1 Corintios 10:6 - Sinia' Jlamtis 1994

⁶ Kiakjini iyopi pakayi lapakawo ti 'esiji ti po' sik'ioye kiaka, ja'nakayeyijna'a ti ja ke ijyiwitak'i siunie iniwont'iyisijipi ti itiliajasi siunie je 'es, siupi iniwont'iyisijipi ti iyoyi ni je 'es.

1 Corintios 10:6 ပူးပေါင်းရင်းမြစ်များ

Romanos 5:14

Jlam'ne ti tajlap'e puwak jlomas yi'i pet pa Adán, paj ti yiyeyi siupuwa jlomas yi'i pet pak Moisés, siojona 'najlati wikie'eyi siunapo i'nio' iyoyi ni jike' yiyis kiajwe, 'wanjliyi siupa jike' iyot'iyi pet papok je kiak iyoyeta 'ate iyo pak Adán, ti je its'iuye pa Sinia' iyontaja. Adán iyoye 'ate siunie ti jipelta pa siunie ti je 'yakajli'ijyi ti ja'nes, paka t'ipi pa Sijwajieti.

1 Corintios 10:11

Kiak iyo siukia jiwet'ia iyot'iyipi papoka sitiselt'ipi lapakawo ti sa'am ti kastajieta, ti yi'i niwa Sinia' jlamtis, ka kiak je iniwonaja pet, sa'am ti atomajak'i pijia'm, 'nakayi ti ja ke kasjwekk'i sekjane'yi ja kasts'esi.

Hebreos 4:11

Jak je iyoyiji pet ti sa'am 'esiji ka ijialasaja janak ajnat, 'yina je 'esiji'ni pet ka poye pa ka inekk'i siunie ji'niayi iyot'iyipi papok i'niot'ipi ti 'yakakiuyis, it'imint'iyijpe ti jiwet'ia poyis.

Hebreos 9:24

Kajeyepa ti Sijwajieti je nak siunie i'nio' jilisanik ti siunie jipe'el jiwek ni Sinia' ji'wet ka'noyi. 'Yina tijnats'iyi ti 'yuyi ni poli, siuniwa jlomas ti yi' jitieyi'i ni Sinia' jla'am ti t'ajli'ni pet siuniwa iyo niwa asetiana.

1 Pedro 3:21

Paka i'niat t'ipi, pak ti'yenajap pet ni i'nio' ti tiniejiena, naka'ne ti it'imina ti jijwaye 'nakayi. Siunie ti tiniejienapa je ka inlej niwa 'najwes, 'najata ti t'ajlajaje pi Sinia' siunie ijnosik ti ink'ie' ti 'najleje'n. Siu'neje ti kasjwajiet pa Sinia' ti kasts'isisi pi Saka'niona Jesús ti iniu kisie'e ti tajli pi a'no',

2 Pedro 2:6

Kia'iyo pa Sinia' je ip'ilisi'n papok i'nio' t'ipi yi'i japa isi'i Sodoma, siu'neje japa Gomorra, 'wenajliyi ti initiajnat papo i'nio' jwat isiene japa isi'i. 'Yina jwat itiuwits'i puwa yiji japa isi'i, paj ti jilioye 'nejie'e wek paka 'yaka, 'yaka 'yojwits'i. Lapakawo ti 'yaka ta'a k'iye siunapo i'nio' tomi pijia'm, jla'yi ti ti'wenkinaja napo ti iyo ni je 'es. Je napokata, siu'neje napo yiji pet siu'nie jloma awaki ka 'nakaja ta'a k'iye siunie jawo ni jlaj jawoyi.

Judas 1:7

Kiak iyo siupapo i'niot'ipi ti yiji puwak isi'il Sodoma siu'neje japa Gomorra, puwaka 'neje jla'am siupuwa isi'il je tosape'n. Ijiat ti je 'wena ijio'we siupi jiket'i iyoyipi papo injlojwajnas poli jlele t'ipi. Papoka i'niot'ipi ijiat ti 'yaka'm ape'eyi siupa iyoyi ti je ilisaniji siunie tiwoki ti ayijniests'e'm, siu'neje ti asejnia, siuniwa t'isienis 'yijie'ne siuniwa wask'i'nelaja siunie kawo ka inteliaja niwaka siuniwa ti ijiateje ti je isis. 'Yina it'imina ti totieje siunie jiwet'ia, naka siunie jwat ti je ti'wena ka'no'me, ja 'nakayeyi pet ti jan'we'en wikie'eyi siunapo i'nio', sek jane'yi ti ja jitiej inenayisi'nina 'ate naka.