1 Corintios 11:19 - Sinia' Jlamtis 1994

¹⁹ ¡'Wanjliyi je akakiuni, kajeyepa ti ja'nakayeyi ti ja 'nakaj siunapo ti je takalakijiejne'n ti yame siunie iyo pi Sijwajieti!

1 Corintios 11:19 ပူးပေါင်းရင်းမြစ်များ

Mateo 18:7

¡Wuj ti je 'es siuti poyeta niwaka ti ik'ajlinit napo i'nio' ti iyo ni jike'! Ja ke paja ka inetia'n aska kiowe'e niwaka 'yina awo'ate, ¡naka ni siunie ti jank'ajlinit ni jikiecha ti ja woyi ni jike' ja wujwa ni jiwet'iaye ti ja poye!

Lucas 17:1

Jesús iyonat'iyijpe 'ate japo t'eyasajnas: —Ja ke lajak'ipa siupa jant'emi'nase ka awoyeyi ni ake', 'yina awo'ate, ¡wuj wata'a ti ja p'ijliusieja naka ni siunie ti itiojna'm napo ijia ni je 'es!

Lucas 2:35

sekjane'yi ka 'nakajak'ina'a ape'e ki iyo niwa jlosikis. 'Yiniyijna'a siunie sijnat jitiok ti jana'me na asak'al.

Hechos 15:5

Po' siupapo Fariséojos ti yame pet siupa Jesús iyoyi. Papoka'ne siupapo takasitk'i ti iyoyis 'ate: —Siunapo i'nio' je Judíojos, 'yina ti iyoyis jlosikis ink'iejyisa', 'esiji ka woyi siunie Moisés jika'neyasajnaye, ti t'isie'n jiwa tejwak'i.

Hechos 20:30

'Wanjliyijna'a ka poye paka ne'yi pa ka inka'neyasajnayeja', siupa ka je ijiatak'i, ti jawojonk'iye ka intoni jlek'i papo Sinia' jilis.

Hechos 24:14

'Yejne'n, ya'am je ap'o'n ape'e siu'nie aki pet naka siunie saka kijilas mases Jiniat'ipi pet. 'NAYI INK'IE', ni ijwilis ti je ijiatk'i, nak aki pet. Je 'ats'ape'e siunie iyo ni Moisés jika'neyasajnaye, siu'neje niwa jlamtis papo injwejlanawos t'ipi.

Hechos 24:5

A'wena siu'nie i'nio' ti itiejietk'i wita'm napo Judíojos, ti ijioyetaja japa yi'i isi', it'imina'aja napo Judíojos ti po' na jijliak'aliyis. 'Nak iniajnen'ni k'iye siunapo i'nio' Nazarénojos.

Hechos 26:5

Siuniwa jlomas atalk'i'ni ti itiant'iejesk'i, kawo ka sijwelis, ka injwelisie'amna'a ti Fariseok'i'm. Anoyeje siunie saka'neyasajnaye iyo.

Hechos 28:22

Awoktajan pet k'iye ka ipi'yak siupa atankiujnieye jiwone, kajeyepa ti wikie'eyi ape'e 'na ajnat ti ijwela ka je 'esie siupa aka'neyasajnaye ink'ie'.

Hechos 5:17

Siupa pa'yijis jika anechiyas ti wuj, ti 'yijenat'iyijpe pi iyone, siu'neje papo Saducéojos sekyi'i ti yijap, je jlase' pi iyo ti a'tiejesiam'ni japo injlojwajnas.

1 Corintios 11:20

Siunie tajle ki iyo ti jinik'isaja ti kia'iyo ti jinitotieyetajak'i wita'm, siunie Saka'niona Jlak ti 'Es ti jitiuwa. 'Yina je pi iyoye'ate ti pajk'i, ti ijiate siunie jiwonayiji, jlam'ne 'nakayi je ijiatk'i siunie jiwoyeyi.

2 Corintios 12:20

Sikiwit'ase'm ka siuka nak ijiojwi, ka i'wina ka je iwo'ate siukia iyopi ti ajonitie. Jla'am pet ti ka si'wena ka je iwo'ate siukia awoyipi ti sonitie. Sikiwit'aseme ka ayets'i wita'm ti janawita', ni'ne ka nijnolsinayi paka k'iejliyeyi, siu'neje ni aswak ka ena'yasap, siu'neje ti jijwela napo a'lejwas ti je 'es siupi iyoyi, siu'neje ka nitonitiejyi'n siu'neje ka je inkaja siupa ka woyeyi.

Gálatas 5:20

Po' napo yamisi siunie iyo niwa sisajma'l ti tewitanajak'i pi k'iejliyi ti iyunitis, siu'neje ti yame ti iyo aye'wula. Ne'wajamk'i napo ijia, yimi'n ti iniewiti napo ijia; jla'yi ti elijietas; jijwesi je tojwits'i; takalakijiejne'n; 'yakajyi'n napo ijia ti ijwienjli yita'a.

Tito 3:10

Siunie ti jlam ti it'imina ti tejets'i wita'm napo Sinia' jilis, nak ja jloyeyi ti jawo jlosikie' ka ilek'i ni jike' iyone. Siuti ja ke inlek'i, ja ekiajlayina'aja ti ajloye. 'Yina siuti je iyoyiyi ka k'iu'wa'm sekjane'yi ka leyeyi jiwekie'e, 'yiniye ti ja ke a'we'en 'yina je iyo'ate ka je ti'niejenaja pa ka tiwonaja.

1 Jn 2:19

Ti talts'e'm japok i'nio', sekyi'i'ne ti 'yakajayi ti je wikie'eyi ka intal siwa'm. Jlam'ne ka ijiatayi ka intal siwa'm, je kia'iyotaja'ni ka intal'ne saka kiowe'e jakayi.