1 Corintios 1:10 - Sinia' Jlamtis 1994

¹⁰ I'lijwas, etijnape pa Saka'niona Jesús ti Sijwajieti ti wuj ti anip'elisi'niase, ka ijnojlie wita'm siunie jiwoyeyi. Je 'esiji ka ani'wenakitie, 'esiji ka ajwankita siunie jawoyeyi. Siunie asosik kiak jawojliyi janjwanjlik'i, astankiujnieye kia'iyojliyi janjwanjlik'i.

1 Corintios 1:10 ပူးပေါင်းရင်းမြစ်များ

Mateo 9:16

“Je ti'wena wek paka jiwa siunie ink'ie' ka imp'oneje siunie ji'wu' 'yusie. Kajeyepa siuti tip'onaja ni ink'ie' yapijlia'm, sekyi'i ti ijiatayiji ti its'isk'i kajeyepa ti 'yits'i.

Marcos 2:21

“Ent'a ji'wena' pa ti ji'wuye ji'yusis ip'ioneje pa lotakinie ti ink'ie'. Kajeyepa siunie tip'onaja ti ink'ie' yapijlia'm ti tilijikieta, sekyi'i ti ijiatayiji ti its'isk'i siunie ji'yusie, 'yina ti je to'm ilia'm.

Marcos 3:24

Siojona ajnat ti ini'wenakit napo anechiyasas ti yiji, ji'niayi ja ke intoyi'i, 'yaka tejets'i wita'am napo i'yena.

Juan 10:19

Siojopo Judíojos ti ipi'yayisie ti kia'iyo, yikiajlayi'iji ti jlampa iyots'i'ni, 'yaka je ijniujlits'i.

Juan 17:23

'nakayeyijna'a pet ti ya'am jayiji ti jlamis, jlampet ti a'am jle' ijiap, sekjane'yi ka ijiatayijijna'a siunie iniwonisi ti iniwo'om. Siuti kiak jawo, ka intant'iejayijna'a napo i'nio' ti ya'am ti sijliu', jla'yi ki iyo ti wuj ti i'namaja siunapo jiwenk'i'm, iyo'ate pet ti semi'n.

Juan 7:43

'Yina Jesús jla'am ti it'imina japo i'nio' ti tejets'i wita'am.

Juan 9:16

Siojopo ijia Fariséojos iyoyis'ne 'ate: —Yaka jet'i intal Siniaye siupi i'nio' 'yina siuti je ilisa'n siujlie'e jloma ti 'es, i'nio 'wanjlijyi'n. Jla'am iyojli 'ate japo ijia: —¿Yot'iyi'ni ka kia'iwo puwa kan'wenki'n ka kassesi'liet, siuka inke' jilianikie? Sekyi'i'ne ti inik'isaja japoka.

Hechos 4:32

'Yina wikie'eyi papo i'nio' Sinia' jilis ti je pini' ijniul wita'm, jitienkiujnieye ijwienjli. Lajk'ipa kawo'ate, “Siu'niwa a'we'en isijmatis ya'am.” Tepa jawo ka kiak je iwo ti ijniul wita'm papo i'nio', inik'isajasi siupuwa jikijmatis ti i'winis.

Romanos 1:13

Awotajank'iye pet ka 'najanayi, i'lijwas, ti je ijwienjliyi ka je inijnalasata'ni awotaja ka nak ijiojwi, 'yina ayeyi 'nijiye ti je ani'yaka'n, lapakawo ti je lajk'i ni siuniwa ip'ion'ni its'ioye. Siunie ajalastajan pet k'iye ka i'wi'in ka poye papo ti asa'am ka woye asosikis ink'iejyisa' ti anotieje'ase'm pet, ka wo'ate iyo siunapo je Judíojos, ti yijits'i niwa ijia ajnatis ti kiak iyoyi.

Romanos 12:1

Ijiatjliyi 'napo i'lijwas, siuti Sinia' jikap'ijliuskiye yints'e'm, wuj ti anip'elisi'niase ti jayo'ate, ká anitejna'm ni Sinia', niwone 'ate siunie ti tiwonaja ji'wajieta' ti jla'am ti tiwunie, ti i'wasanajyi'n, ti i'notata k'iye, jla'yi ti 'yakanit'ni pa Sinia' siunie jini iyo. Naka ni siunie ti jlonitieta pa Sinia' ti je niliak. 'Esiji ka je aleyi ti ja e'ne ni Sinia'.

