1 Corintios 1:1 - Sinia' Jlamtis 1994

^1-2 Asampey, i'lijwas ti as'wet jana Corinto. Ya'am Pablok'i'm jla'yi 'ni sikiecha Sóstenes, sa'am wuj ti atejwila'ase. 'Yina ya'am ti Sinia' ijniejietk'i'm pet ka kia'iyo, ti iyo jikawoyek'i'm, ti awoyi siunie iyo kawoyi, ti siwojwa'n Sijwajieti Jesús jijliujwanikiek'i'm ti atajla'm siunapo ti ijiate ti jikawose. Siupet ti paka Sinia' ti ta'nasepi pet, jla'am ti inlesana' ti jleyejiap ni Sijwajieti Jesús. 'Yina je asamkata, siu'neje napo i'nio' yi' ape'e 'ni ajnat ti kia'iyo jilis ti yite'n pa Saka'niona siu'neje ti jika'nionajas pet.

1 Corintios 1:1 ပူးပေါင်းရင်းမြစ်များ

Lucas 6:13

K'iejlimot ti tanat'iyipi japo t'eyasajnas, pakayi'ne ti isi'mik'i siojopo itijwa'm niwa sikioye times tom'niji ti iyone jijliujwajnasa'.

Juan 15:16

Je 'nej 'ninta ka asama ka akimak'i'm, ya'am ijiate ti aki'mase'm. Sekyi'i awo'ne ka ijliuye ka akinie'ni, ka je piniye siupuwa ka asaye ka intajla aswa'm ja ke int'eki. Ja'nakayeyi pet ni Inia' ja k'iejliyeyi siupi jisitiana' ti ja 'ajlayi, janwe'nase'm kajeyepa ti jasetina.

Juan 20:21

Jesús yikiajlayi'iji ti iyo'ate: —Kamaja'. Iyo'ate siunie ti Inia' sijliu', 'yina kiak ja iyo'nase pet ti jajliuye.

Hechos 1:15

'Yina po' japa jloma siupapo Sinia' jilis initotisk'i wita'm ciento veinte papo i'nio' t'ipi. Sekyi'i ja Pedro ti takasitiet'ipi, iyoyet'ipi 'ate:

Hechos 1:2

siu'neje ti yiyeyi jakia jloma ti yapilie poliyi. Ti majleyeyi ka nek, siojopo jijliujwajnas siojopo pajk'i ti isi'mik'i, 'yiyasane siupi jikijmayeja' ka lajk'i japa Sinia' jikimet ti 'es ti iniuyeje.

Hechos 18:17

Sekyi'i isimits'i'ne pa Sóstenes, ti tijna'yi japa 'najla'wet, sek yinisi'i yi'i siupa tenaja'a'ni papo ti jitis potie, sekyi'i ti tajak'ni'ne. Galión siupa anechiyas yaka je in'wenata siupi iyoyisi.

Hechos 22:21

“Saka'niona isiulk'i'm ti iyo'ate, “Maj, kajeyepa ti ya'am ti jajliu'. Jajliu'wa siunapo i'nio' ji'wetis je jnanjliyi, ti je Judíojos”.”

Romanos 1:1

Asampey i'lijwas, ya'am ti Pablok'i'm ti atate'ase siu'nie ip'isinik. Sinia' jla'am ti tank'i, sekyi'i ijniejietk'i'm siu'nie isijmaye ka iyo Sijwajieti Jesús jijliujwanikie' ti sitiejieta naka ka yikiji'n ka ijwi'il siunie jika'niye ti 'es.

Romanos 1:10

Je aleyi ti ajwele'ni pa Sinia', ka kia'iwo ka intaltajanie'e, ka 'wenanie'e ijyilia'm ka nak ijiojwi, kajeyepa ti pajk'i ti awo ka yikiajle'e' ka 'wina.

Romanos 1:5

Siuti ya'am ka lajak'i pet ni iyo ni Sijwajieti Jesús, lapakawo ti jla'am pa Sinia' ti sip'elisi'n, sekyi'i ijniejietk'i'm pet ka iyo Sijwajieti jijliujwanikie', ka ijwile napo i'nio' ka 'yakajanit'i ape'e ni iyo ti jla'am. Ja'nakayeyi ti ja wikie'eyeyi napo i'nio' yi' ape'e 'ni ajnat ja ke inkakiuyis, siu'neje ti jank'iuye siunie jlamtik jawoyi.

1 Corintios 15:9

Ya'am ti je ts'esijiyi, je awoye 'ate siunapo injlojwajnas, ijiate ti je ani'nojonit'iyi ka yi'i naka kayo injlojwanikiek'i'm, kajeyepa ti ijiate wuj ti atape ilia'm napo Sinia' jilis.

1 Corintios 3:9

Siuti ya'am siu'neje napo iniuyijk'im'ni, sikijmaye je 'wena ti anokieje ni Sinia'. Jlampet ti asa'am, asa'am siunie Sinia' jlak ji'wet siunie isi'meje'n, siu'neje ti asa'am siojona 'wuk ti je iliyi ti ilisane.

