni jwat ti jantejwk'i'ni wikie'eyi siuniwa yiji ni poli, jwat jantojwits'i. Sekjane'yi 'ni ajnat, siu'neje niwa yiji, Sinia' ja ke injla'an ti jan'ye'en pet.

1 Jn 2:28

Ilis, siukia awo'ojyi ti ajwe'lase'm ti awo'ate: ke ekiyejiap pi Sijwajieti Jesús, 'nakayeyijna'a siuti janapimet ja ke anikiwitanie'e, ja lajana'a ts'ajwejliye ilia'm jitieyi'i.

Judas 1:14

Kia'iyo pak Enoc t'ipi siupa Adán jikichas siupapo jikichas 'neje pet jlas ti tomi pijia'm. Siupa ti Sinia' ji'lij iwijna'm ti ijwi'il papoka i'niot'ipi ti iyo'ate, “A'we'en ni Saka'niona, ti na'am siu'neje ti je jlase' napo jijliujwajnas poli jlele ti namik'i,

Apocalipsis 1:7

¡'Yena'yi ilia'm, Sijwajieti na'm isia'm, ti yiji jana poli! Wikie'eyi napo i'nio' ti jan'we'en, siunapo iliant'ipi kiak jawo jan'wenis. 'Yina wikie'eyi napo i'nio' yi' ape'e 'ni ajnat ja ke jlasiye ni ja jijliak'aliye, siu'neje ni jlajlas janwoyi ti jan'wenis. Kiak janwo. Amén.

Apocalipsis 22:20

Siu'nie 'yakajanit'i ape'e 'niwaka iyo'ate: —Ijiate, ja ke paja its'ioye ti jayapimet. Amén. Kets'ijyi'n, Ika'niona Jesús.