Romanos 12:16

Jnojlieta wita'm niwa askiojwa'l. Ká anijnonitiejyi'n; wo 'ajajnajwasa' siunapo i'nio' jiniliaja ti laj pet lajaye. Ká ajwela' ka ijiatayiji ka 'najanajyi'n.

Romanos 15:30

I'lijwas, etijnape pa Saka'niona Jesús ti Sijwajieti, siu'neje ni semijnaye ti Sinia' jikimet ti 'es iwints'e'm, 'ejie'nase'm pet ka ni'nopijietak'i siu'nie ti anila'an, jla'yi ka ts'ajlanayi pa Sinia'.

Romanos 16:17

I'lijwas, jwajla'a ni jayo'nase ti jayo'ate, ti 'esiji ka joskiyeyi ti iyotaja ka inkajyina'a siuniwa askiojwa'l ti ijwienjlik'i. 'Yina ti iyotaja ka akamajiam'ni siuniwa taka'neyasane, ti 'wenayiji je iyo'ate siunie ti 'nelanjie'e jipe'yaye ti yi'ase: ká aninajayiji napoka.

1 Corintios 1:11

Kajeyepa ti ika'niye po' ti siojopo ji'wet jlele jlaja Cloé, japok ijwilk'i ti injwela ti je jininenak'i'ni 'ate.

1 Corintios 12:25

Kajeyepa siuniwa sijwa'al Sinia' je iyo ka inikawo'on, 'wenajlitieje ka injwanjlik'i siunie jawoyi ka inip'elisijne'n.

1 Corintios 3:3

kajeyepa ti i'wanjliyeyi ti jikiniets'i siunie iyo pit ni yi' ape'e 'ni ajnat. 'Yina niwak 'yakajanit ti je liyeyi niwak astankiujnieye ti asa'am ti taj'lase ti jiwoyeyi, siunie ti jinitolsinak'i wita'm, siu'neje ti je ijnojliejyits'i siunie jiniwonayi, ka 'wena ajoyejiap'e wata'a siunapo i'nio' je tajli ni ajnat jikijmaye.

1 Corintios 4:16

Nak it'imina ti anip'elisi'niase ka woyeyi siu'nie aniwone pit.

2 Corintios 10:1

Siuti ya'am ti Pablok'i'm wuj ti anip'elisi'niase, 'yina etijnape ki iyo ni Sijwajieti jikap'ijliuskiye ti je yi'n. Po' siunapo sijwe'el ti a'yi aska kiowe'e 'yotale je t'oni paka k'iejliyeyi, jlampet ti sitiojwatajk'i 'yotale t'onie'eje ti ajwe'el pi k'iejliyi.

2 Corintios 13:11

Siunie jikiecha nak jayin jlaja, japo i'lijwas. Awojonk'iye pet ka akamaja. Jalasa pit ka ijiatayiji ka insisie, ni'netie pet. 'Esiji ka ijnol wita'm siunie jiwoyeyi ki iyo niwa asosikis, jla'yi ka ena'yasap ni askamankiye. 'Yina Sinia' ti jla'am ti tajle nak inkamankiye jla'am ti jane'yasap.

2 Corintios 13:9

Jak je iyoyi siuti kiak awoki, ti laj sijweyeja', sekyi'i ti anikanitie'ajak'i wita'm, jlam'ne pet ni jiwoyeyi ti int'oniejyi'n. 'Yina ja ke iliki ti ja'yejlanayi'ni pa Sinia', paj ka ijiatayijijna'a ka insisie ts'ijiye.

2 Corintios 5:20

Ijiate ti sa'am ti je kasto'we ti Sijwajieti jikawosts'e'm. Jak je iyoyiji ti awoki samtikie' naka ni inka'niye ti 'es, 'yiniye ka jlama pa Sinia' ka ijnalas napo i'nio'. Jak je iyoyiji pet ti ya'am wuj ti 'ejejie'nase'm ti etijnape pa Sijwajieti, ti awo'ate, ¡nijwankitayik'i pi Sinia'!