2 Corintios 1:1

Asampey, i'lijwas ti jleyejyi jana isi' Corinto, ti kia'iyo Sinia' jilists'ase'm pet, asam'neje ti jleyejyi jana Acaya, ti Sinia' jika kia'lits'ase'm. Ya'am Pablok'i'm, ti Sijwajieti Jesús jijliujwanikk'i'm, jayo'ate atajla'm siunapo ti ijiatt'iyijpe ti t'eyasajnas, lapakawo ti tajle jla'am pi Sinia' ka kiak iyoyi. Yi'ijiap 'ni sikiecha Timoteo, yam'neje ti 'eti' siu'nie imp'esinik.

2 Corintios 11:5

Ijiatjliyi napoka siunapo ‘injlojwajnas’ ti jijwela' ka napok ijiatayiji ka injlojwajnasa, 'yina je 'yaka'm itipe'e.

2 Corintios 12:12

Kajeyepa siukia isijmaye ti ijiate ti anilayiti ti awoyi, siukiwa ti tenajapi pi k'iejliyi, siu'neje niwa ti inesi'lietak'i ti ji'wenayeta, niwak sakajanit ti ya'am ti ijiate wek ti injlojwanikk'i'm.

2 Corintios 8:5

'Yina siunie iniwonisi ti wuj ti 'es, kassesi'lietk'i naka, ti jlamis ti 'yiniye ka ininekiajlisi pi Saka'niona ti isimk'iji'n, iniajnatis pi Sinia' sekyi'i ti sama pet, ti iyoyeyisi siunie iyo kanwoyi pi Sinia'.

Gálatas 1:1

Asampey, japo i'lijwas. Ya'am Pablok'i'm, ti Sinia' jikawok'i'm, ip'isinik siu'nie ti atajiet'ase. Je napoka i'nio' ka siwojwa'n injlojwanikiek'i'm, jla'yi ka sijliu', 'yina paka pi Sijwajieti Jesús, siu'neje pi Sinia', paka ti iniujwa'n kisie'e ti itiajlajni pi a'no'.

Efesios 1:1

Asampey, i'lijwas, ya'am Pablok'i'm, Sijwajieti jijliujwanikk'i'm, siunie ti ijiate ti Sinia' jikawo. Ip'isinik atate'ase, ti asam ti Sinia' jilists'ase'm pet, ti jleyejyi jana Éfeso, asam ti je paj ka aleyeyi ti jiwoyeyi ni 'es, ti jikinieyi ki iyo pi Sijwajieti Jesús.

Efesios 4:11

Jla'am ti iwijnamk'i napo i'nio' ni jijweye ti iyoyi ji'wajieta'. Po' napo iwijna'm ka wo jijliujwajnasa', ijia napo iyone jijwejlanawosa', ijia napo iyone inka'niye jiwosa', ijia napo ijniejiet'e kan'yenkina napo jilis, ti 'yiyasajne'n napo i'nio'.

Colosenses 1:1

Asampey i'lijwas ti jleyejyi jana Colósas, asa'am ti Sinia' jilists'ase'm ti je kak'emisiena. Ya'am Pablok'i'm, Sijwajieti Jesús jijliujwanikk'i'm jayo'ate, ti ajyi siunapo ti jlamt'iyijipe ti jikawos, 'yina tajle jla'am pa Sinia' ti kia'iyo. Ya'am jla'yi 'ni isiecha Timoteo ti ajlok'iase 'ni sip'esinik. 'Esiji ka Sinia' jikap'ijliuskiye siu'neje ni jikamankiye ine'yasap.

1 Timoteo 1:1

Ampey isiecha Timoteo, ya'am Pablok'i'm, yam ti ajlo'wase 'ni ip'isinik. Ti Sijwajieti jijliujwanikk'i'm, ka iyot'e 'ate siunie Sinia' ti Sijwajieti jikawo siunie jlame ti je toj'we ti jla'am ti kiak siwoneje siu'neje pa Saka'niona Jesús ti jlam ti sinijijwiye. A'am ti jiwoye 'ate ka yasa'a'm ti tajle ki iyo ni sitienkiujnieye ti 'es ti wuj ti emina. 'Esiji ka Sinia' jla'yi pa Sijwajieti Jesús ti Saka'niona, 'esiji ka inwe'na'm ni siunie 'es, siu'neje ka imp'elisimpe, jla'yi ka inlesa'n.

1 Timoteo 2:7

Jak je iyoyiji ti Sinia' siwojwa'n jijliujwanik'i'm, ka ijwile ni siunie inka'niye napoka siunapo ti je Judíojos, ka 'yiyasane naka ni siunie intankiujnieye ti 'es, siu'neje ni ijiatk'i. Jlajme awoyi, ijiatk'i siunie awoyi.

2 Timoteo 1:1

Ampey ja isiecha Timoteo, ya'am Pablok'i'm ti Sijwajieti Jesús jijliujwanikk'i'm, 'yina ti awoyi siunie Sinia' jlam ti ijliuyijk'i'm ka iyo. Jla'yi ti yikialk'i ka ijwijla'm ti ji'wasankiye po' napoka ti ini'nopijiete pi Sijwajieti Jesús, ya'am ti ika jwukis siu'niwa. A'am ti awo yasa'a'm ti wuj ti emi'n, Timoteo, 'esiji ka Sinia', jla'yi pi Sijwajieti Jesús ti Saka'niona ka we'na'm ni 'es, jla'yi ka imp'elisimpe, siu'neje ka akama.