1 Corintios 11:20 - Sinia' Jlamtis 1994

²⁰ Siunie tajle ki iyo ti jinik'isaja ti kia'iyo ti jinitotieyetajak'i wita'm, siunie Saka'niona Jlak ti 'Es ti jitiuwa. 'Yina je pi iyoye'ate ti pajk'i, ti ijiate siunie jiwonayiji, jlam'ne 'nakayi je ijiatk'i siunie jiwoyeyi.

1 Corintios 11:20 ပူးပေါင်းရင်းမြစ်များ

Hechos 2:42

Ilisanisiji siupa jika'neyasajnaye siojopo injlojwajnas, inik'isajasi siupuwa jikijmatis, yamjliyi ti iyoyis t'ajlayeja', jla'yi ti inikijwanis ti ti'yekiujni'n.

Hechos 2:46

Kiajatak'i'ni puwa jlomas initotk'i'ni wita'm kiajwe japa Sinia' ji'wuk yi'i japa Jerusalén. Ni'ne ti yinisi 'wet'e siuti ti'yekiujni'n inikijwanisie. 'Yina siuti kiak iniwonisi sekyi'i jijweye poye, pakata jla'am ti 'yuyits'i pa 'es ti iyoyisi.

1 Corintios 11:17

Po'neje siunie awo ka ijwi'lase'm. Ti siuti jinitotieyetak'i wita'm asa'am ti Sinia' jilists'ase'm, wuj ti je 'es siupa jiwoyeyi, 'yina ti inkajyina jlam'ne ka inoye'ase'm. Siunie inia'an ti ajieyi, naka ti je ijnojlie wita'm siupa k'iejliyi ti jiwoyeyi, ajwel'ni ijiate kiaka.

1 Corintios 11:19

¡'Wanjliyi je akakiuni, kajeyepa ti ja'nakayeyi ti ja 'nakaj siunapo ti je takalakijiejne'n ti yame siunie iyo pi Sijwajieti!

1 Corintios 11:21

Siunie ajieyi ti po' siunapo ti neyate'e kan'yekiujni'n, ajwel ni Saka'niona Jlak ti 'Es. 'Yina je its'iujwap papo ijia, jlam'ne po' siupapo ijia ti ijiate ti lajk'iyipa ka in'wenis pet ti inil'liajne'n, jak je iyoyiji ka je ijnomeje'n ta'a siunapo ijia.

Hebreos 10:25

Ja ke kastasite siunie aniwonaja ti anitotiek'i wita'm, iyo napo ti iliyi ti kiak iniwone, 'wenajliyi ti janijlokk'ijin'ni. Wuj wata'a ti 'es ka iyoki kiaka, 'yina ti a'wena ti je tojwa'a siojona jloma ti Saka'niona janapimet.

2 Pedro 2:13

'Yina siunie iyo ti inilayiti napo ijia ti jlamis ti iyo jijliak'aliye, niwaka'ne ti janapili ape'e siunie jawo ti janilayiti pi jijliak'aliye. 'Wanjliyi ka jlomayeyi ti iyo siunie, ti ijwilis ka 'esie. I'najwejlanatats'i wita'm asa'am ti jikijwanayi, taka'ajwejlasajne'n jla'yi ti je mamijia'm ti ijioyisi jana aslakijnieye. Inkasak'i wita'm ti insakana ti jiwoyeyi siunie iyoyisi, 'yina ti jikamajiam'ni ni je 'es ti iyoyisi.

Judas 1:12

Jak je iyoyiji siuti jinikijwana ti jiwoyeta aslakijnieyeja' ape'e ni Saka'niona jlemijnaye ni siunie yi'asap, 'yina je iyo jlosikie'ase, jak je iyoyiji wuj ti i'najwejlanatak'i wita'm asam ti jikijwanayi. Iyo'ate siunapo sontas jiwos ti je 'yakojniejne'n ni siuniwa jiliajwas, 'yina ti'yekiujni'n jla'am jiwekie'e. Iyo'ate siuniwa polis ti i'niat je yijits'i, jak je iyoyiji siunie jlajwu ti yejwuti itiete'ni. Iyo'neje 'ate siuniwa a'la' ti je iyo jlaye' ti yiyetaja siunie ti jota iwo jlaye'. Timesiji'ni ti 'yajlits'i siu'neje ti jitiskiu'l tiniayejek'i ti tilienak'i pijia'm.