2 Corintios 6:1

Ijiatjliyi, siuti sa'am ti anokieje ni Sinia' ni iyo ni jikijmaye, wuj ti anip'elisi'niase, ká akajyina' naka jikap'ijliuskiye iyo ni Sinia', siunie ti yints'e'm.

Gálatas 4:12

I'lijwas, wuj ti anip'elisi'niase ka woye 'ate siu'nie aniwone. Ka woye pet 'ate siunie aniwone ti anitewitani asek'i. 'Yina 'najanayi pi jiwonayi ti ijiate ti je lajk'ipe ki awo ti je ts'es ti 'nelanjie'e, it'iminape ti awo yamtikie'ase ti ajwel niwa Sinia' jlamtis.

Filipenses 1:27

Po' siunie 'ejejie'nase'm ka woyeyi: awo'ate siupi ja k'iejliyeyi siupa jawoyeyi, 'wena ká 'asa'yi ape'e siunie iyo niwa jlamtis pa Sijwajieti, ti iyo ka woyeyi. 'Wanjliyijna'a ka kia'iwo ka je ijio'wase, ni'ne ka ijio'wase ka i'wina', 'yina ka najatajana'a jla'am ti ja ijie'yase ti jakinieyi ni siunie jiwoyeyi ti ijnojlie wita'm ni astankiujnieye jiwonayi. Nojwa'yi ape'e ti jinilana'yi ape'e ni siunie iyo ni sitienkiujnieye ti 'es.

Filipenses 3:16

'Yina ja 'yena 'ni si'niayi 'ni anokk'i 'nakayi, sekyi'i janajliyijna'a ti jayoki.

1 Tesalonicenses 5:13

'Esiji ka wujwa ka k'iuyeyi, woye lajaye, emina', lapawo ti ji'wena ni jikijmaye iyo. 'Esiji ka akamaja.

2 Tesalonicenses 2:1

'Nakayi, 'napo i'lijwas, siojona jloma ti ja'nes pi Saka'niona, jla'yi ti janiojokiji wita'm ti sek jane'yi, po' napo i'nio' ijwil ka 'nakaye siu'nie jloma ti awaki. 'Yina awok'iate ti sam pet ti anip'elisina'ase, ti siuti ja ajieyeyi ti japoye pa jajwel ka japakaye Sinia' jikimet ka intajle siupi ijwi'il, ni'ne ka imp'esinikie pa kanjwel ka intalts'e, ká aninenayi 'ate. Ka inwats'ilati niwa asosikis, 'yina ast'otale t'onitie.

1 Timoteo 5:21

Ya'am ene jitieyi'i pa Sinia', jla'yi pi Sijwajieti Jesús, siu'neje napo injlojwajnas poli jlele ti'wenakitie, ti ja ajwejla'm ka woyi niwak siuniwa ajloye'a'm ka awoyi. Ká a'ye'en siupa ka inteliaja ka pakaye ka 'oyijk'i, 'wenajliyi ti ja jotk'i wita'm.

2 Timoteo 4:1

'Yejne'n, jlam enjliyi ape'e ti ajlo'wa'm, jitieyi'i pi Sinia', jla'yi pi Sijwajieti Jesús, siunie anechiyas ti je ijiat ka je i'nes ti janapimet, ti jankajanit ni jitis iyo napoka siunapo 'wasanjliyine, siu'neje napo pajk'i ti 'yajle'n.

1 Pedro 2:11

I'lijwas, asa'am ti yimijna'yase'm, wuj ti anip'elisi'niase, ti je t'ikiyejli'yi kiu' ape'e siu'nie ajnat ti je ijiat ka as'weta. Ka je awoye 'weta niwak siuniwa je isis ti jlomas ti inteliajayi ka woyeyi ti teje'yi ilia'm ni siuniwa asosikis.

1 Pedro 5:10

'Yina ja ke ijiatayi ka je inek 'nijiye, je itioyi'i siu'nie yi'ase ti jinilayitieyi, Sinia' janwe'nase'm siunie as'nayi ti 'es, janwe'nase'm ni asjweye ti ink'ie', jla'yi ti ja ke tikiwita'asemna'a. 'Yina ti jla'am wuj ti 'nama'ase jla'am ti ta'nase ka ayejyi pit ni iyo ni jijweye, ti laj jlaja ti jleyejiap pi Sijwajieti Jesús.