Malaquías 4:5 - Las Escrituras en Ashéninka Ucayali del Sur

⁵ Aritaki notyaanta-kimiri Kamantan-taniri Elías, Tekira omonkaa-tapaaka kitejeri ikoyiri Tajorentsi, tema okowaenkatatyee, omapero-teeyaa okaariperotee.

Malaquías 4:5 ပူးပေါင်းရင်းမြစ်များ

Isaías 40:3

Icheraapaaki, ikantantapaaki: Powameethateeniri Tajorentsi ikinapaakira ochempimashiki, Poshiyakaahaeniri Tajorentsi itampatzikaetziro awotsi.

Malaquías 3:1

Ikantzi Tajorentsi Ñaaperori: Ari notyaantaki etyaawoni ikamanta-kotena, Riitaki wetsikironi jempe nokinapaaki. Omapoka-shityaa ikyee itajorentsi-pankoteki, Piwinkatharite poyaakota-piintziri. Areetzi-mataka pikowae-yirini, riitaki notyaanteri ikenkitha-takoyi-teero kashiyakaa-wakahaantsi.

Malaquías 4:1

Iroka iñaani Tajorentsi Ñaaperori, ikantzi: Okaakitaki kitejeri iñahaetero oshiyawori opaamatzi paamari, Ari itahaeyaari kantakaa-pero-waerentzi eejatzi antzirori kaari-perori, ikimitee-yaawo opaamatzi tsipanashi. Ari ithonkyaari itahaeyaa, ikimiteeyaawo itahae-tziro inchato, Tema ithonkae-tziro maawoeni otewa eejatzi oparetha.

Lucas 1:17

Riitaki jewateerini Awinkatharite. Ikantakaa-kyaari itajorenka Kamantanta-nirini Elías, aritaki roepiya-shireteeri ikaatzi ipaapateteetari, osheki ikowaperoteeri itomi-paeni. Aritaki rotsimaryaa-shireta-kahaeri katsima-shireri, rowetsika-shireta-kaanteeyaa ikemijanteeteri Awinkatharite.”

Lucas 9:30

Iñeetatzii apite katziya-paenchari itsipata-paakari Jesús, Moisés irika itsipatakari Elías.

Juan 1:21

Eekiro rojampitee-tatziiri, ikantee-tziri: “¿Jempema piitaka? ¿Eerokama Kamantan-taniri Elías?” Ikantzi Juan: “Tee naaka.” Eekiro ikantee-tatziiri: “¿Eerokama Kamantan-taniri pokatsini?” Ikantzi: “Tee.”

Juan 1:25

Eekiro rojampita-tziiri, ikantziri: “Tee eeroka Jeepatzii-toetani, tee eeroka Elías, tee eeroka Kamantan-taniri. ¿Iitaka pomitsiryaatantari?”

Roñaahan-teetziri 6:17

Tema monkaa-paeteta-paaka iyatsimanka. ¿Eenitatsima amaweteeroni?”